വരുന്നു ഗ്രേ​റ്റ​ർ മ​സ്ക​ത്ത്, ഗ്രേ​റ്റ​ർ സ​ലാ​ല

മ​സ്ക​ത്ത്​: രാ​ജ്യ​ത്തി​ന്‍റെ ന​ഗ​ര​വി​ക​സ​ന ക​ർ​മ​പ​ദ്ധ​തി​യു​ടെ മൂ​ന്നാം ഘ​ട്ട​ത്തി​ൽ ഗ്രേ​റ്റ​ർ മ​സ്ക​ത്ത്, ഗ്രേ​റ്റ​ർ സ​ലാ​ല എ​ന്നി​വ ഉ​ൾ​പ്പെ​ടു​ത്തു​മെ​ന്ന്​ ഭ​വ​ന-​ന​ഗ​രാ​സൂ​ത്ര​ണ മ​ന്ത്രി ഡോ. ​ഖ​ൽ​ഫാ​ൻ ബി​ൻ സ​ഈ​ദ്​ അ​ൽ ശു​ഐ​ലി പ​റ​ഞ്ഞു.ഗ്രേ​റ്റ​ർ നി​സ്​​വ പ​ദ്ധ​തി​യു​ടെ മാ​സ്റ്റ​ർ പ്ലാ​ൻ ഉ​ട​ൻ പൂ​ർ​ത്തി​യാ​ക്കും. അ​തി​നു​ശേ​ഷ​മാ​ണ്​ ഗ്രേ​റ്റ​ർ മ​സ്ക​ത്ത്, ഗ്രേ​റ്റ​ർ സ​ലാ​ല എ​ന്നി​വ​യു​ടെ മാ​സ്റ്റ​ർ പ്ലാ​ൻ ത​യാ​റാ​ക്കു​ക​യെ​ന്നും അ​ദ്ദേ​ഹം പ​റ​ഞ്ഞു.ആ​ധു​നി​ക ന​ഗ​ര​വി​ക​സ​ന പ​ദ്ധ​തി​ക​ൾ​ക്കാ​യി മൂ​ന്നു​കോ​ടി മു​ത​ൽ നാ​ലു​കോ​ടി വ​രെ ച​തു​ര​ശ്ര മീ​റ്റ​ർ ഭൂ​മി അ​നു​വ​ദി​ക്കും.

മ​സ്ക​ത്ത്​ ഗ​വ​ർ​ണ​റേ​റ്റ്, ദോ​ഫാ​ർ ഗ​വ​ർ​ണ​റേ​റ്റി​ലെ സ​ലാ​ല, വ​ട​ക്ക​ൻ ബാ​ത്തി​ന ഗ​വ​ർ​ണ​റേ​റ്റി​ലെ സോ​ഹാ​ർ എ​ന്നി​വി​ട​ങ്ങ​ളി​ലാ​ണ്​ ഇ​ത്ര​യും ഭൂ​മി അ​നു​വ​ദി​ക്കു​ക. ആ​ധു​നി​ക ന​ഗ​ര​വി​ക​സ​ന​വും അ​നു​ബ​ന്ധ സേ​വ​ന പ​ദ്ധ​തി​ക​ൾ​ക്കു​മാ​ണ്​ ഇ​ത്​ മാ​റ്റി​വെ​ക്കു​ക. ഈ​വ​ർ​ഷം ഇ​തു​വ​രെ 23,000 പ്ലോ​ട്ടു​ക​ൾ വി​ത​ര​ണം ചെ​യ്തു.സ്വ​ന്ത​മാ​യി സ്ഥ​ല​മോ വീ​ടോ ഇ​ല്ലാ​ത്ത കു​ടും​ബ​ങ്ങ​ൾ​ക്ക്​ ഭൂ​മി ന​ൽ​കു​ന്ന​ത​ട​ക്ക​മു​ള്ള കാ​ര്യ​ങ്ങ​ൾ​ക്കാ​ണ്​ മ​ന്ത്രാ​ല​യം പ്രാ​മു​ഖ്യം ന​ൽ​കി​യ​തെ​ന്നും മ​ന്ത്രി വ്യ​ക്ത​മാ​ക്കി.

