മയക്കുമരുന്ന്​ കേസിൽ വിദേശികൾ അറസ്​റ്റിൽ

മസ്​കത്ത്​: മയക്കുമരുന്ന്​ കേസിൽ മൂന്ന്​ വിദേശികളെ അറസ്​റ്റ്​ ചെയ്​തതായി റോയൽ ഒമാൻ പൊലീസ്​ അറിയിച്ചു. രണ്ട്​ കേസുകളിലായാണ്​ ഇവർ പിടിയിലായത്​. മസ്​കത്ത്​ ഗവർണറേറ്റിലെ ബീച്ചിൽ മയക്കുമരുന്ന്​ ഒളിപ്പിക്കാൻ ശ്രമിക്കുന്നതിനിടയിലാണ്​ രണ്ട്​ പേർ പിടിയിലായത്​. മയക്കുമരുന്ന്​ വിൽപനയുടെ ഭാഗമായാണ്​ ബീച്ചിൽ ഒളിപ്പിക്കാൻ ശ്രമിച്ചതെന്ന്​ ആർ.ഒ.പി അറിയിച്ചു. മോർഫിനും ക്രിസ്​റ്റൽ ഡ്രഗുമാണ്​ ഇവരിൽനിന്ന്​ പിടിച്ചെടുത്തത്​. മറ്റൊരു വിദേശിയിൽനിന്ന്​ ക്രിസ്​റ്റൽ ഡ്രഗ്​സും ഹാഷിഷുമാണ്​ പിടിച്ചെടുത്തത്​.