ഒ​മാ​ൻ വി​ദേ​ശ​കാ​ര്യ മ​ന്ത്രി യു.​എ​സ് സ്റ്റേ​റ്റ് സെ​ക്ര​ട്ട​റി​യു​മാ​യി സം​സാ​രി​ച്ചു

മ​സ്ക​ത്ത്​: ഗ​സ്സ​യി​ലെ നി​ല​വി​ലെ പ​ശ്ചാ​ത്ത​ല​ത്തി​ൽ ഒ​മാ​ൻ വി​ദേ​ശ​കാ​ര്യ മ​ന്ത്രി സ​യ്യി​ദ് ബ​ദ​ർ ബി​ൻ ഹ​മ​ദ് അ​ൽ ബു​സൈ​ദി​യു​മാ​യി യു.​എ​സ് സ്റ്റേ​റ്റ് സെ​ക്ര​ട്ട​റി ആ​ന്റ​ണി ബ്ലി​ങ്ക​ൻ ഫോ​ണി​ൽ സം​സാ​രി​ച്ചു. ഗ​സ്സ മു​ന​മ്പി​ലെ ദാ​രു​ണ​മാ​യ സാ​ഹ​ച​ര്യ​ത്തെ​യും ഇ​സ്രാ​യേ​ൽ സൈ​നി​ക ന​ട​പ​ടി വ​ർ​ധി​പ്പി​ക്കു​ന്ന​തി​ലൂ​ടെ​യു​ണ്ടാ​കു​ന്ന അ​പ​ക​ട​ത്തെ​ക്കു​റി​ച്ചും ആ​യി​ര​ക്ക​ണ​ക്കി​ന് ആ​ളു​ക​ൾ​ക്ക് ജീ​വ​ൻ ന​ഷ്ട​മാ​യ​തി​നെ പ​റ്റി​യും സി​വി​ലി​യ​ന്മാ​ർ അ​നു​ഭ​വി​ക്കു​ന്ന ഗു​രു​ത​ര​മാ​യ മാ​നു​ഷി​ക ദു​ര​ന്ത​ത്തെ​ക്കു​റി​ച്ചും ഇ​രു​വ​രും സം​സാ​രി​ച്ചു. ദു​രി​താ​ശ്വാ​സ സ​ഹാ​യ​ങ്ങ​ൾ ല​ഭ്യ​മാ​ക്കു​ന്ന​തി​നും ജീ​വ​ൻ ര​ക്ഷി​ക്കു​ന്ന​തി​നും ബ​ന്ദി​ക​ളെ മോ​ചി​പ്പി​ക്കു​ന്ന​തി​നും മാ​നു​ഷി​ക ഇ​ട​നാ​ഴി​ക​ൾ തു​റ​ക്കാ​ൻ അ​നു​വ​ദി​ക്കു​ന്ന വി​ധ​ത്തി​ൽ വെ​ടി​നി​ർ​ത്ത​ലി​ൽ എ​ത്തേ​ണ്ട​തി​ന്‍റെ ആ​വ​ശ്യ​ക​ത സ​യ്യി​ദ് ബ​ദ​ർ ആ​വ​ർ​ത്തി​ച്ചു പ​റ​ഞ്ഞു. രാ​ഷ്ട്രീ​യ​മാ​യും ന​യ​ത​ന്ത്ര ച​ർ​ച്ച​ക​ളി​ലൂ​ടെ​യും യു​ദ്ധം ചെ​യ്യു​ന്ന എ​ല്ലാ ക​ക്ഷി​ക​ളു​ടെ​യും പ​ങ്കാ​ളി​ത്ത​ത്തോ​ടെ അ​ന്താ​രാ​ഷ്ട്ര​ത​ല​ത്തി​ൽ ആ​ഗ്ര​ഹി​ക്കു​ന്ന ദ്വി​രാ​ഷ്ട്ര പ​രി​ഹാ​ര​ത്തി​ലൂ​ടെ ഫ​ല​സ്തീ​ൻ പ്ര​ശ്നം പ​രി​ഹ​രി​ക്ക​​ണ​മെ​ന്ന ഒ​മാ​ന്റെ വീ​ക്ഷ​ണ​ത്തി​നും അ​ദ്ദേ​ഹം അ​ടി​വ​ര​യി​ട്ടു.

ചെ​റു​ത്തു​നി​ൽ​പ്പ് പ്ര​സ്ഥാ​ന​ങ്ങ​ളു​ടെ വ​ർ​ഗീ​ക​ര​ണ​വു​മാ​യി ബ​ന്ധ​പ്പെ​ട്ട് ഇ​രു​പ​ക്ഷ​വും ത​മ്മി​ലെ വീ​ക്ഷ​ണ​ങ്ങ​ളി​ൽ വ്യ​ത്യാ​സ​മു​ണ്ടെ​ങ്കി​ലും ഈ ​നി​ർ​ണാ​യ​ക ഘ​ട്ട​ത്തി​ൽ മാ​നു​ഷി​ക വ​ശ​ത്തി​ന് ഉ​യ​ർ​ന്ന മു​ൻ​ഗ​ണ​ന ന​ൽ​കാ​നും കൂ​ടി​യാ​ലോ​ച​ന​ക​ളും രാ​ഷ്ട്രീ​യ ശ്ര​മ​ങ്ങ​ളും നി​ല​നി​ർ​ത്തി മാ​നു​ഷി​ക സ​ന്ധി സ്ഥാ​പി​ക്കാ​നും ര​ണ്ടു മ​ന്ത്രി​മാ​രും സ​മ്മ​തി​ച്ചു.