മൂ​ന്നു പ​തി​റ്റാ​ണ്ടി​ന്റെ പ്ര​വാ​സം; തും​റൈ​ത്തു​കാ​രു​ടെ കോ​യ​ക്ക മ​ട​ങ്ങു​ന്നു

തും​റൈ​ത്ത്: മൂ​ന്നു പ​തി​റ്റാ​ണ്ടി​ന്റെ പ്ര​വാ​സ​ജീ​വി​ത​ത്തി​ന് വി​രാ​മ​മി​ട്ട് തും​റൈ​ത്തു​കാ​രു​ടെ കോ​യ​ക്ക നാ​ട്ടി​ലേ​ക്ക് മ​ട​ങ്ങു​ന്നു. ആ​ല​പ്പു​ഴ​യി​ലെ സി​വി​ൽ സ്റ്റേ​ഷ​ൻ വാ​ർ​ഡ് സ്വ​ദേ​ശി​യാ​യ കോ​യ അ​ബൂ​ബ​ക്ക​ർ 1992 ഒ​ക്ടോ​ബ​റി​ലാ​ണ് ഒ​മാ​നി​ൽ എ​ത്തു​ന്ന​ത്. പ​ത്തു​വ​ർ​ഷ​ക്കാ​ലം ബ​ർ​ക്ക​യി​ലും സീ​ബി​ലു​മാ​യി അ​റേ​ബ്യ​ൻ ഇ​ൻ​ഷു​റ​ൻ​സ് ക​മ്പ​നി​യി​ൽ ജോ​ലി ചെ​യ്തു.

5203തു​ട​ർ​ന്ന് ദോ​ഫാ​ർ ഇ​ൻ​ഷു​റ​ൻ​സി​ൽ 17 വ​ർ​ഷ​ക്കാ​ലം. തും​റൈ​ത്ത്​ ബ്രാ​ഞ്ചി​ലും ക​ഴി​ഞ്ഞ മൂ​ന്നു വ​ർ​ഷ​ക്കാ​ല​മാ​യി സ​ലാ​ല​യി​ലെ മി​ർ​ബാ​ത്ത്‌ ബ്രാ​ഞ്ചി​ലും മാ​നേ​ജ​റാ​യി സേ​വ​ന​മ​നു​ഷ്ഠി​ച്ചു വ​രു​ക​യാ​യി​രു​ന്നു. തും​റൈ​ത്തി​ലെ സാ​മൂ​ഹി​ക വി​ദ്യാ​ഭ്യാ​സ രം​ഗ​ങ്ങ​ളി​ൽ സ​ജീ​വ​സാ​ന്നി​ധ്യ​മാ​യി​രു​ന്നു ഇ​ദ്ദേ​ഹം. തും​റൈ​ത്ത്​ ഇ​ന്ത്യ​ൻ സോ​ഷ്യ​ൽ അ​സോ​സി​യേ​ഷ​ൻ, ഇ​ന്ത്യ​ൻ സ്കൂ​ൾ തും​റൈ​ത്ത്​ എ​ന്നി​വ​യു​ടെ രൂ​പ​വ​ത്​​ക​ര​ണ കാ​ല​ഘ​ട്ടം മു​ത​ൽ പ്ര​വ​ർ​ത്തി​ക്കു​ന്നു.

തും​റൈ​ത്തി​ലെ ഇ​ന്ത്യ​ൻ സ്കൂ​ൾ തു​ട​ങ്ങു​ന്ന​തി​ന് സ​ജീ​വ​മാ​യി മു​ന്നി​ലു​ണ്ടാ​യി​രു​ന്ന കോ​യ, 12 വ​ർ​ഷ​മാ​യി മാ​നേ​ജ്‌​മെ​ന്റ് ക​മ്മി​റ്റി​യി​ൽ പ്ര​വ​ർ​ത്തി​ച്ചു​വ​രു​ന്നു​ണ്ട്. എ​ട്ടു വ​ർ​ഷ​ക്കാ​ലം ട്ര​ഷ​റ​റാ​യി​രു​ന്നു. ഇ​ൻ​ഷു​റ​ൻ​സ് മേ​ഖ​ല​യി​ലെ സ്വ​ദേ​ശി​വ​ത്ക​ര​ണ​ത്തി​ന്റെ ഭാ​ഗ​മാ​യാ​ണ് കോ​യ നാ​ട്ടി​ലേ​ക്ക് തി​രി​ക്കു​ന്ന​ത്. ഒ​ഴി​വു​ദി​വ​സ​ങ്ങ​ളി​ൽ​പോ​ലും ജോ​ലി​യോ​ട് കാ​ണി​ച്ചി​രു​ന്ന ഉ​ത്ത​ര​വാ​ദി​ത്ത​ത്തി​ന് ക​മ്പ​നി ന​ൽ​കി​യ അം​ഗീ​കാ​രം വി​ല​മ​തി​ക്കു​ന്ന​താ​യി അ​ദ്ദേ​ഹം പ​റ​ഞ്ഞു.ഒ​മാ​നാ​ണ് ത​നി​ക്ക് എ​ല്ലാ സൗ​ഭാ​ഗ്യ​ങ്ങ​ളും ത​ന്ന​ത്. ഇ​വി​ടു​ത്തെ പ്ര​വാ​സി സ​മൂ​ഹ​ത്തോ​ടൊ​പ്പം ന​ല്ല​വ​രാ​യ ഒ​മാ​നി സു​ഹൃ​ത്തു​ക്ക​ളും സൗ​ഹൃ​ദ​വ​ല​യ​ത്തി​ലു​ണ്ട്. എ​ല്ലാ​വ​രെ​യും വി​ട്ടു​പി​രി​യു​ന്ന​തി​ലു​ള്ള വി​ഷ​മം പ​റ​ഞ്ഞ​റി​യി​ക്കു​ക വ​യ്യ.

ക​ഴി​ഞ്ഞ ദി​വ​സം ഇ​ന്ത്യ​ൻ സ്കൂ​ൾ ഇ​ദ്ദേ​ഹ​ത്തി​ന് യാ​ത്ര​യ​യ​പ്പ് ന​ൽ​കി. മാ​നേ​ജ്‌​മെ​ന്റ് ക​മ്മി​റ്റി പ്ര​സി​ഡ​ന്റ് റ​സ്സ​ൽ മു​ഹ​മ്മ​ദ്, ഡോ. ​പ്ര​വീ​ൺ ഹ​ട്ടി, ഹെ​ഡ്മി​സ്ട്ര​സ് രേ​ഖ പ്ര​ശാ​ന്ത്, സ​ബ് ക​മ്മി​റ്റി അം​ഗ​ങ്ങ​ളാ​യ അ​ബ്ദു​ൽ സ​ലാം, ബി​നു പി​ള്ള, ഷ​ജീ​ർ ഖാ​ൻ എ​ന്നി​വ​ർ ചേ​ർ​ന്ന് ഉ​പ​ഹാ​രം ന​ൽ​കി. ന​ഫ്സി​ല​യാ​ണ് ഭാ​ര്യ. ന​ബീ​ൽ, റ​സ​ൽ, റി​സ്‌​വാ​ൻ എ​ന്നി​വ​ർ മ​ക്ക​ളാ​ണ്. ഏ​പ്രി​ൽ ആ​ദ്യ വാ​രം ഇ​ദ്ദേ​ഹം കു​ടും​ബ​ത്തോ​ടൊ​പ്പം നാ​ട്ടി​ലേ​ക്ക് തി​രി​ക്കും.