ആ​ഘോ​ഷ​പ്പൊ​ലി​മ​യി​ൽ ഇ​ന്ന്​ പെ​രു​ന്നാ​ൾ

മ​സ്ക​ത്ത്: ഒ​രു മാ​സ​ക്കാ​ല​ത്തെ ത്യാ​ഗ​പൂ​ർ​ണ​മാ​യ ജീ​വി​ത​വ​ഴി​ക​ൾ താ​ണ്ടി വി​ശ്വാ​സി​ക​ൾ ബു​ധ​നാ​ഴ്ച ചെ​റി​യ​ പെ​രു​ന്നാ​ൾ ആ​ഘോ​ഷി​ക്കും. പാ​പ​ക്ക​റ​ക​ൾ ക​ഴു​കി വെ​ളു​പ്പി​ച്ച് സ്ഫ​ടി​ക സ​മാ​ന മ​ന​സ്സു​മാ​യാ​ണ്​ വി​ശ്വാ​സി​ക​ൾ പെ​രു​ന്നാ​ളി​നെ വ​ര​വേ​ൽ​ക്കു​ന്ന​ത്.​ഒ​ട്ടി​യ വ​യ​റും വ​റ്റി വ​ര​ണ്ട തൊ​ണ്ട​യും ഉ​ണ​ങ്ങി​യ ചു​ണ്ടു​മാ​യി അ​വ​ർ ഒ​രു മാ​സം പ​ക​ല​ന്തി​യി​ലെ​ത്തി​ക്കു​ക​യാ​യി​രു​ന്നു.

ക​ത്തി​ക്കാ​ളു​ന്ന ചൂ​ടും വി​യ​ർ​ത്തൊ​ലി​ക്കു​ന്ന ശ​രീ​ര​വും വ​ക​വെ​ക്കാ​തെ ദേ​ഹേ​ച്ഛ​ക​ളെ ദൈ​വ​ത്തി​ന് സ​മ​ർ​പ്പി​ച്ച പ​ക​ലു​ക​ളാ​യി​രു​ന്നു അ​ത്. കൈ​യെ​ത്തും ദൂ​ര​ത്ത് ഭ​ക്ഷ​ണ​വും പാ​നീ​യ​ങ്ങ​ളു​മു​ണ്ടാ​യി​ട്ടും മ​ന​സ്സെ​ത്തും ദൂ​ര​ത്ത് അ​രു​താ​യ്മ​ക​ൾ ഉ​ണ്ടാ​യി​ട്ടും അ​തെ​ല്ലാം വ​ലി​ച്ചെ​റി​ഞ്ഞ് ദൈ​വ​ത്തി​ന് സ്വ​യം സ​മ​ർ​പ്പി​ച്ച പ​ക​ലു​ക​ളാ​യി​രു​ന്നു അ​ത്.

പ​ക​ൽ നോ​മ്പ് സ​മ്പാ​ദ്യ​മാ​യി ന​ൽ​കി​യ ക​ടു​ത്ത ക്ഷീ​ണ​വും പ്ര​യാ​സ​ങ്ങ​ളും മ​റ​ന്ന് കാ​ൽ കു​ഴ​യു​ന്ന​ത് വ​രെ രാ​ത്രി​യി​ൽ നി​ന്ന് ന​മ​സ്ക​രി​ച്ച​വ​രാ​ണി​ന്ന് പെ​രു​ന്നാ​ൾ പു​ട​വ അ​ണി​യു​ന്ന​ത്. രാ​വു​റ​ക്ക​ത്തി​ൽ നി​ന്നു​ണ​ർ​ന്ന് നാ​ഥ​നോ​ട് ഉ​ള്ളു​രു​കി പ്രാ​ർ​ഥി​ച്ചും ദൈ​വ​ത്തി​ൽ അ​ല​ഞ്ഞും ആ​ത്മ​സാ​യൂ​ജ്യം നേ​ടി​യ​വ​രാ​ണ് ഇ​ന്ന് ഈ​ദ് മു​സ​ല്ല​യി​ലെ​ത്തു​ന്ന​ത്. റ​മ​ദാ​നി​ന്റെ അ​റു​തി ദാ​ന​മാ​യ ഫി​ത്ർ സ​കാ​ത് മ​റ്റൊ​രു മ​ഹാ​ത്ഭു​ത​മാ​ണ്.

