സാ​ന്ത്വ​ന സ്​​പ​ർ​ശ​ങ്ങ​ളു​മാ​യി പ്ര​ഥ​മ വ​നി​ത ബു​റൈ​മി​യി​ലെ​ത്തി

മ​സ്ക​ത്ത്​: സു​ൽ​ത്താ​ന്‍റെ ഭാ​ര്യ​യും പ്ര​ഥ​മ വ​നി​ത​യു​മാ​യ അ​സ്സ​യി​ദ അ​ഹ​ദ്​​ അ​ബ്ദു​ല്ല ഹ​മ​ദ് അ​ൽ ബു​സൈ​ദി ബു​റൈ​മി ഗ​വ​ർ​ണ​റേ​റ്റ്​ സ​ന്ദ​ശി​ച്ചു. സ​ന്ദ​ശ​ന​ത്തി​ന്‍റെ ഭാ​ഗ​മാ​യി ഭി​ന്ന​ശേ​ഷി​ക്കാ​ർ​ക്കു​ള്ള അ​ൽ വ​ഫ സെ​ന്റ​ർ, സാ​റ ഒ​യാ​സി​സ്, അ​ൽ ഹി​ല്ലാ ഫോ​ർ​ട്ട് എ​ന്നി​വി​ട​ങ്ങ​ളി​ലു​മെ​ത്തി. പ്ര​ഥ​മ വ​നി​ത​യോ​ടു​ള്ള ആ​ദ​ര സൂ​ച​ക​മാ​യി സാ​റ ഒ​യാ​സി​സി​ൽ ഒ​രു ഒ​ലി​വ് മ​ര​ത്തി​ന് ‘അ​ൽ ജ​ലീ​ല’ എ​ന്ന് പേ​രു ന​ൽ​കു​ക​യും ചെ​യ്തു.

ബു​റൈ​മി ഗ​വ​ർ​ണ​ർ സ​യ്യി​ദ് ഡോ. ​ഹ​മ​ദ് അ​ഹ​്മ്മ​ദ് അ​ൽ ബു​സൈ​ദി​​യു​ടെ സാ​ന്നി​ധ്യ​ത്തി​ലെ​ത്തി​യ അ​വ​ർ അ​ൽ വ​ഫ സെ​ന്റ​റി​ൽ ഗു​ണ​ഭോ​ക്താ​ക്ക​ൾ​ക്ക് ന​ൽ​കു​ന്ന പു​ന​ര​ധി​വാ​സ​ത്തെ​യും ചി​കി​ത്സാ സേ​വ​ന​ങ്ങ​ളെ​യും​കുറി​ച്ച് മ​ന​സ്സി​ലാ​ക്കി.കേ​ന്ദ്ര​ത്തി​ന്റെ വ​കു​പ്പു​ക​ൾ, സ്പെ​ഷ്യലി​റ്റി ഹാ​ളു​ക​ൾ, വി​ക​ലാം​ഗ​രു​ടെ എ​ല്ലാ പ്രാ​യ​ക്കാ​ർ​ക്കും ന​ൽ​കു​ന്ന സേ​വ​ന​ങ്ങ​ൾ, ഭി​ന്ന​ശേ​ഷി​ക്കാ​രു​ടെ ബൗ​ദ്ധി​ക​വും മ​റ്റു​ ക​ഴി​വു​ക​ളും വി​ക​സി​പ്പി​ക്കു​ന്ന​തി​നു​ള്ള പു​ന​ര​ധി​വാ​സ പ​ദ്ധ​തി​ക​ൾ എ​ന്നി​വ​യെ​ക്കു​റി​ച്ച് അ​ധി​കൃ​ത​ർ പ്ര​ഥ​മ വ​നി​ത​ക്ക്​ വി​ശ​ദീ​ക​രി​ച്ചു.

സ​മൂ​ഹ​ത്തി​ൽ ഭി​ന്ന​ശേ​ഷി​ക്കാ​രു​ടെ ക​ഴി​വു​ക​ൾ വി​ക​സി​പ്പി​ക്കു​ന്ന​തി​നാ​യി ജീ​വ​ന​ക്കാ​ർ ന​ട​ത്തു​ന്ന സ​മ​ർ​പ്പ​ണ​ത്തെ വി​ല​മ​തി​ക്കു​ക​യും കേ​ന്ദ്ര​ത്തി​ന്റെ ചു​മ​ത​ല​യു​ള്ള എ​ല്ലാ​വ​രോ​ടും ന​ന്ദി രേ​ഖ​പ്പെ​ടു​ത്തു​ക​യും ചെ​യ്തു. മ​ഹ​ത്താ​യ മാ​നു​ഷി​ക ദൗ​ത്യം നി​ർ​വ​ഹി​ക്കു​ന്ന​തി​ൽ വി​ജ​യി​ക്ക​ട്ടെ​യെ​ന്ന് അ​വ​ർ ആ​ശം​സി​ച്ചു.