ഉദ്യോഗസ്ഥരുടെ പങ്കാളികൾക്ക് തൊഴിൽ: ഒമാനും അമേരിക്കയും ധാരണയായി

മസ്‌കത്ത്: ഔദ്യോഗിക ജീവനക്കാരുടെ ജീവിതപങ്കാളികൾക്ക് തൊഴിൽ നൽകുന്നതിനുള്ള കരാറിൽ ഒമാനും അമേരിക്കയും ഒപ്പുവെച്ചു. വിദേശകാര്യ മന്ത്രാലയത്തിന്‍റെ അഡ്മിനിസ്ട്രേറ്റിവ് ആൻഡ് ഫിനാൻഷ്യൽ അഫയേഴ്സ് അണ്ടർ സെക്രട്ടറി മുഹമ്മദ് നാസർ അൽ വഹൈബി, ഒമാനിലെ അമേരിക്കൻ അംബാസഡർ ലെസ്ലി എം. സൗവ് എന്നിവരാണ് കരാറിൽ ഒപ്പുവെച്ചത്. ഇതുപ്രകാരം, നയതന്ത്ര ദൗത്യങ്ങളിലെ ഉദ്യോഗസ്ഥരുടെ ജീവിത പങ്കാളികൾക്ക് ആതിഥേയ രാജ്യത്തെ സർക്കാറിതര സ്ഥാപനങ്ങളിൽ ജോലി ചെയ്യാൻ അർഹതയുണ്ടാകും. ഒമാനും അമേരിക്കയും തമ്മിലുള്ള വിപുലമായ ബന്ധത്തിന്‍റെ ഭാഗമായാണ് ഈ കരാർ.