റി​യ​ൽ എ​സ്​​റ്റേ​റ്റ്​ ഫി​നാ​ൻ​സി​ങ്​ സം​ബ​ന്ധി​ച്ച്​ കൂ​ടു​ത​ൽ പ​രി​പാ​ടി​ക​ൾ ന​ട​പ്പാ​ക്കു​ന്ന​തു​മാ​യി ബ​ന്ധ​പ്പെ​ട്ട്​ ബാ​ങ്കി​ങ്​ മേ​ഖ​ല​യു​മാ​യി ച​ർ​ച്ച​ക​ൾ ന​ട​ന്നു​വ​രു​ക​യാ​ണ്. ബ​ർ​ക​യി​ലെ സു​റൂ​ഹ്​ ഇ​ന്‍റ​ഗ്രേ​റ്റ​ഡ്​ റ​സി​ഡ​ൻ​ഷ്യ​ൽ നെ​യ്​​ബ​ർ​ഹു​ഡ്​ പ​ദ്ധ​തി​യു​ടെ ആ​ദ്യ​ഘ​ട്ട​ത്തി​ന്‍റെ 60 ശ​ത​മാ​ന​ത്തോ​ളം പൂ​ർ​ത്തി​യാ​യി​ട്ടു​ണ്ട്.അ​ടു​ത്ത വ​ർ​ഷം പ​കു​തി​യോ​ടെ ഇ​ത്​ പൂ​ർ​ണ​മാ​യും ന​ട​പ്പാ​ക്കും. ഇ​തി​ന്‍റെ ര​ണ്ടാം​ഘ​ട്ടം അ​മി​റാ​ത്, ബി​ഡ്​​ബി​ഡ്, ഹ​ൽ​ബാ​ൻ എ​ന്നീ വി​ലാ​യ​ത്തു​ക​ളി​ലാ​ണ്​ ന​ട​പ്പാ​ക്കു​ക. അ​മി​റാ​ത്തി​ൽ ആ​യി​രം ഹൗ​സി​ങ്​ യൂ​നി​റ്റു​ക​ളാ​ണ്​ വി​ഭാ​വ​നം ചെ​യ്തി​രി​ക്കു​ന്ന​ത്.

മൂ​ന്നാം ഘ​ട്ട​ത്തി​ൽ സൂ​ർ, റു​സ്താ​ഖ്, സ​ലാ​ല, സോ​ഹാ​ർ, ഖ​സ​ബ് എ​ന്നീ വി​ലാ​യ​ത്തു​ക​ളാ​ണ്​ ഉ​ൾ​പ്പെ​ടു​ത്തി​യി​രി​ക്കു​ന്ന​ത്. പ​ത്ത്​ വ​ർ​ഷം കൊ​ണ്ട്​ 30 വി​ലാ​യ​ത്തു​ക​ളി​ൽ പ​ദ്ധ​തി ന​ട​പ്പാ​ക്കു​മെ​ന്നും അ​ദ്ദേ​ഹം പ​റ​ഞ്ഞു.രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ന​ട​പ്പാ​ക്കു​ന്ന ഫ്യൂ​ച​ർ സി​റ്റീ​സ്​ പ്രോ​ഗ്രാ​മി​ൽ 60,000 ഹൗ​സി​ങ്​ യൂ​നി​റ്റു​ക​ളാ​ണ്​ ആ​സൂ​ത്ര​ണം ചെ​യ്തി​രി​ക്കു​ന്ന​ത്. മ​സ്ക​ത്തി​ലേ​ത്​ മാ​ത്രം ഒ​ന്ന​ര​ക്കോ​ടി ച​തു​ര​ശ്ര മീ​റ്റ​ർ വി​സ്തൃ​തി​യി​ൽ 23,000 ഹൗ​സി​ങ്​ യൂ​നി​റ്റു​ക​ൾ ഉ​ണ്ട്. പ​ദ്ധ​തി രൂ​പ​രേ​ഖ​യു​ടെ 80 ശ​ത​മാ​ന​വും പൂ​ർ​ത്തി​യാ​യി​ട്ടു​ണ്ടെ​ന്നും ഉ​ട​ൻ അ​ന്തി​മ​രൂ​പം ​പ്ര​ഖ്യാ​പി​ക്കു​മെ​ന്നും മ​ന്ത്രി പ​റ​ഞ്ഞു. ​