ഒമാനിലെ പ്രവാസികളുമായി ആദ്യ വിമാനം കൊച്ചിയിൽ

കൊച്ചി / മസ്കത്ത്: കോവിഡ് വ്യാപനത്തെ തുടർന്ന് കുടുങ്ങിയ പ്രവാസികളെ നാട്ടിലെത്തിക്കുന്നതിന്‍റെ ഭാഗമായി ഒമാനിൽ നിന്നുള്ള ആദ്യ വിമാനം കൊച്ചി വിമാനത്താവളത്തിലെത്തി. െഎ.എക്​സ്​ 0442ാം നമ്പർ വിമാനം നിശ്ചയിച്ച സമയത്തിലും വൈകിയാണ് ഇറങ്ങിയത്.

177 മുതിർന്ന യാത്രക്കാരും നാല്​ പിഞ്ചുകുട്ടികളുമാണ്​ വിമാനത്തിലുള്ളത്​. യാത്രക്കാരിൽ 77 പേർ അടിയന്തിര ചികിത്സ ആവശ്യമുള്ളവരാണ്​. ഗർഭിണികളും വയോധികരുമായി 48 പേരുണ്ട്​. മൂന്ന്​ മൃതദേഹങ്ങളും വിമാനത്തിൽ എത്തിച്ചു.

കോട്ടയം ജില്ലയിലെ അരുവിത്തുറ സ്വദേശിയായ ക്യാപ്​റ്റൻ ബിന്ദു സെബാസ്​റ്റ്യൻ ആയിരുന്നു​ പൈലറ്റ്. ‘വ​ന്ദേഭാരത്​ മിഷനി’ൽ പങ്കാളിയാകാൻ കഴിഞ്ഞതിൽ സന്തോഷവും അഭിമാനവും ഉണ്ടെന്ന് അവർ പറഞ്ഞു.
 

ബിന്ദു സെബാസ്​റ്റ്യൻ

 

ഒരു മണിക്കൂർ വൈകി ഒമാൻ സമയം വൈകുന്നേരം 5.40ഒാടെയാണ്​ പുറപ്പെട്ടത്​. അംബാസഡർ മുനുമഹാവറുടെ നേതൃത്വത്തിൽ ഇന്ത്യൻ എംബസി ഉദ്യോഗസ്​ഥരും സന്നദ്ധ പ്രവർത്തകരും യാത്രക്കാരെ സഹായിക്കാനായി മസ്കത് വിമാനത്താവളത്തിൽ എത്തിയിരുന്നു. യാത്രക്കാരെ തെർമൽ സ്​കാനിങ്ങിന്​ ശേഷമാണ്​ ബോർഡിങ്​ പാസ്​ എടുക്കുന്ന സ്​ഥലത്തേക്ക്​ പ്രവേശിപ്പിച്ചത്​.

യാത്രക്കാർക്കായി സാനി​െറ്റെസറുകൾ, ഗ്ലൗസ്​, സ്​നാക്​സ്​ തുടങ്ങിയ സാധനങ്ങൾ അടങ്ങിയ മെഡികിറ്റും എംബസി വിതരണം ചെയ്​തു. കെ.എം.സി.സിയാണ്​​ കിറ്റുകൾ തയാറാക്കിയത്​.