റുസ്താഖിൽ കടയിൽ തീപിടിത്തം

മസ്‌കത്ത്: തെക്കന്‍ ബാത്തിന ഗവര്‍ണറേറ്റിൽ വാണിജ്യ സ്ഥാപനത്തില്‍ തീപിടിച്ചു. റുസ്താഖ് വിലായത്തിലാണ്​ സംഭവം. ഒരാളെ രക്ഷപ്പെടുത്തി. ഇയാളുടെ ​ആരോഗ്യനില തൃപ്തികരമാണ്​. അഗ്നിശമന സേനയെത്തി തീ നിയന്ത്രണ വിധേയമാക്കിയതായി സിവില്‍ ഡിഫന്‍ ആന്റ് ആംബുലന്‍സ് വിഭാഗം അറിയിച്ചു. കടയിലെ നിരവധി സാധനങ്ങള്‍ കത്തിനശിച്ചു. ഇത്തരം അപകടങ്ങൾ ഒഴിവാക്കുന്നതിന് സുരക്ഷാ മാനദണ്ഡങ്ങള്‍ എല്ലാവരും പാലിക്കണമെന്ന് സിവില്‍ ഡിഫന്‍സ് അധികൃതര്‍ ആവശ്യപ്പെട്ടു.