മ​ത്ര കോ​ട്ട​യി​ൽ എ​ല​വേ​റ്റ​ർ സ്ഥാ​പി​ക്കു​ന്നു; സ​ന്ദ​ർ​ശ​നം എ​ളു​പ്പ​മാ​കും

മ​സ്ക​ത്ത്: ച​രി​ത്ര പ്ര​സി​ദ്ധ​മാ​യ മ​ത്ര കോ​ട്ട​യി​ൽ എ​ല​വേ​റ്റ​ർ സ്ഥാ​പി​ക്കു​ന്നു. ഇ​തോ​ടെ കോ​ട്ട​യി​ലേ​ക്ക് സ​ന്ദ​ർ​ശ​ക​ർ​ക്ക് എ​ളു​പ്പ​ത്തി​ൽ എ​ത്തി​പ്പെ​ടാ​നാ​വും. സൈ​നി​ക ആ​വ​ശ്യ​ങ്ങ​ൾ​ക്കാ​യി 16ാം നൂ​റ്റാ​ണ്ടി​ൽ സ്ഥാ​പി​ച്ച കോ​ട്ട 2016ലാ​ണ് പു​തു​ക്കി​പ്പ​ണി​യ​ലി​ന് ശേ​ഷം വീ​ണ്ടും സ​ന്ദ​ർ​ശ​ക​ർ​ക്ക് തു​റ​ന്നു​കൊ​ടു​ത്ത​ത്. എ​ന്നാ​ൽ, കോ​ട്ട​യു​ടെ മു​ക​ളി​ലെ​ത്തി​പ്പെ​ടാ​നു​ള്ള ന​ട​പ​ടി​ക​ൾ പ്രാ​യ​മാ​യ​വ​ർ​ക്കും അം​ഗ​വൈ​ക​ല്യ​മു​ള്ള​വ​ർ​ക്കും ചി​ല വി​നോ​ദ​സ​ഞ്ചാ​രി​ക​ൾ​ക്കും പ്ര​യാ​സം സൃ​ഷ്ടി​ച്ചി​രു​ന്നു. കോ​ട്ട​യി​ലേ​ക്ക് എ​ല​വേ​റ്റ​ർ സ്ഥാ​പി​ക്കാ​ൻ പ്ര​മു​ഖ ഗ്രീ​ക്ക് ലി​ഫ്റ്റ് നി​ർ​മാ​ണ ക​മ്പ​നി​യു​മാ​യി​ ധാ​ര​ണ​യി​ലെ​ത്തി​യി​രു​ന്നു. എ​ട്ടു​വ​ർ​ഷം മു​മ്പു​ത​ന്നെ ഇ​തു സം​ബ​ന്ധി​ച്ച് തീ​രു​മാ​ന​ങ്ങ​ൾ എ​ടു​ത്തി​രു​ന്നെ​ങ്കി​ലും അ​ടു​ത്തി​ടെ​യാ​ണ് നി​ർ​മാ​ണ പ​ദ്ധ​തി​ക​ൾ ആ​രം​ഭി​ച്ച​ത്. പൈ​തൃ​ക, സാം​സ്കാ​രി​ക മ​ന്ത്രാ​ല​യ​മാ​ണ് ഇ​വ​യു​ടെ വി​ക​സ​ന പ​ദ്ധ​തി​ക​ൾ​ക്ക് ചു​ക്കാ​ൻ പി​ടി​ക്കു​ന്ന​ത്.

യു​ന​സ്കോ​യു​ടെ മാ​ർ​ഗ​നി​ർ​ദേ​ശ​മ​നു​സ​രി​ച്ച് കോ​ട്ട​യു​ടെ രൂ​പ​ഭം​ഗി​ക്ക് മാ​റ്റം​വ​രാ​ത്ത രീ​തി​യി​ലാ​ണ് എ​ല​വേ​റ്റ​ർ സ്ഥാ​പി​ക്കു​ക. വി​വി​ധ യൂ​റോ​പ്യ​ൻ രാ​ജ്യ​ങ്ങ​ളി​ൽ​നി​ന്നു​ള്ള പു​രാ​ത​ന പീ​ര​ങ്കി​ക​ൾ ഇ​വി​ടു​ത്തെ പ്ര​ധാ​ന കാ​ഴ്ച​യാ​ണ്. ഇ​വ​യി​ൽ പ​ല​തും 16ാം നൂ​റ്റാ​ണ്ടി​ൽ നി​ർ​മി​ച്ച​വ​യാ​ണ്. 1720ൽ ​നി​ർ​മി​ച്ച ഇം​ഗ്ലീ​ഷ് പീ​ര​ങ്കി ഇ​തി​ൽ പ്ര​ധാ​ന​പ്പെ​ട്ട​താ​ണ്. 18ാം നൂ​റ്റാ​ണ്ടി​ൽ ഇ​രു​മ്പു​കൊ​ണ്ട് നി​ർ​മി​ച്ച ഇം​ഗ്ലീ​ഷ് പീ​ര​ങ്കി​ക​ളും ഇ​വി​ടെ​യു​ണ്ട്. 18ാം നൂ​റ്റാ​ണ്ടി​ൽ നി​ർ​മി​ച്ച മ​റ്റൊ​രു സ്വീ​ഡി​ഷ് പീ​ര​ങ്കി​യാ​യ ഫി​ൻ​ബാ​ൻ​ക​ർ, ഫ്ര​ഞ്ച് വി​പ്ല​വാ​ന​ന്ത​രം നി​ർ​മി​ച്ച പീ​ര​ങ്കി​യും 1160-1820നും ​ഇ​ട​യി​ൽ ഇം​ഗ്ല​ണ്ടി​ൽ ഭ​ര​ണം ന​ട​ത്തി​യ ജോ​ർ​ജ്​ മൂ​ന്നാ​മ​ന്റെ കാ​ല​ത്തെ പീ​ര​ങ്കി​ക​ളും കോ​ട്ട​യി​ൽ കാ​ണാ​ൻ ക​ഴി​യും. കോ​ട്ട​യി​ലേ​ക്ക് എ​ല​വേ​റ്റ​ർ സ്ഥാ​പി​ക്കു​ന്ന​ത് മ​ത്ര​യി​ൽ വി​നോ​ദ​സ​ഞ്ചാ​ര ക​പ്പ​ലി​ലെ​ത്തു​ന്ന​വ​ർ​ക്കും അ​നു​ഗ്ര​ഹ​മാ​വും. ഓ​രോ വ​ർ​ഷ​വും ആ​യി​ര​ക്ക​ണ​ക്കി​ന് വി​നോ​ദ​സ​ഞ്ചാ​രി​ക​ൾ മ​ത്ര തു​റ​മു​ഖ​ത്ത് ക​പ്പ​ലി​റ​ങ്ങു​മെ​ങ്കി​ലും അ​വ​രെ​ല്ലം മ​ത്ര കോ​ട്ട​യു​ടെ സൗ​ന്ദ​ര്യം താ​ഴെ നി​ന്ന് ആ​സ്വ​ദി​ക്കു​ക​യ​ല്ലാ​തെ സ​ന്ദ​ർ​ശി​ക്കാ​റി​ല്ല. കോ​ട്ട​യു​ടെ മു​ക​ളി​ൽ ക​യ​റി എ​ത്താ​നു​ള്ള പ്ര​യാ​സ​മാ​ണ് ഇ​തി​ന് പ്ര​ധാ​ന കാ​ര​ണം.

