പൊ​തു ഇ​ട​ങ്ങ​ളി​ൽ മാ​ലി​ന്യം ത​ള്ള​ൽ; 100 റി​യാ​ൽ പി​ഴ​ചു​മ​ത്തും

മ​സ്ക​ത്ത്​: നി​ർ​ദി​ഷ്ട സ്ഥ​ല​ങ്ങ​ളി​ല​ല്ലാ​തെ മാ​ലി​ന്യം ത​ള്ളു​ന്ന​വ​ർ​ക്കെ​തി​രെ മു​ന്ന​റി​യി​പ്പു​മാ​യി മ​സ്ക​ത്ത്​ മു​നി​സി​പ്പാ​ലി​റ്റി. ഇ​ങ്ങ​നെ ത​ള്ളു​ന്ന​വ​രി​ൽ​നി​ന്ന്​ 100 റി​യാ​ൽ പി​ഴ ചു​മ​ത്തു​മെ​ന്ന് അ​ധി​കൃ​ത​ർ അ​റി​യി​ച്ചു. മാ​ലി​ന്യം ത​ള്ളു​ന്ന​ത്​ ആ​വ​ർ​ത്തി​ച്ചാ​ൽ പി​ഴ ഇ​ര​ട്ടി​യാ​യി ചു​മ​ത്തും. ന​ഗ​ ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ലും പൊ​തു​സ്ഥ​ല​ങ്ങ​ളി​ലും മ​റ്റും മാ​ലി​ന്യം കൊ​ണ്ടു​വ​ന്നി​ടു​ന്ന​തി​ന്​ കു​ട്ട​ക​ൾ സ്ഥാ​പി​ച്ചി​ട്ടു​ണ്ട്. എ​ന്നാ​ൽ, കു​ട്ട​ക​ളി​ലി​ടാ​തെ പൊ​തു​സ്ഥ​ല​ങ്ങ​ളി​ൽ അ​ല​ക്ഷ്യ​മാ​യി ത​ള്ളു​ന്ന​വ​രു​മു​ണ്ട്.

ദേ​ശീ​യ​ദി​നാ​ഘോ​ഷ​ത്തി​ന്‍റെ ഭാ​ഗ​മാ​യി പൊ​തു അ​വ​ധി ആ​രം​ഭി​ച്ച​തി​നാ​ൽ ബീ​ച്ചു​ക​ളി​ലും മ​റ്റും തി​ര​ക്ക്​ വ​ർ​ധി​ക്കാ​ൻ സാ​ധ്യ​ത​യു​ണ്ട്. ഇ​ങ്ങ​നെ വ​രു​ന്ന​വ​ർ പ്ലാ​സ്റ്റി​ക്​ ക​വ​റു​ക​ളും മ​റ്റും നി​ർ​ദി​ഷ്​​ട സ്ഥ​ല​ങ്ങ​ളി​ൽ കൊ​ണ്ടു​വ​ന്നി​ടു​ന്ന​തി​നു​​പ​ക​രം പൊ​തു ഇ​ട​ങ്ങ​ളി​ൽ ത​ള്ളു​ന്ന​ത്​ ക​ണ്ടു​വ​രാ​റു​ണ്ട്. ഇ​ത്​ ന​ഗ​ര സൗ​ന്ദ​ര്യ​ത്തി​ന്​ ​കോ​ട്ടം​ത​ട്ടു​ന്ന​തി​നൊ​പ്പം പ്ര​കൃ​തി​യെ​യും ബ​ധി​ക്കും. ഓ​രോ അ​വ​ധി ക​ഴി​യു​​മ്പോ​ഴും മ​സ്ക​ത്ത്​ മു​നി​സി​പ്പാ​ലി​റ്റി ജീ​വ​ന​ക്കാ​ർ വ​ള​രെ സാ​ഹ​സ​പ്പെ​ട്ടാ​ണ്​ മാ​ലി​ന്യ​ങ്ങ​ൾ നീ​ക്കാ​റു​ള്ള​ത്.