ഒമാനിലെ മുൻ പ്രവാസി നാട്ടിൽ നിര്യാതനായി

മസ്കത്ത്: ഒമാനിലെ മുൻ പ്രവാസിയായിരുന്ന കൊല്ലം സ്വദേശി നാട്ടിൽ നിര്യാതനായി. കൊല്ലം കോട്ടമുക്ക് പുതുവീട്ടിൽ പരേതനായ അലി അക്ബറിന്റെയും റിമിസ ബീവിയുടെയും മകൻ മുഹമ്മദ് സലീം (66) ആണ് മരിച്ചത്. 20 വർഷത്തോളം മസ്കത്ത് വിമാനത്താവളത്തിലെ ഡ്യൂട്ടി ഫ്രീ ഷോപ്പിലും ഒമാൻ എയർ കാർഗോ ഡിവഷനിലെ ജീവനക്കാരനായിരുന്നു. ചികിൽസയിലിരിക്കെ എറണാകുളം ലിസി ആശുപത്രിയിലാണ് മരണം. ഭാര്യ: യാസ്മിൻ. മക്കൾ: ആലിയ, അലീഷ. മരുമക്കൾ: അബ്ദുൽ ബാരി (അജീബ്), റിയാസ്.