സുഹാറിലെ ഡാൻസ് ഉത്സവ് ഗ്രാൻഡ് ഫിനാലെ മാറ്റിവെച്ചു

സുഹാർ: സുഹാർ നവചേതനവെള്ളിയാഴ്ച്ച നടത്താനിരുന്ന ഡാൻസ് ഉത്സവ് 2024 ഗ്രാൻഡ് ഫിനാലെ മാറ്റിവെച്ചു. ലിവയിൽ നടന്ന വാഹന അപകടത്തിൽ മരണപ്പെട്ട നവചേതന ആംഗമായിരുന്ന സുനിൽ കുമാറിന്റെ മരണത്തെ തുടർന്നാണ് പരിപാടി മാറ്റിവെച്ചത്.

സുനിൽ കുമാറും കുടുംബവും നവചേതന കുടുംബ കൂട്ടായ്മയിൽ സജീവമായി പ്രവർത്തിക്കുന്നവരായിരുന്നു. ഈ ദുഃഖകരമായ അവസ്ഥയിൽ പരിപാടിയുമായി മുന്നോട്ട് പോകുക പ്രയാസമാകും എന്ന തീരുമാനത്തിൽ ആണ് മാറ്റിവെക്കാൻ തീരുമാനിച്ചതെന്ന് ഭാരവാഹികൾ അറിയിച്ചു. പരിപാടിയുടെ ഒരുക്കങ്ങൾ എല്ലാം പൂർത്തിയായതായിരുന്നു. പുതിയ തീയതി പിന്നീട് അറിയിക്കും.