മുൻ ഒമാൻ പ്രവാസി നാട്ടിൽ നിര്യാതനായി

മസ്‌കത്ത്: ദീര്‍ഘകാലം ഒമാനില്‍ പ്രവാസിയായിരുന്ന തൃശൂര്‍ സ്വദേശി നാട്ടില്‍ നിര്യാതനായി. തൃപ്രയാര്‍, പെരിങ്ങോട്ടുകരയിലെ പുതുശ്ശേരി യൂസുഫ് ആണ് മരിച്ചത്. ഒമാനില്‍ ട്രാവല്‍ മേഖലയില്‍ ആണ് ജോലി ചെയ്തിരുന്നത്. റൂവിയിലെ ഐ.സി.എഫ് പ്രവര്‍ത്തകനായിരുന്ന യൂസുഫ് സാമൂഹിക, ജീവകാരുണ്യ പ്രവര്‍ത്തനങ്ങളെ നിറ സാന്നിധ്യമായിരുന്നു. പരേതരായ കുഞ്ഞി മൊയ്തുവിന്റെയും ആമിനയുടെയും മകനാണ്. ഭാര്യ: ഷകീല യൂസുഫ്. മക്കള്‍: സല്‍മ ജുനൈദ്, മുഹമ്മദ് സ്വാലിഹ്, മരുമകന്‍: മുഹമ്മദ് ജുനൈദ്. സഹോദരങ്ങള്‍: മുഹമ്മദ്, സിദ്ദീഖ്, നഫീസ, പരേതയായ റുഖിയ.