ത​ണു​പ്പി​ന്റെ പു​ത​പ്പി​ലേ​ക്ക്

മ​സ്ക​ത്ത്: താ​പ​നി​ല​യി​ൽ പ്ര​ക​ട​മാ​യ മാ​റ്റം വ​ന്ന​തോ​ടെ ഒ​മാ​നി​ൽ ത​ണു​പ്പ് അ​നു​ഭ​വ​പ്പെട്ടുതു​ട​ങ്ങി. വ​രും ദി​വ​സ​ങ്ങ​ളി​ലും ത​ണു​ത്ത കാലാ​വ​സ്ഥ​ത​ന്നെ തു​ട​രാ​നാ​ണ് സാ​ധ്യ​ത​യെ​ന്ന് കാ​ലാ​വ​സ്ഥാ നി​രീ​ക്ഷ​ണ കേ​ന്ദ്രം അ​റി​യി​ച്ചു. ഈ ​മാ​സം 23 വ​രെ നി​ല​വി​ലെ ത​ണു​പ്പാ​ണ് പ്ര​തീ​ക്ഷി​ക്കു​ന്ന​ത്. ഞാ​യ​റാ​ഴ്ച മ​സ്ക​ത്തി​ൽ 21 ഡി​ഗ്രി സെ​ൽ​ഷ്യ​സാ​ണ് കു​റ​ഞ്ഞ താ​പ നി​ല അ​നു​ഭ​വ​പ്പെ​ട്ട​ത്. തി​ങ്ക​ളാ​ഴ്ച താ​പ​നി​ല 19 ഡി​ഗ്രി സെ​ൽ​ഷ്യ​സാ​യി കു​റ​യും. തു​ട​ർ ദി​വ​സ​ങ്ങ​ളി​ലും കു​റ​ഞ്ഞ താ​പ​നി​ല ത​ന്നെ​യാ​ണ് പ്ര​തീ​ക്ഷി​ക്കു​ന്ന​ത്. ഈ ​മാ​സം 21, 22 തീ​യ​തി​ക​ളി​ൽ താ​പ​നി​ല 18 ഡി​ഗ്രി സെ​ൾ​ഷ്യ​സാ​യി കു​റ​യും.

ഒ​മാ​ന്റെ മ​റ്റു ഭാ​ഗ​ങ്ങ​ളി​ലും കു​റ​ഞ്ഞ താ​പ​നി​ല​യാ​ണ് അ​നു​ഭ​വ​പ്പെ​ടു​ന്ന​ത്. സാ​ദി​ഖി​ൽ 12.3 ഡി​ഗ്രി സെ​ൽ​ഷ്യ​സാ​ണ് അ​നു​ഭ​വ​പ്പെ​ടു​ന്ന​ത്. ബി​ദി​യ, ഹൈ​മ, മ​സ്‍യൂ​ന, മു​ഖൈ​ശി​ൽ എ​ന്നി​വി​ട​ങ്ങ​ളി​ൽ 17 ഡി​ഗ്രി സെ​ൽ​ഷ​സി​ന് താ​ഴെ​ താ​പ​നി​ല​യാ​ണ് അ​നു​ഭ​വ​പ്പെ​ടു​ന്ന​ത്.

വാദീ ബ​നീ​ഖാ​ലി​ദ്, ഖു​റൈ​ൻ, ഹി​രി​ക് എ​ന്നി​വി​ട​ങ്ങ​ളി​ലും കു​റ​ഞ്ഞ താ​പ​നി​ല​യാ​ണ് അ​നു​ഭ​വ​പ്പെ​ടു​ന്ന​ത്. എ​ന്നാ​ൽ ദി​മാ വാ​ദീ​തൈ​ൻ, ഇ​ബ്രി സ​നാ​ഇ​യ, ഫ​ഹൂ​ദ്, ബി​ദ്ബി​ദ്, ഇ​ബ്ര, ബ​ർ​ക എ​ന്നി​വി​ട​ങ്ങ​ളി​ൽ താ​ര​ത​മ്യേ​ന താ​പ​നി​ല കൂ​ടു​ത​ലാ​ണ്. രാ​ത്രി കാ​ല​ങ്ങ​ളി​ൽ ന​ല്ല ത​ണു​പ്പ് അ​നു​ഭ​വ​പ്പെ​ടു​ന്ന​താ​യി മ​സ്ക​ത്ത് ഗ​വ​ർ​ണ​റേറ്റി​ലെ താ​മ​സ​ക്കാ​ർ പ​റ​യു​ന്നു.

