സ​ഞ്ചാ​രി​ക​ളെ സ്വീ​ക​രി​ക്കാൻ മി​ക​ച്ച മു​ന്നൊ​രു​ക്കം

മ​സ്ക​ത്ത്​: വി​നോ​ദ സ​ഞ്ചാ​രി​ക​ളെ സ്വീ​ക​രി​ക്കു​ന്ന​തി​നാ​യി മി​ക​ച്ച മു​ന്നൊ​രു​ക്ക​ങ്ങ​ളാ​ണ് അ​ധി​കൃ​ത​ർ ന​ട​ത്തി​യി​ട്ടു​ള്ള​ത്. ദോ​ഫാ​റി​ലേ​ക്കു​ള്ള റോ​ഡു​ക​ളി​ലും ഗ​താ​ഗ​തം ക്ര​മീ​ക​രി​ക്കു​ന്ന​തി​ന് മ​തി​യാ​യ പൊ​ലീ​സ് സേ​വ​നം ഉ​റ​പ്പാ​ക്കും.

ഹ​രി​ത ഇ​ട​ങ്ങ​ളും ബീ​ച്ചു​ക​ളും സു​ര​ക്ഷി​ത​മാ​ക്കു​ക, സ​ന്ദ​ർ​ശ​ക​രു​ടെ സു​ര​ക്ഷ നി​ല​നി​ർ​ത്തു​ക തു​ട​ങ്ങി​യ വി​ഷ​യ​ങ്ങ​ൾ ച​ർ​ച്ച ചെ​യ്യാ​നാ​യി മാ​സ​ങ്ങ​ൾ​ക്ക്​​ മു​മ്പ്​ വി​വി​ധ വ​കു​പ്പു​ക​ളു​ടെ നേ​തൃ​ത്വ​ത്തി​ൽ യോ​ഗം ചേ​ർ​ന്നി​രു​ന്നു. ​​പ​ദ്ധ​തി​ക​ൾ, പ്ര​വ​ർ​ത്ത​ന​ങ്ങ​ൾ, വി​ക​സ​ന​ങ്ങ​ൾ, ഖ​രീ​ഫ് ദോ​ഫാ​ർ ആ​രം​ഭി​ക്കു​ന്ന​തി​നു​ള്ള ത​യാ​റെ​ടു​പ്പു​ക​ൾ എ​ന്നി​വ​ക്കു​പു​റ​മെ ഗ​താ​ഗ​തം സു​ഗ​മ​മാ​ക്കു​ന്ന​തി​നു​ള്ള നി​ർ​ദേ​ശ​ങ്ങ​ളും ദോ​ഫാ​ർ മു​നി​സി​പ്പ​ൽ കൗ​ൺ​സി​ൽ യോ​ഗം ച​ർ​ച്ച ചെ​യ്തി​രു​ന്നു. പൊ​തു​ഗ​താ​ഗ​ത സേ​വ​ന​ങ്ങ​ൾ​ക്കാ​യു​ള്ള പ്ര​വ​ർ​ത്ത​ന​ങ്ങ​ൾ വി​ക​സി​പ്പി​ക്കു​ന്ന​തി​നും സം​ഘ​ടി​പ്പി​ക്കു​ന്ന​തി​നു​മു​ള്ള നി​ർ​ദേ​ശ​ങ്ങ​ളും ടാ​ക്സി ലൈ​സ​ൻ​സി​ങി​നാ​യി അം​ഗീ​കൃ​ത സം​വി​ധാ​ന​ങ്ങ​ൾ സ​ജീ​വ​മാ​ക്കു​ന്ന​തി​നു​ള്ള കാ​ര്യ​ങ്ങ​ളും ച​ർ​ച്ച ചെ​യ്തു.

റോ​ഡു​മാ​ർ​ഗം ഗ​വ​ർ​ണ​റേ​റ്റി​ലേ​ക്ക്​ എ​ത്തു​ന്ന​വ​രു​ടെ എ​ണ്ണം വ​ർ​ധി​ച്ച സാ​ഹ​ച​ര്യ​ത്തി​ൽ വി​വി​ധ വി​ലാ​യ​ത്തു​ക​ളി​ലെ സ്​​റ്റേ​ഷ​നു​ക​ളി​ൽ ഇ​ന്ധ​ന​ത്തി​ന്‍റെ അ​ള​വ്​ വ​ർ​ധി​പ്പി​ക്കാ​ൻ ബ​ന്ധ​പ്പെ​ട്ട​വ​ർ​ക്ക്​ നി​​ർ​ദേ​ശം ന​ൽ​കി​യി​ട്ടു​ണ്ട്. ഖ​രീ​ഫ്​ സീ​സ​ണി​ന്‍റെ സു​ഗ​മ​മാ​യ ന​ട​ത്തി​പ്പ്​ ഉ​റ​പ്പാ​ക്കാ​ൻ വി​വി​ധ ക്ര​മീ​ക​ര​ണ​ങ്ങ​ളാ​ണ്​ റോ​യ​ൽ ഒ​മാ​ൻ പൊ​ലി​സി​ന്‍റെ നേ​തൃ​ത്വ​ത്തി​ൽ ന​ട​ത്തി​യി​ട്ടു​ള്ള​ത്. വാ​ഹ​നാ​പ​ക​ട​ങ്ങ​ൾ ഒ​ഴി​വാ​ക്കാ​ൻ ല​ക്ഷ്യ​മി​ട്ട്​ സ​ലാ​ല​യി​ലേ​ക്കു​ള്ള റോ​ഡു​ക​ളി​ൽ പ​ട്രോ​ളി​ങ്ങും പ​രി​ശോ​ധ​ന​ക​ളും ഏ​ർ​പ്പെ​ടു​ത്തും.