മത്സ്യബന്ധന നിയമലംഘനം: നാലുപേർ അറസ്റ്റിൽ

മസ്കത്ത്: മത്സ്യബന്ധന നിയമം ലംഘിച്ചതിന് നാലുപേരെ അറസ്റ്റ് ചെയ്തു. ബോട്ട് പിടിച്ചെടുക്കുകയും ചെയ്തു. ദോഫാർ ഗവർണറേറ്റിലെ ഫിഷറീസ് കൺട്രോൾ ടീമാണ് താഖാ വിലായത്തിൽനിന്ന് ബോട്ട് പിടിച്ചെടുത്തത്.

നിരോധിത മേഖലയിൽ അനധികൃത വല ഉപയോഗിച്ചായിരുന്നു ഇവർ മത്സ്യബന്ധനത്തിലേർപ്പെട്ടിരുന്നത്. ഇവർക്കെതിരെ നിയമനടപടികൾ സ്വീകരിച്ചതായി ദോഫാർ ഗവർണറേറ്റിലെ കൃഷി, മത്സ്യബന്ധനം, ജലവിഭവ വകുപ്പ് പ്രസ്താവനയിൽ അറിയിച്ചു.