ഗ​സ്സ: ച​ർ​ച്ച​ക​ൾ സ​ജീ​വ​മാ​ക്കി ഒ​മാ​ൻ

മ​സ്ക​ത്ത്​: ഗ​സ്സ​യി​ലെ ഇ​സ്രാ​യേ​ൽ ആ​ക്ര​മ​ണ​വു​മാ​യി ബ​ന്ധ​പ്പെ​ട്ട്​ ഒ​മാ​ൻ വി​ദേ​ശ​കാ​ര്യ മ​ന്ത്രി സ​യ്യി​ദ് ബ​ദ​ർ ബി​ൻ ഹ​മ​ദ് അ​ൽ ബു​സൈ​ദി​യും ഇ​റാ​ൻ വി​ദേ​ശ​കാ​ര്യ മ​ന്ത്രി ഡോ. ​ഹു​സൈ​ൻ അ​മീ​ർ അ​ബ്ദു​ല്ലാ​ഹി​യാ​നി​യും ഫോ​ണി​ൽ സം​സാ​രി​ച്ചു. ഗ​സ്സ​യി​ലെ ഇ​സ്രാ​യേ​ൽ സൈ​നി​ക ആ​ക്ര​മ​ണം, സാ​ധാ​ര​ണ​ക്കാ​രാ​യ ആ​ളു​ക​ളു​ടെ മ​ര​ണം, ആ​ശു​പ​ത്രി​ക​ളും സ്കൂ​ളു​ക​ളും ഉ​ൾ​പ്പെ​ടെ​യു​ള്ള പൊ​തു​സൗ​ക​ര്യ​ങ്ങ​ളു​ടെ നാ​ശം എ​ന്നി​വ​യെ​ക്കു​റി​ച്ചു​ള്ള കാ​ഴ്ച​പ്പാ​ടു​ക​ൾ കൈ​മാ​റി.

പ​രി​ക്കേ​റ്റ​വ​രെ ചി​കി​ത്സി​ക്കു​ന്ന​തി​നും ജ​ന​ങ്ങ​ൾ​ക്ക് അ​ടി​യ​ന്ത​ര ജീ​വി​ത സാ​മ​ഗ്രി​ക​ൾ എ​ത്തി​ക്കു​ന്ന​തി​നും സു​പ്ര​ധാ​ന സൗ​ക​ര്യ​ങ്ങ​ൾ ന​ൽ​കു​ന്ന​തി​നു​മു​ള്ള ചു​മ​ത​ല​ക​ൾ നി​ർ​വ​ഹി​ക്കാ​ൻ ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ൾ അ​നു​വ​ദി​ക്ക​ണ​മെ​ന്നും ഇ​രു മ​ന്ത്രി​മാ​രും ആ​വ​ശ്യ​​പ്പെ​ട്ടു. അ​ധി​നി​വേ​ശം അ​വ​സാ​നി​പ്പി​ച്ച് സ്വ​ത​ന്ത്ര ഫ​ല​സ്തീ​ൻ രാ​ഷ്ട്രം സ്ഥാ​പി​ക്കു​ന്ന​തി​ലൂ​ടെ ഫ​ല​സ്തീ​ൻ ജ​ന​ത​യു​ടെ നി​യ​മാ​നു​സൃ​ത​മാ​യ അ​വ​കാ​ശ​ങ്ങ​ൾ പു​നഃ​സ്ഥാ​പി​ക്കു​ന്ന​തി​ന് ന​യ​ത​ന്ത്ര, രാ​ഷ്ട്രീ​യ പ്ര​വ​ർ​ത്ത​ന​ങ്ങ​ൾ​ക്ക് മു​ൻ​ഗ​ണ​ന ന​ൽ​കേ​ണ്ട​തി​ന്റെ​യും അ​ന്താ​രാ​ഷ്ട്ര നി​യ​മ​ങ്ങ​ൾ പാ​ലി​ക്കേ​ണ്ട​തി​ന്റെ​യും പ്രാ​ധാ​ന്യ​വും അ​വ​ർ ഊ​ന്നി​പ്പ​റ​ഞ്ഞു.

ഗ​സ്സ​യി​ലെ നി​ല​വി​ലെ സാ​ഹ​ച​ര്യ​ങ്ങ​ളു​മാ​യി ബ​ന്ധ​പ്പെ​ട്ട്​ ഒ​മാ​ൻ വി​ദേ​ശ​കാ​ര്യ മ​ന്ത്രി സ​യ്യി​ദ്​ ബ​ദ​ർ ഹ​മ​ദ്​ അ​ൽ ബു​സൈ​ദി​യും ജ​പ്പാ​ൻ വി​ദേ​ശ​കാ​ര്യ മ​ന്ത്രി യോ​കോ കാ​മി​കാ​വ​യു​മാ​യും ഫോ​ണി​ൽ സം​സാ​രി​ച്ചു. മാ​നു​ഷി​ക ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​നും കൂ​ടു​ത​ൽ സി​വി​ലി​യ​ൻ മ​ര​ണ​ങ്ങ​ൾ ത​ട​യു​ന്ന​തി​നും ഗ​സ്സ​യി​ൽ അ​ടി​യ​ന്ത​ര ക​രാ​ർ ഉ​ണ്ടാ​ക്കേ​ണ്ട​തി​ന്റെ ആ​വ​ശ്യ​ക​ത​യെ​ക്കു​റി​ച്ച് ഇ​രു​വ​രും സം​സാ​രി​ച്ചു. ദ്വി​രാ​ഷ്ട്ര പ​രി​ഹാ​രം, അ​ന്താ​രാ​ഷ്ട്ര നി​യ​മ​ങ്ങ​ൾ തു​ട​ങ്ങി​യ​വ​യു​ടെ അ​ടി​സ്ഥാ​ന​ത്തി​ൽ ഫ​ല​സ്തീ​ൻ പ്ര​ശ്‌​ന​ത്തി​ന് അ​ന്തി​മ​വും ശാ​ശ്വ​ത​വു​മാ​യ പ​രി​ഹാ​രം ക​ണ്ടെ​ത്തു​ന്ന​തി​നെ കു​റി​ച്ച്​ ഇ​രു​വ​രും അ​ടി​വ​ര​യി​ട്ട്​ പ​റ​ഞ്ഞു.

ഒ​മാ​നും ജ​പ്പാ​നും ത​മ്മി​ലു​ള്ള സൗ​ഹൃ​ദ​പ​ര​വും സ​ഹ​ക​ര​ണ​പ​ര​വു​മാ​യ ബ​ന്ധ​ത്തി​ന്‍റെ അ​ടി​സ്ഥാ​ന​ത്തി​ൽ കൂ​ടു​ത​ൽ വാ​ണി​ജ്യ, സാ​മ്പ​ത്തി​ക, ടൂ​റി​സം പ​ങ്കാ​ളി​ത്ത​ത്തി​ന് പി​ന്തു​ണ അ​റി​യി​ച്ച മ​ന്ത്രി​മാ​ർ, വി​വി​ധ മേ​ഖ​ല​ക​ളി​ൽ വി​നി​മ​യ​വും സ​ഹ​ക​ര​ണ​വും വി​പു​ലീ​ക​രി​ക്കു​ന്ന​തി​നു​ള്ള വ​ഴി​ക​ൾ പ്രോ​ത്സാ​ഹി​പ്പി​ക്കു​ക​യും ചെ​യ്തു.