ഇറാൻ മോചിപ്പിച്ച ബ്രിട്ടീഷ്​ പൗരൻമാർ ഒമാനിൽ എത്തി

മസ്കത്ത്​: തടവിലായിരുന്ന രണ്ട്​ ബ്രീട്ടീഷ്​ പൗരൻമാരെ സുൽത്താൻ ഹൈതം ബിൻ ത്വാരിഖിന്‍റെ ഇടപ്പെടലിനെ തുടർന്ന്​ ഇറാ​ൻ മോചിപ്പിച്ചു. നസാനി, അനൂഷ എന്നി ബ്രീട്ടീഷ്​ പൗരൻമാരെയാണ്​​ ഇറാൻ മോചിപ്പിച്ചത്​.

ഇരുവരും യു.കെയിലേക്ക്​ പുറപ്പെടുന്നതിന്​ മുന്നോടിയായി ഒമാനിൽ എത്തിയതായി ഒമാൻ വിദേശകാര്യമന്ത്രി സഈദ്​ ബദർ ബിൻ ഹമദ് അൽ ബുസൈദി അറിയിച്ചു. തടവുകാരുടെ മോചനത്തിനായി ഇടപെടണമെന്ന്​ ബ്രിട്ടൺ ഒമാനോട്​ ആവശ്യപ്പെട്ടിരുന്നു.