ദാ​ഹി​റ​യി​ൽ ഇ​നി മ​ധു​ര​മൂ​റും മു​ന്തി​രി​ക്കാ​ലം...

മ​സ്ക​ത്ത്: ദാ​ഹി​റ ഗ​വ​ർ​ണ​റേ​റ്റി​ലെ യാ​ങ്കു​ൾ വി​ലാ​യ​ത്തി​ൽ മു​ന്തി​രി വി​ള​വെ​ടു​പ്പ് സീ​സ​ണി​ന് ഔ​ദ്യോ​ഗി​ക തു​ട​ക്ക​മാ​യി. ആ​ഗ​സ്റ്റ് ആ​ദ്യം​വ​രെ നീ​ണ്ടു​നി​ൽ​ക്കു​ന്ന​താ​ണ് സീ​സ​ൺ. പ്രാ​ദേ​ശി​ക​മാ​യി വ​ള​ർ​ത്തു​ന്ന മു​ന്തി​രി​യു​ടെ രു​ചി​യും ഉ​യ​ർ​ന്ന ഗു​ണ​നി​ല​വാ​ര​വും കാ​ര​ണം പ്രാ​ദേ​ശി​ക വി​പ​ണി​ക​ളി​ൽ വ​ള​രെ ഡി​മാ​ന്‍റാ​ണ് ഇ​വ​ക്ക്. വി​ലാ​യ​ത്തി​ൽ ഏ​ക​ദേ​ശം 13 ഏ​ക്ക​ർ സ്ഥ​ല​ത്ത് മു​ന്തി​രി​ക​ൾ വ​ള​രു​ന്നു​ണ്ടെ​ന്നും ആ​കെ 2,600 മു​ന്തി​രി മ​ര​ങ്ങ​ളു​ണ്ടെ​ന്നും യാ​ങ്കു​ളി​ലെ കൃ​ഷി, ജ​ല​വി​ഭ​വ വ​കു​പ്പ് ഡ​യ​റ​ക്ട​ർ സ​ലേം ബി​ൻ സു​ഹൈ​ൽ അ​ൽ അ​ല​വി ചൂ​ണ്ടി​ക്കാ​ട്ടി. വേ​ന​ൽ​ക്കാ​ല​ത്ത് പ്രാ​ദേ​ശി​ക വി​പ​ണി​യി​ലെ വി​ത​ര​ണ​ത്തി​ന് ഗ​ണ്യ​മാ​യ സം​ഭാ​വ​ന ന​ൽ​കു​ന്ന പ്രാ​ദേ​ശി​ക​വും ഇ​റ​ക്കു​മ​തി ചെ​യ്ത​തു​മാ​യ ഇ​ന​ങ്ങ​ൾ ഇ​തി​ൽ ഉ​ൾ​പ്പെ​ടു​ന്നു.

മു​ന്തി​രി ക​ർ​ഷ​ക​ർ​ക്ക് മ​ന്ത്രാ​ല​യം നി​ര​വ​ധി സേ​വ​ന​ങ്ങ​ൾ ന​ൽ​കു​ന്നു​ണ്ടെ​ന്ന് അ​ദ്ദേ​ഹം ചൂ​ണ്ടി​ക്കാ​ട്ടി. ന​ടീ​ൽ ദൂ​രം, മു​ന്തി​രി ട്രെ​ല്ലി​സ് ഡി​സൈ​ൻ, ആ​ധു​നി​ക ജ​ല​സേ​ച​ന സം​വി​ധാ​ന​ങ്ങ​ൾ എ​ന്നി​വ​യു​മാ​യി ബ​ന്ധ​പ്പെ​ട്ട സാ​ങ്കേ​തി​ക മേ​ൽ​നോ​ട്ട​വും ഉ​പ​ദേ​ശ​ക തു​ട​ർ​ന​ട​പ​ടി​ക​ളും ഇ​തി​ൽ ഉ​ൾ​പ്പെ​ടു​ന്നു. കൂ​ടാ​തെ, കീ​ട നി​യ​ന്ത്ര​ണം, ക​ർ​ഷ​ക​ർ​ക്ക് മു​ന്തി​രി തൈ​ക​ൾ ന​ൽ​ക​ൽ, പ്ര​തി​രോ​ധ സ്പ്രേ ​ചെ​യ്യ​ലും വ​ള​പ്ര​യോ​ഗ​വും ഷെ​ഡ്യൂ​ൾ ചെ​യ്യ​ൽ എ​ന്നി​വ​യി​ലും സ​ഹാ​യം ചെ​യ്തു​വ​രു​ന്നു.

