ജി.സി.സി ഉച്ചകോടി: സുൽത്താനുള്ള സൗദി രാജാവി​െൻറ ക്ഷണം കൈമാറി

മസ്​കത്ത്​: ജി.സി.സി രാഷ്​ട്രത്തലവന്മാരുടെ 41ാമത്​ ഉച്ചകോടിയിൽ പ​െങ്കടുക്കാൻ സുൽത്താൻ ഹൈതം ബിൻ താരീഖിനുള്ള സൗദി ഭരണാധികാരി സൽമാൻ രാജാവി​െൻറ ക്ഷണം കൈമാറി. ജി.സി.സി സെക്രട്ടറി ജനറൽ ഡോ. നാഇഫ്​ ഫലാഹ്​ അൽ ഹജ്​റഫിൽനിന്ന്​ മന്ത്രിസഭ കൗൺസിൽ ഉപപ്രധാനമന്ത്രി സയ്യിദ്​ ഫഹദ്​ ബിൻ മഹ്​മൂദ്​ അൽ സൈദ്​ ക്ഷണം ഏറ്റുവാങ്ങി. ജി.സി.സി ഉച്ചകോടിയുടെ അജണ്ട സയ്യിദ്​ ഫഹദും ഹജ്​റഫും അവലോകനം ചെയ്​തു.

മേഖലയിലെ ജനങ്ങളുടെ പ്രതീക്ഷക്കനുസരിച്ച്​ ജി.സി.സി രാഷ്​ട്രങ്ങളുടെ സഹകരണം മെച്ചപ്പെടുത്തുന്നതടക്കം വിഷയങ്ങളും ചർച്ച ചെയ്​തു. വിദേശകാര്യ മന്ത്രി സയ്യിദ്​ ബദർ ബിൻ ഹമദ്​ അൽ ബുസൈദിയും കൂടിക്കാഴ്​ചയിൽ പ​െങ്കടുത്തു.