ഭിന്നശേഷിക്കാർക്കുള്ള സേവനങ്ങൾ; ജർമൻ സംഘം ഒമാനിൽ

മ​സ്ക​ത്ത്​: ഭി​ന്ന​ശേ​ഷി​ക്കാ​ർ​ക്ക്​ ന​ൽ​കു​ന്ന സേ​വ​ന​ങ്ങ​ൾ മ​ന​സ്സി​ലാ​ക്കാ​നാ​യി ജ​ർ​മ​ൻ പ്ര​തി​നി​ധി സം​ഘം ഒ​മാ​നി​ലെ​ത്തി. ഹ​മ്മ​ർ ചൈ​ൽ​ഡ്‌​ഹു​ഡ് ഫോ​റ​ത്തി​ന്റെ​യും ജ​ർ​മ​ൻ അ​സോ​സി​യേ​ഷ​ൻ ഫോ​ർ ചി​ൽ​ഡ്ര​ൻ വി​ത്ത് ഡി​സെ​ബി​ലി​റ്റീ​സി​ന്റെ​യും പ്ര​തി​നി​ധി സം​ഘ​ത്തെ സാ​മൂ​ഹി​ക വി​ക​സ​ന മ​ന്ത്രാ​ല​യം സ്വീ​ക​രി​ച്ചു. ഒ​മാ​നി​ലെ ഭി​ന്ന​ശേ​ഷി​ക്കാ​ർ​ക്കാ​യി ന​ട​ത്തു​ന്ന പ​രി​പാ​ടി​ക​ളും സേ​വ​ന​ങ്ങ​ളും പ്ര​തി​നി​ധി സം​ഘം മ​ന​സ്സി​ലാ​ക്കി. ഭി​ന്ന​​ശേ​ഷി​ക്കാ​രെ സേ​വി​ക്കു​ന്ന​തി​ൽ ഇ​രു​വി​ഭാ​ഗ​ങ്ങ​ളും ത​മ്മി​ലു​ള്ള സ​ഹ​ക​ര​ണ​ത്തി​ന്റെ​യും വൈ​ദ​ഗ്ധ്യ കൈ​മാ​റ്റ​ത്തി​ന്റെ​യും വ​ഴി​ക​ൾ ച​ർ​ച്ച ചെ​യ്തു.

ജ​ർ​മ​ൻ പ്ര​തി​നി​ധി സം​ഘ​ത്തി​ലെ അം​ഗ​ങ്ങ​ൾ മ​ന്ത്രാ​ല​യ​ത്തി​ന്റെ നാ​ഷ​ന​ൽ സെ​ന്റ​ർ ഫോ​ർ ഓ​ട്ടി​സ​ത്തി​ന്റെ ആ​സ്ഥാ​നം സ​ന്ദ​ർ​ശി​ച്ചു. ഓ​ട്ടി​സം ബാ​ധി​ച്ച​വ​രെ പ​രി​ച​രി​ക്കാ​നും മ​റ്റും രൂ​പ​ക​ൽ​പ​ന ചെ​യ്ത പു​ന​ര​ധി​വാ​സ സൗ​ക​ര്യ​ങ്ങ​ൾ മ​ന​സ്സി​ലാ​ക്കി. ഓ​ട്ടി​സം ബാ​ധി​ച്ച​വ​ർ​ക്കു​ള്ള തൊ​ഴി​ൽ ഓ​റി​യ​ന്റേ​ഷ​ൻ പ്രോ​ഗ്രാ​മി​നെ​ക്കു​റി​ച്ചും സം​ഘ​ത്തി​ന്​ അ​ധി​കൃ​ത​ർ വി​ശ​ദീ​ക​രി​ച്ചു.