തീ​പി​ടി​ത്തം; ഡെ​പ്യൂ​ട്ടി ഗവർണർ സീ​ബ്​ സൂ​ഖ്​ സ​ന്ദ​ർ​ശി​ച്ചു

മ​സ്ക​ത്ത്​: ക​ഴി​ഞ്ഞ ദി​വ​സം വ​ൻ തീ​പി​ടി​ത്തം ന​ട​ന്ന സീ​ബ്​ സൂ​ഖ്​ ഡെ​പ്യൂ​ട്ടി ഗവർണർ സ​ന്ദ​ർ​ശി​ച്ചു. തീ​പി​ടി​ത്ത​ത്തി​ന്‍റെ ആ​ഘാ​തം മ​ന​സ്സി​ലാ​ക്കാ​നും നാ​ശ​ന​ഷ്ട​ങ്ങ​ളും മ​റ്റും വി​ല​യി​രു​ത്തു​ന്ന​തി​നുമാ​യി​രു​ന്നു ഗവർണർ എ​ത്തി​യി​രു​ന്ന​ത്. ക​ത്തി​ന​ശി​ച്ച ക​ട​ക​ളും മ​റ്റും കാ​ണു​ക​യും അ​ധി​കൃ​ത​രി​ൽ​നി​ന്നു വി​വ​ര​ങ്ങ​ൾ ശേ​ഖ​രി​ക്കു​ക​യും ചെ​യ്തു.

ചൊ​വ്വാ​ഴ്ച പു​ല​ർ​ച്ചെ ര​ണ്ട​ര​യോ​ടെ​യാ​യി​രു​ന്നു സൂ​ഖി​ൽ തീ​പി​ട​ത്ത​മു​ണ്ടാ​യ​ത്. നി​ര​വ​ധി ഗോ​ഡൗ​ണു​ക​ളും വെ​യ​ർ​ഹൗ​സു​ക​ളു​മാ​ണ്​ ക​ത്തി ന​ശി​ച്ച​വ​യി​ൽ ഉ​ൾ​പ്പെ​ടു​ന്ന​ത്. മ​ല​യാ​ളി​ക​ളു​ടേ​തു​ൾ​പ്പെ​ടെ 20ല​ധി​കം ക​ട​ക​ൾ​ക്കാ​ണ്​ തീ​പി​ടി​ച്ച​ത്. ഇ​തി​ൽ 17 ക​ട​ക​ൾ പൂ​ർ​ണ​മാ​യും ക​ത്തി​ന​ശി​ച്ചു. ല​ക്ഷ​ങ്ങ​ളു​ടെ നാ​ശ​ന​ഷ്ട​മാ​ണ്​ ക​ണ​ക്കാ​ക്കു​ന്ന​ത്. ആ​ർ​ക്കും പ​രി​ക്കു​ക​ളൊ​ന്നു​മി​ല്ല. സി​വി​ൽ ഡി​ഫ​ൻ​സ്​ ആ​ൻ​ഡ്​ ആം​ബു​ല​ൻ​സ്​ അ​തോ​റി​റ്റി​യി​ലെ അം​ഗ​ങ്ങ​ളെ​ത്തി മൂ​ന്നു​ മ​ണി​ക്കൂ​റെ​ടു​ത്താ​ണ്​ തീ ​നി​യ​ന്ത്ര​ണ വി​​ധേ​യ​മാ​ക്കി​യ​ത്. ​റെ​ഡി​മെ​യ്​​ഡ്​ ഷോ​പ്പ്, ചെ​രി​പ്പ്, അ​ത്ത​ർ, അ​ബാ​യ പ​ർ​ദ്ദ ഷോ​പ്പ്, ക​മ്പി​ളി വ​സ്ത്ര വി​ൽ​പ​ന ഷോ​പ്പ്, ഒ​മാ​നി പ​ര​മ്പ​രാ​ഗ​ത ഉ​ൽ​പ​ന്ന​ങ്ങ​ൾ വി​ൽ​ക്കു​ന്ന ക​ട​ക​ൾ തു​ട​ങ്ങി​യ​വ​ക്കാ​ണ് തീ ​പൂർ​ണ​മാ​യും ബാ​ധി​ച്ച​ത്. സ്വ​ദേ​ശി​ക​​​ളോ​ടൊ​പ്പം ഇ​ന്ത്യ​ക്കാ​ർ, ബം​ഗ്ലാ​ദേ​ശു​കാ​ർ, പാ​കി​സ്താ​നി​ക​ൾ എ​ന്നി​വ​രാ​ണ്​ ഇ​വി​​ടെ ക​ച്ച​വ​ടം ന​ട​ത്തു​ന്ന​ത്. അ​ഭി​ന ഫ്ര​ഷ്​ മാ​ർ​ക്ക​റ്റി​നു​ പി​റ​കു​വ​ശ​ത്തെ പ​ള്ളി​ക്ക്​ സ​മീ​പ​ത്തെ ക​ട​യി​ലാ​ണ്​ ആ​ദ്യം തീപി​ടി​ത്ത​മു​ണ്ടാ​യ​തെ​ന്ന്​ ദൃ​ക്സാ​ക്ഷി​ക​ൾ പ​റ​ഞ്ഞു. ഇ​വി​ടു​ന്നാ​ണ്​ മ​റ്റു​ ക​ട​ക​ളി​ലേ​ക്കു​ വ്യാ​പി​ക്കു​ന്ന​ത്. അ​പ​ക​ട​ത്തി​ന്‍റെ കാ​ര​ണ​ങ്ങ​ൾ അ​റി​വാ​യി​ട്ടി​ല്ല. ഷോ​ർ​ട്ട്​​സ​ർ​ക്ക്യൂ​ട്ടാ​ണ്​ അ​പ​ക​ട​ത്തി​ന്‍റെ കാ​ര​ണ​മെ​ന്നാ​ണ്​ പ്രാ​ഥ​മി​ക നി​ഗ​മ​നം. ഒ​മാ​നി​ലെ ച​രി​ത്ര പ്ര​സി​ദ്ധ​മാ​യ മാ​ർ​ക്ക​റ്റു​ക​ളി​ലൊ​ന്നാ​ണ്​ സീ​ബ്​ സൂ​ഖ്.