മ​ത്ര​യി​ലെ​ത്തു​ന്ന വി​നോ​ദ​സ​ഞ്ചാ​ര ക​പ്പ​ലി​ൽ ന​ല്ല ഭാ​ഗം പ്രാ​യ​മാ​യ​വ​രു​മാ​ണ്. എ​ല​വേ​റ്റ​ർ സ്ഥാ​പി​ക്കു​ന്ന​തോ​ടെ ഇ​ത്ത​രം സ​ഞ്ചാ​രി​ക​ളു​ടെ സ​ന്ദ​ർ​ശ​ക പ​ട്ടി​ക​യി​ലെ മു​ഖ്യ ഇ​നം മ​ത്ര കോ​ട്ട​യാ​വും. കോ​ട്ട​യു​ടെ മു​ക​ളി​ലെ​ത്തു​വ​ർ​ക്ക് അ​വി​ടെ സ്ഥാ​പി​ച്ചി​ട്ടു​ള്ള പു​രാ​ത​ന പീ​ര​ങ്കി​ക​ൾ പ്ര​ധാ​ന ആ​ക​ർ​ഷ​ക​മാ​വു​ന്ന​തോ​​ടൊ​പ്പം കോ​ട്ട​യു​ടെ മു​ക​ളി​ൽ​നി​ന്നു​ള്ള സ​മു​ദ്ര കാ​ഴ്ച​യും മ​റ്റും ഏ​റെ സു​ന്ദ​ര​മാ​ണ്. ഒ​രു​കാ​ല​ത്ത് കോ​ട്ട​യു​ടെ മു​ക​ളി​ൽ സ്ഥാ​ന​മു​റ​പ്പി​ച്ചാ​ണ് ക​ട​ലി​ലൂ​ടെ വ​രു​ന്ന ശ​ത്രു​ക്ക​ളെ ഓ​ടി​ച്ചി​രു​ന്ന​ത്. കോ​ട്ട​യു​ടെ മു​ക​ളി​ലി​രു​ന്നാ​ൽ ക​ട​ലി​ൽ കി​ലോ​മീ​റ്റ​ർ അ​ക​ലെ​യു​ള്ള നീ​ക്ക​ങ്ങ​ൾ​പോ​ലും നി​രീ​ക്ഷി​ക്കാ​നാ​വും. ഇ​ത്ത​രം ശ​ത്രു​ക്ക​ളെ നേ​രി​ടാ​നാ​ണ് പീ​ര​ങ്കി​ക​ൾ സ്ഥാ​പി​ച്ചി​രു​ന്ന​ത്. കോ​ട്ട​യു​ടെ മു​ക​ളി​ലെ​ത്തു​ന്ന​വ​ർ​ക്കും മ​ത്ര ക​ട​ലി​ന്റെ​യും മ​ത്ര കോ​ർ​ണീ​ഷി​ന്റെ​യും മ​നോ​ഹ​ര കാ​ഴ്ച​ക​ൾ ആ​സ്വ​ദി​ക്കാ​നാ​വും. രാ​ത്രി​കാ​ല​ങ്ങ​ളി​ൽ ഈ ​കാ​ഴ്ച​യു​ടെ സൗ​ന്ദ​ര്യം ഏ​റെ വ​ർ​ധി​ക്കും. അ​തോ​ടൊ​പ്പം കോ​ട്ട​ക്ക് സ​മീ​പം റീ​ഫ്ര​ഷ്​​​മെ​ന്റ് സൗ​ക​ര്യ​മ​ട​ക്കം ഒ​രു​ക്ക​ണ​മെ​ന്ന ആ​വ​ശ്യ​വും സ​ന്ദ​ർ​ശ​ക​ർ ഉ​യ​ർ​ത്തു​ന്നു​ണ്ട്.