ക​ർ​ഷ​ക​രു​ടെ വൈ​ദ​ഗ്ധ്യ​വും അ​നു​ഭ​വ​ങ്ങ​ളും അ​യ​ൽ ഗ​വ​ർ​ണ​റേ​റ്റു​ക​ളി​ലു​ള്ള​വ​ർ​ക്ക് കൈ​മാ​റു​ക, ക​ർ​ഷ​ക​ർ​ക്ക് ഒ​രു വ​രു​മാ​ന സ്രോ​ത​സ്സ് സൃ​ഷ്ടി​ക്കു​ക, ആ​ധു​നി​ക ജ​ല​സേ​ച​ന സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് ജ​ല​സ്രോ​ത​സ്സു​ക​ളു​ടെ ഉ​പ​ഭോ​ഗം യു​ക്തി​സ​ഹ​മാ​ക്കു​ന്ന​തി​നൊ​പ്പം പ്ര​ദേ​ശ​ത്തെ വി​ഭ​വ​ങ്ങ​ളി​ൽ​നി​ന്ന് പ്ര​യോ​ജ​നം നേ​ടു​ക എ​ന്നി​വ​യും സേ​വ​ന​ങ്ങ​ളി​ൽ ഉ​ൾ​പ്പെ​ടു​ന്നു​വെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു. 15 വ​ർ​ഷ​ത്തി​ലേ​റെ​യാ​യി വാ​ണി​ജ്യ മു​ന്തി​രി കൃ​ഷി​യി​ൽ ഏ​ർ​പ്പെ​ട്ടു വ​രു​ക​യ​ണെ​ന്ന് യാ​ങ്കു​ളി​ലെ മു​ന്തി​രി ക​ർ​ഷ​ക​നാ​യ ഖൈ​സ് ബി​ൻ നാ​സ​ർ അ​ൽ ഫാ​ർ​സി പ​റ​ഞ്ഞു. രു​ചി വൈ​വി​ധ്യ​ത്തി​ന് പേ​രു​കേ​ട്ട താ​യി​ഫ്, അ​മേ​രി​ക്ക​ൻ, ട​ർ​ക്കി​ഷ് മു​ന്തി​രി​ക​ൾ പോ​ലു​ള്ള ഇ​റ​ക്കു​മ​തി ചെ​യ്ത ഇ​ന​ങ്ങ​ൾ​ക്കൊ​പ്പം പ്രാ​ദേ​ശി​ക ക​റു​പ്പും വെ​ളു​പ്പും മു​ന്തി​രി​യു​ടെ ഇ​ന​വും അ​ദ്ദേ​ഹം കൃ​ഷി ചെ​യ്യു​ന്നു. പൂ​വി​ടു​ന്ന​തി​നും കാ​യ്ക്കു​ന്ന​തി​നും മു​മ്പ് മു​ന്തി​രി​ത്തോ​ട്ട​ങ്ങ​ൾ​ക്ക് തു​ട​ർ​ച്ച​യാ​യ പ​രി​ച​ര​ണം ആ​വ​ശ്യ​മാ​ണ്. മ​ണ്ണ് ത​യാ​റാ​ക്ക​ലും വ​ള​പ്ര​യോ​ഗ​വും മു​ന്തി​രി മ​ര​ങ്ങ​ളു​ടെ പ​തി​വ് ജ​ല​സേ​ച​നം നി​രീ​ക്ഷി​ക്ക​ലും ഇ​തി​ൽ ഉ​ൾ​പ്പെ​ടു​ന്ന​ത​ണെ​ന്നും അ​ദ്ദേ​ഹം വ്യ​ക്ത​മാ​ക്കി.