ഫാറൂഖ് കോളജ് 75-ാം വാര്‍ഷികം; ഒമാനിലും ആഘോഷ പരിപാടികള്‍

മസ്‌കത്ത്: ഫാറൂഖ് കോളജ് സ്ഥാപിതമായി 75 വർഷം പൂര്‍ത്തിയാകുന്ന വേളയില്‍ ഒമാനിലും വിപുലമായ ആഘോഷ പരിപാടികള്‍ സംഘടിപ്പിക്കുമെന്ന് ഫാറൂഖ് കോളജ് പൂര്‍വ വിദ്യാര്‍ഥി കൂട്ടായ്മ ‘ഫോസ ഒമാന്‍’ ഭാരവാഹികള്‍ അറിയിച്ചു. ഒരു വര്‍ഷം നീളുന്ന പരിപാടികളാണ് ആസൂത്രണം ചെയ്യുന്നത്.

ഇതിന്റെ ഭാഗമായി ‘ഫോസ ഒമാന്‍’ അംഗങ്ങളുടെ ഇഫ്താര്‍ സംഗമം നടത്തി. ഇനിയും ‘ഫോസ’യില്‍ പേര് രജിസ്റ്റര്‍ ചെയ്തിട്ടില്ലാത്ത ഫാറൂഖ് കോളജ് പൂര്‍വ വിദ്യാര്‍ഥികള്‍ക്ക് 96914068, 96398469 എന്നീ വാട്‌സ്ആപ്പ് നമ്പറുകളിലോ ഫോസയുടെ സാമൂഹിക മാധ്യമങ്ങളിലൂടെയോ ബന്ധപ്പെടാമെന്നും ഭാരവാഹികള്‍ അറിയിച്ചു.