തെരുവിൽ വഴക്കും അടിപിടിയും; ഒമാനിൽ 13 വിദേശികൾ പിടിയിൽ

മസ്കത്ത്​: തെരുവിൽ വഴക്കും അടിപിടിയും ​ഉണ്ടാക്കുകയും സമാധനാനാന്തരീക്ഷം തകർക്കകയും ​ചെയ്​ത സംഭവത്തിൽ 13 വിദേശികളെ റോയൽ ഒമാൻ പൊലീസ്​ അറസ്റ്റ്​ ചെയ്​തു. ഏഷ്യൻ വംശജരെയാണ്​​ മസ്‌കത്ത് ഗവർണറേറ്റ് പൊലീസ് കമാൻഡ് പിടികൂടിയത്​. പൊതുജനങ്ങൾക്ക്​ ശല്യമുണ്ടാക്കുന്നതായിരുന്നു ഇവരുടെ പ്രവൃത്തികൾ.

അടിപിടിയുടെ ദൃശ്യങ്ങൾ​ സമൂഹമാധ്യമങ്ങളിൽ പ്രചരിച്ചിരുന്നു. ഇതേ തുടർന്നാണ്​ ​റോയൽ ഒമാൻ പൊലീസ്​ നടപടിയുമായി രംഗത്തെത്തിയത്​.