Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightOmanchevron_rightരാജ്യാന്തര വിമാന...

രാജ്യാന്തര വിമാന സർവിസുകൾക്ക് ​വിലക്ക്​ നീട്ടൽ പ്രവാസികൾ നിരാശയിൽ

text_fields
bookmark_border
രാജ്യാന്തര വിമാന സർവിസുകൾക്ക് ​വിലക്ക്​ നീട്ടൽ പ്രവാസികൾ നിരാശയിൽ
cancel

മസ്​കത്ത്​: രാജ്യാന്തര വിമാന സര്‍വിസുകള്‍ക്കുള്ള വിലക്ക് ഡിസംബർ 31 വരെ നീട്ടാനുള്ള ഇന്ത്യൻ സർക്കാറി​െൻറ തീരുമാനത്തിൽ പ്രവാസികൾ നിരാശയിൽ. നിലവിൽ ഒമാനിൽ നിന്ന്​ കേരളത്തിലെ വിവിധ വിമാനത്താവളങ്ങളിലേക്ക്​ ഉയർന്ന ടിക്കറ്റ്​ നിരക്കുകളാണ്​ ഉള്ളത്​. സാധാരണ വിമാന സർവിസുകൾ പുനരാരംഭിക്കുന്ന കാര്യം ഇനി ജനുവരിയിലേ പരിഗണിക്കുകയുള്ളൂ. അതുവരെ എയർ ബബ്​ൾ ധാരണ പ്രകാരമുള്ള സർവിസുകളും ഉയർന്ന ടിക്കറ്റ്​ നിരക്കുകളും ഡിസംബർ അവസാനം വരെ തുടരാനാണ്​ സാധ്യത.

ഒക്​ടോബർ ആദ്യത്തിലാണ്​ എയർ ബബ്​ൾ ധാരണ പ്രകാരം ഇന്ത്യക്കും ഒമാനുമിടയിൽ വിമാന സർവിസുകൾ തുടങ്ങിയത്​. ഒരു വശത്തേക്ക്​ ആഴ്​ചയിൽ പതിനായിരം സീറ്റ്​ എന്നതായിരുന്നു ധാരണ. എന്നാൽ ഒമാനിലേക്ക്​ എത്തിയ യാത്രക്കാരിൽ കോവിഡ്​ ബാധിതർ കൂടിയതിനെ തുടർന്ന്​ പ്രതിവാര സീറ്റുകളുടെ എണ്ണം അയ്യായിരമായി കുറച്ചു. ഇതേ തുടർന്ന്​ സ്വകാര്യ വിമാന കമ്പനികളോട്​ സർവിസ്​ നിർത്തിവെക്കാൻ ഇന്ത്യൻ വ്യോമയാന മന്ത്രാലയം നിർദേശിച്ചു. ദേശീയ വിമാന കമ്പനികൾ മാത്രമാണ്​ നവംബർ രണ്ടാം വാരം മുതൽ സർവിസ്​ നടത്തുന്നത്​. ഇതിന്​ ശേഷമാണ്​ വിമാന ടിക്കറ്റ്​ നിരക്കുകൾ കുത്തനെ ഉയർന്നത്​. ഡിസംബറിലും ഉയർന്ന നിരക്കുകളാണ്​ ഉള്ളതെന്ന്​ ട്രാവൽ മേഖലയിൽ പ്രവർത്തിക്കുന്നവർ പറയുന്നു. ഇനി ജനുവരിയിലേക്ക്​ മാത്രം പ്രതീക്ഷിച്ചാൽ മതി. രോഗികളുടെ എണ്ണം കുറയുന്ന പക്ഷം എയർ ബബ്​ൾ സീറ്റുകൾ ഇരട്ടിയാക്കാനുള്ള വിദൂര സാധ്യത മാത്രമാണ്​ ഉള്ളതെന്നും ഇവർ പറയുന്നു. ഉയർന്ന ടിക്കറ്റ്​ നിരക്കിന്​ ഒപ്പം ക്വാറ​ൻറീൻ, കോവിഡ്​ പരിശോധനാ മാനദണ്ഡങ്ങൾ കൂടി കണക്കിലെടുത്ത്​ നാട്ടിലേക്ക്​ പോക്ക്​ നീട്ടിവെക്കാൻ പലരും തീരുമാനമെടുത്തുകഴിഞ്ഞു.

ഉയർന്ന ടിക്കറ്റ്​ നിരക്ക്​ മൂലം കേരളത്തിലേക്കുള്ള പല വിമാനങ്ങളിലും ആളുകൾ കുറവാണെന്ന്​ ട്രാവൽ മേഖലയിലുള്ളവർ പറയുന്നു. ആഴ്​ചയിൽ ഒന്നും രണ്ടും സർവിസുകൾ മാത്രമാണ്​ ഉള്ളത്​. അതിനാൽ, അടിയന്തര ആവശ്യങ്ങൾക്ക്​ പോകേണ്ടിവരുന്നവർക്ക്​ ഉയർന്ന ടിക്കറ്റ്​ നിരക്ക്​ നൽകാൻ തയാറാണെങ്കിൽ പോലും വിമാനം കിട്ടാത്ത അവസ്​ഥയുമുണ്ട്​. നിരക്ക്​ കുറവായതിനാൽ എയർ അറേബ്യയുടെ ഷാർജ വഴിയുള്ള കണക്​ഷൻ വിമാനത്തിൽ നാട്ടിലേക്ക്​ പോകുന്നവരുമുണ്ട്​. ഷാർജ വിമാനത്താവളത്തിലെ കാത്തിരിപ്പ്​ സമയമടക്കം എട്ട്​, 13 മണിക്കൂറുകളെടുത്താണ്​ ഇവർ നാട്ടിലെത്തുന്നത്​. വിദേശത്തുനിന്ന്​ എത്തുന്നവർക്ക്​ കോവിഡ്​ പരിശോധന സർട്ടിഫിക്കറ്റ്​ ഉണ്ടെങ്കിൽ ക്വാറ​ൻറീൻ നിബന്ധന ഒഴിവാക്കണമെന്ന കേന്ദ്ര സർക്കാർ തീരുമാനം കേരളത്തിലും നടപ്പിലാക്കണമെന്ന്​ പ്രവാസികൾ ആവശ്യപ്പെടുന്നുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:internationalflightticket
Next Story