സീബിലെ ഫർണിച്ചർ നിർമാണശാലയിൽ തീപിടിത്തം; ആർക്കും പരിക്കില്ല

മസ്കത്ത്: മസ്കത്ത് ഗവർണറേറ്റിലെ സീബിൽ ഫർണിച്ചർ നിർമാണ ശാലയിലുണ്ടായ തീപിടുത്തം സിവിൽ ഡിഫൻസ് ആൻഡ് ആംബുലൻസ് അതോറിറ്റി അഗ്നിശമന സേനാംഗങ്ങൾ അണച്ചു. അതോറിറ്റിയുടെ മസ്കത്ത് ഗവർണറേറ്റ് വിഭാഗം സ്ഥലത്തെത്തിയാണ് തീ പൂർണമായും നിയന്ത്രണവിധേയമാക്കിയത്. അപകടത്തിൽ ആർക്കും പരിക്കുകളോ ജീവഹാനിയോ സംഭവിച്ചിട്ടില്ലെന്ന് അധികൃതർ അറിയിച്ചു.