ന​ഷ്​​ടക്ക​യ​ത്തി​ൽ വ്യാ​പാ​രി​ക​ൾ

മ​സ്ക​ത്ത്​: സീ​ബ്​ സൂ​ഖി​ലെ തീ​പി​ടി​ത്തം വ്യാ​പാ​രി​ക​ൾ​ക്കു വ​രു​ത്തി​വെ​ച്ച​ത്​ ല​ക്ഷ​ങ്ങ​ളു​ടെ നാ​ശ​ന​ഷ്ടം. ഇ​തി​ന്‍റെ ആ​ഘാ​ത​ത്തി​ൽ​നി​ന്ന്​

മു​ക്ത​മാ​കാ​ൻ മാ​സ​ങ്ങ​ളെ​ടു​ക്കു​മെ​ന്ന്​ വ്യാ​പാ​രി​ക​ൾ പ​റ​യു​ന്നു. അ​ടു​ത്തി​ടെ​യാ​യി ക​ച്ച​വ​ട മാ​ന്ദ്യ​ത്തി​ലൂ​ടെ​യാ​യി​രു​ന്നു വ്യാ​പാ​രി​ക​ൾ പോ​യി​ക്കൊ​ണ്ടി​രു​ന്ന​ത്. പ​ല​രും ക​ട​മെ​ടു​ത്തും മ​റ്റു​മാ​യി​രു​ന്നു ശ​മ്പ​ള​വും റൂം ​വാ​ട​ക​യു​മൊ​ക്കെ കൊ​ടു​ത്തി​രു​ന്ന​ത്. റ​മ​ദാ​ൻ, പെ​രു​ന്നാ​ൾ സീ​സ​ണു​ക​ളാ​ണ്​ ഈ ​വി​ട​വു​ക​ൾ നി​ക​ത്താ​ൻ വ്യ​ാപാ​രി​ക​ളെ സ​ഹാ​യി​ച്ചി​രു​ന്ന​ത്. അ​തു​കൊ​ണ്ടു​ത​ന്നെ വ​രു​ന്ന സീ​സ​ൺ മു​ന്നി​ൽ ക​ണ്ട് എ​ല്ലാ വ്യാ​പാ​രി​ക​ളും സാ​ധ​ങ്ങ​ൾ ഇ​റ​ക്കി​യി​രു​ന്നു. ഇ​താ​ണ്​ ഒ​റ്റ​രാ​ത്രി​യി​ലെ തീ​പി​ടി​ത്ത​ത്തി​ൽ ഇ​ല്ലാ​താ​യ​ത്. ഒ​രു സാ​ധ​ന​ങ്ങ​ൾ​പോ​ലും തി​രി​ച്ചെ​ടു​ക്കാ​ൻ ക​ഴി​യാ​ത്ത വി​ധം അ​ഗ്​​നി​യു​ടെ നാ​ള​ങ്ങ​ൾ ക​ട​ക​ളെ വി​ഴു​ങ്ങു​ക​യാ​യി​രു​ന്നു. ഇ​തു​ പു​തു​ക്കിപ്പണി​തു​ വീ​ണ്ടും പൂ​ർ​വ സ്ഥി​തി​യി​ലാ​ക്കാ​ൻ ല​ക്ഷ​ങ്ങ​ൾ വേ​ണ്ടി വ​രും. ക​ട​ത്തി​നു​മു​ക​ളി​ൽ ക​ട​ത്തി​ലേ​ക്കാ​യി​രി​ക്കും ഇ​തു​ ഞ​ങ്ങ​ളെ ന​യി​ക്കു​ക എ​ന്ന്​ വ്യ​പാ​രി​ക​ൾ പ​റ​ഞ്ഞു.