ഒ​മാ​നി​ലെ ഊ​ട്ടി എ​ന്ന​റി​യ​പ്പെ​ടു​ന്ന ജ​ബ​ൽ അ​ഖ്ദ​റി​ലും താ​പ​നി​ല​യി​ൽ വ​ൻ കു​റ​വു​ണ്ടാ​യി. ക​ഴി​ഞ്ഞ ദി​വ​സ​ങ്ങ​ളി​ൽ 12 ഡി​ഗ്രി സെ​ൽ​ഷ്യ​സി​ൽ താ​ഴെ​യാ​ണ് ഇ​വി​ടത്തെ താ​പ​നി​ല. ഈ ​മാ​സം 16, 17 ദി​വ​സ​ങ്ങ​ളി​ൽ താ​പ​നി​ല ആ​റ് ഡി​ഗ്രി സെ​ൽ​ഷ്യ​സാ​യി കു​റ​യും. വ​രും ദി​വ​സ​ങ്ങ​ളി​ലും സ​മാ​ന കാ​ലാ​വ​സ്ഥ​യാ​ണ് പ്ര​തീ​ക്ഷി​ക്കു​ന്ന​ത്.

ജ​ബ​ൽ ശം​സി​ൽ അ​തി ശൈ​ത്യ​മാ​ണ് വ​രും ദി​വ​സ​ങ്ങ​ളി​ൽ അ​നു​ഭ​വ​പ്പെ​ടു​ന്ന​ത്. ജ​ബ​ൽ ശം​സി​ൽ ഞാ​യ​റാ​ഴ്ച പൂ​ജ്യം ഡി​ഗ്രി സെ​ൽ​ഷ്യ​സും തി​ങ്ക​ളാ​ഴ്ച മൈ​ന​സ് മൂ​ന്ന് ഡി​ഗ്രി സെ​ൽ​ഷ്യ​സു​ം 17 ന് ​മൈ​ന​സ് ര​ണ്ട് ഡി​ഗ്രി സെ​ൽ​ഷ്യ​സു​മാ​ണ് താ​പ​നി​ല. 18 ന് ​താ​പ​നി​ല വീ​ണ്ടും പൂ​ജ്യം ഡി​ഗ്രി​യി​ലെ​ത്തും.19, 20 തീ​യ​തി​ക​ളി​ൽ ഒ​രു ഡി​ഗ്രി​യും 21, 22 തീ​യ​തി​ക​ളി​ൽ ര​ണ്ട് ഡി​ഗ്രി​യു​മാ​ണ് താ​പ​നി​ല.

