ഗ്രീ​ൻ ഹൈ​ഡ്ര​ജ​ൻ സ​മ്മേ​ള​നം ഇ​ന്ന്​ ആ​രം​ഭി​ക്കും

മ​സ്​​ക​ത്ത്​: പ്ര​കൃ​തി മ​ലി​നീ​ക​ര​ണം ത​ട​യു​ന്ന​തി​ന്റെ ഭാ​ഗ​മാ​യി കാ​ർ​ബ​ൺ വി​സ​ർ​ജ്യം ഒ​​ഴി​വാ​ക്കു​ക​യെ​ന്ന ല​ക്ഷ്യ​വു​മാ​യി മൂ​ന്ന്​ ദി​വ​സ​ത്തെ ഗ്രീ​ൻ ഹൈ​ഡ്ര​ജ​ൻ സ​മ്മേ​ള​നം തി​ങ്ക​ളാ​ഴ്ച ഒ​മാ​ൻ ക​ൺ​വെ​ൻ​ഷ​ൻ ആ​ൻ​ഡ് എ​ക്​​സി​ബി​ഷ​ൻ സെൻറ​റി​ൽ ഇ​ന്നാ​രം​ഭി​ക്കും. ഒ​മാ​ൻ ഊ​ർ​ജ ധാ​തു മ​ന്ത്രി സാ​ലിം ബി​ൻ നാ​സ​ർ അ​ൽ ഔ​ഫി സ​മ്മേ​ള​ന​ത്തി​ൽ മു​ഖ്യ​പ്ര​ഭാ​ഷ​ണം ന​ട​ത്തും. സ​മ്മേ​ള​ന​ത്തോ​ട​നു​ബ​ന്ധി​ച്ച്​ പ്ര​ദ​ർ​ശ​ന​വും സം​ഘ​ടി​പ്പി​ക്കു​ന്നു​ണ്ട്.

ഗ്രീ​ൻ ഹൈ​ഡ്ര​ജ​ൻ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന 30 ക​മ്പ​നി​ക​ൾ സ​മ്മേ​ള​ന​ത്തി​ൽ പ​​​ങ്കെ​ടു​ക്കു​ന്നു​ണ്ട്. 12 ച​ർ​ച്ച സ​മ്മേ​ള​ന​ങ്ങ​ളും സാ​​​ങ്കേ​തി​ക ശി​ൽ​പ​ശാ​ല​ക​ളും സ​മ്മേ​ള​ന​ത്തി​​ന്റെ ഭാ​ഗ​മാ​യി ന​ട​ക്കും. ഒ​മാ​നി​ലെ ഗ്രീ​ൻ ഹൈ​ഡ്ര​ജ​ൻ പ​ദ്ധ​തി​ക​ൾ, ഈ ​മേ​ഖ​ല​യി​ലെ അ​ന്താ​രാ​ഷ്​​ട്ര ക​മ്പ​നി​ക​ളു​ടെ സ​ഹ​ക​ര​ണ​വും നി​ക്ഷേ​പ​വും തു​ട​ങ്ങി​യ നി​ര​വ​ധി വി​ഷ​യ​ങ്ങ​ൾ സ​മ്മേ​ള​ന​ത്തി​ൽ ച​ർ​ച്ച​ചെ​യ്യും. പ്ര​കൃ​തി​ക്ക് പ്ര​തി​കൂ​ല​മാ​യി ബാ​ധി​ക്കു​ന്ന കാ​ർ​ബ​ൺ പു​റ​ത്ത്​ വി​ടു​ന്ന ഊ​ർ​ജ സം​വി​ധാ​ന​ത്തി​ൽ നി​ന്ന്​ പ്ര​കൃ​തി​ക്ക്​ അ​നു​യോ​ജ്യ​മാ​യ ഗ്രീ​ൻ ഹൈ​ഡ്ര​ജ​ൻ പ​ദ്ധ​തി​യി​ലേ​ക്ക്​ മാ​റു​ന്ന പ​ദ്ധ​തി​യു​ടെ ഭാ​ഗ​മാ​യാ​ണ്​ ഒ​മാ​ൻ സ​മ്മേ​ള​നം സം​ഘ​ടി​പ്പി​ക്കു​ന്ന​ത്. പ്ര​കൃ​തി മ​ലി​നീ​ക​ര​ണം മൂ​ല​മു​ണ്ടാ​വു​ന്ന കാ​ലാ​വ​സ്ഥ വ്യ​തി​യാ​നം അ​ട​ക്ക​മു​ള്ള​വ ഒ​ഴി​വാ​ക്കാ​ൻ ഏ​റ്റ​വും ശു​ദ്ധ​മാ​യ സാ​​​ങ്കേ​തി​ക വി​ദ്യ ഉ​പ​യോ​ഗ​പ്പെ​ടു​ത്താ​നും ഊ​ർ​ജ ഉ​ൽ​പാ​ദ​ന​ത്തി​ന്​ വൈ​വി​ധ്യ​മു​ള്ള മാ​ർ​ഗ​ങ്ങ​ൾ ഉ​പ​യോ​ഗ​പ്പെ​ടു​ത്താ​നു​മാ​ണി​ത്.