ഒമാനിൽ വീടിന്​ തീപിടിച്ച്​ എട്ട്​ സ്​ത്രീകൾ മരിച്ചു  ​ 

മസ്​കത്ത്​: മസ്​കത്ത്​ ഗവർണറേറ്റിലെ ബർക്കയിൽ വീടിന്​ തീപിടിച്ച്​ സ്വദേശി യുവതിയും അഞ്ച്​ പെൺമക്കളും ഉൾപ്പെടെ എട്ടുപേർ മരിച്ചു. യുവതിയുടെ സഹോദരിയും വീട്ടുജോലിക്കാരിയുമാണ്​ മരിച്ച മറ്റുള്ളവർ. യുവതിയുടെ ഭർത്താവിനെ പരിക്കുകളോടെ ആശുപത്രിയിൽ പ്രവേശിപ്പിച്ചു. ബർക്കയിലെ അൽ സലാം മേഖലയിൽ ചൊവ്വാഴ്​ച പുലർച്ചെ നാലരയോടെയാണ്​ ദാരുണമായ അപകടമുണ്ടായത്​. 

35കാരിയായ യുവതിയും 28 കാരിയായ സഹോദരിയും ഏഴിനും 15നുമിടയിൽ പ്രായമുള്ള പെൺകുട്ടികളുമാണ്​ മരണപ്പെട്ടത്​. വീട്ടുജോലിക്കാരി ആഫ്രിക്കൻ വംശജയാണ്​.  തീപിടിത്തത്തി​​െൻറ കാരണം ഇതുവരെ വ്യക്​തമല്ല.