അ​തി​നി​ടെ താ​പ​നി​ല കു​റ​ഞ്ഞെ​ങ്കി​ലും ത​ണു​പ്പ്കാ​ല വ​സ്ത​ങ്ങ​ൾ​ക്ക് ഇ​തുവ​രെ ഡി​മാ​ൻഡ് വ​ർ​ധി​ച്ചി​ട്ടി​ല്ല. ഹൈ​പ​ർ​മാ​ർ​ക്ക​റ്റു​ക​ളി​ലും വ്യാ​പാ​ര സ്ഥാ​പ​ന​ങ്ങ​ളി​ലും ത​ണു​പ്പ് വ​സ്ത്ര​ങ്ങ​ളും പു​ത​പ്പു​ക​ളും ജാ​ക്ക​റ്റു​ക​ളും എ​ത്തി​യെ​ങ്കി​ലും ഒ​മാ​നി​ൽ ഇ​തി​ന്റെ ഉ​പ​യോ​ഗം കാ​ര്യ​മാ​യി വ​ർ​ധി​ച്ചി​ട്ടി​ല്ല. എ​ന്നാ​ൽ ഉ​ത്ത​രേ​ന്ത്യ​ൻ സം​സ്ഥാ​ന​ങ്ങ​ളി​ലും അ​യ​ൽ രാ​ജ്യ​ങ്ങ​ളി​ലും ത​ണു​ത്ത കാ​ലാ​വ​സ്ഥ അ​നു​ഭ​വ​പ്പെ​ടാ​ൻ തു​ട​ങ്ങി​യ​തോ​ടെ നാ​ട്ടി​ൽ പോ​വു​ന്ന​വ​ർ പു​ത​പ്പു​ക​ളും ജാ​ക്ക​റ്റു​ക​ളും കൊ​ണ്ട പോ​വു​ന്നു​ണ്ട്. ഇ​ത് വ്യാ​പാ​ര മേ​ഖ​ല​ക്ക് ഉ​ണ​ർ​വ് ന​ൽ​കു​ന്ന​ത​യി റൂ​വി​യി​ലെ വ്യാ​പാ​രി​ക​ൾ പ​റ​യു​ന്നു.

ക​ഴി​ഞ്ഞ കു​റെ കാ​ല​ങ്ങ​ളാ​യി ഒ​മാ​നി​ൽ താ​ര​ത​മ്യേ​ന ത​ണു​പ്പ് കു​റ​വാ​ണ് അ​നു​ഭ​വ​പ്പെ​ടു​ന്ന​ത്. വ​ർ​ഷ​ത്തി​ൽ ഒ​ന്നോ ര​ണ്ടോ ദി​വ​സ​ങ്ങ​ളി​ൽ മാ​ത്ര​മാ​ണ് കൂ​ടി​യ ത​ണു​പ്പ് അ​നു​ഭ​വ​പ്പെ​ടു​ന്ന​ത്. മാ​ത്ര​മ​ല്ല പ​ക​ൽ സ​മ​യ​ത്ത് ചൂ​ടു​മാ​ണു​ള്ള​ത്. കു​റ​ഞ്ഞ താ​പ​നി​ല പൊ​തു​വെ 13 ഡി​ഗ്രി സെ​ൽ​ഷ്യ​സി​ൽ താ​ഴെ വ​രാ​റി​ല്ല. അ​തി​നാ​ൽ ജ​ന​ങ്ങ​ൾ ത​ണു​പ്പ് കാ​ല വ​സ്ത്ര​ങ്ങ​ൾ ധ​രി​ക്കാ​റു​മി​ല്ല.

എ​ന്നാ​ൽ മു​ൻ കാ​ല​ങ്ങ​ളി​ൽ ഡി​സം​ബ​ർ ജ​നു​വ​രി മാ​സ​ങ്ങ​ളി​ൽ ക​ടും ത​ണു​പ്പ് അ​നു​ഭ​വ​പ്പെ​ടാ​റു​ണ്ട്. പ​ക​ൽ സ​മ​യ​ത്ത് പോ​ലും ന​ല്ല ത​ണു​പ്പാ​ണ് അ​നു​ഭ​വ​പ്പെ​ട്ടി​രു​ന്ന​ത്. അ​തി​നാ​ൽ പ​ക​ൽ സ​മ​യ​ത്ത് പോ​ലും ജാ​ക്ക​റ്റും മ​റ്റും ധ​രി​ച്ചാ​ണ് ജ​ന​ങ്ങ​ൾ പു​റ​ത്തി​റ​ങ്ങി​യി​രു​ന്ന​ത്. എ​ന്നാ​ൽ ഇ​പ്പോ​ൾ കാ​ലാ​വ​സ്ഥ മാ​റി മ​റി​യു​ക​യാ​ണ്.