ലോ​ക​ത്ത് ഉ​ള്ള​വ​നും ഇ​ല്ലാ​ത്ത​വ​നും അ​ങ്ങ​നെ സ​മൂ​ഹ​ത്തി​ലെ എ​ല്ലാ​വ​രും ന​ൽ​കു​ന്ന സ​കാ​ത്താ​ണ​ത്. ലോ​ക​ത്ത് മ​റ്റേ​ത് മ​ത​ത്തി​ലോ സം​സ്കാ​ര​ത്തി​ലോ ഇ​തി​ന് സ​മാ​ന​ത​യു​ള്ള ദാ​ന​മു​ണ്ടാ​വി​ല്ല. എ​ല്ലാ​വ​രെ​യും ദാ​നം ന​ൽ​കാ​ൻ പ​ഠി​പ്പി​ക്കു​ന്ന​താ​ണ് പെ​രു​ന്നാ​ൾ സ​കാ​ത്.

ഒ​ട്ടേ​റ അ​നു​ഗ്ര​ഹ മു​ഹൂ​ർ​ത്ത​ങ്ങ​ൾ താ​ണ്ടി​യാ​ണ് വി​​ശ്വാ​സി​ക​ൾ ഒ​മാ​ന്റെ വി​വി​ധ ഭാ​ഗ​ങ്ങ​ളി​ലു​ള്ള മ​സ്ജി​ദു​ക​ളി​ലും ഈ​ദ് ഗാ​ഹു​ക​ളി​ലും എ​ത്തു​ന്ന​ത്. സ​ത്യ​വി​ശ്വാ​സി​ക​ൾ​ക്ക് അ​വി​ശ്വ​സ​നീ​യ വി​ജ​യം ന​ൽ​കി​യ ബ​ദ​റി​നെ അ​വ​ർ സ്മ​രി​ച്ചി​രു​ന്നു. പു​ണ്യ​ങ്ങ​ൾ പൂ​ത്തു​ല​യു​ന്ന അ​വ​സാ​ന പ​ത്തി​ൽ അ​വ​ർ ദൈ​വ​സാ​മീ​പ്യ​ത്തി​ലാ​യി​രു​ന്നു. മ​ല​ക്കാ​യി​ര​ങ്ങ​ളും ജി​ബ്രീ​ലും മ​ണ്ണി​ലി​റ​ങ്ങു​ന്ന ആ​യി​രം മാ​സ​ങ്ങ​ളെ​ക്കാ​ൾ പു​ണ്യ​ങ്ങ​ൾ നി​റ​ഞ്ഞ ലൈ​ത്തു​ൽ ഖ​ദ്ർ എ​ന്ന പു​ണ്യ​രാ​വി​ൽ അ​വ​ർ ഉ​റ​ക്ക​മി​ള​ച്ച് പ്ര​ർ​ഥി​ച്ചി​രു​ന്നു.റ​മ​ദാ​ൻ ഒ​രു പാ​ഠ​ശാ​ല​യാ​യി​രു​ന്നു. അ​രു​താ​യ്മ​ക​ളും കൊ​ള്ള​രു​താ​യ്മ​ക​ളും നി​റ​ഞ്ഞ ലോ​ക​ത്തു​നി​ന്ന് മ​നു​ഷ്യ​കു​ല​ത്തെ സു​കൃ​ത​ത്തി​ലേ​ക്ക് ആ​ന​യി​ക്കാ​ൻ കെ​ൽ​പ് ന​ൽ​കു​ന്ന പ​രി​ശീ​ല​ന​ശാ​ല. കെ​ട്ട ലോ​ക​ത്ത് മ​നു​ഷ്യ​നി​ൽ ന​ന്മ പൂ​ക്ക​ളു​ടെ പ​രി​മ​ളം പ​ര​ത്താ​ൻ കെ​ൽ​പ്പാ​വു​ന്ന മാ​സം. ഈ ​മാ​സം ന​ൽ​കി​യ ആ​ത്മീ​യ ക​രു​ത്താ​ണ് വ​രും കാ​ല​ങ്ങ​ളി​ൽ ന​മു​ക്ക് പാ​ഥേ​യ​മാ​വു​ക.രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ലെ മ​സ്​​ജി​ദു​ക​ളി​ലും ഈ​ദ്​ ഗാ​ഹു​ക​ളി​ലു​മാ​യി പെ​രു​ന്നാ​ൾ ന​മ​സ്കാ​ര​ത്തി​ന്​ വി​പു​ല​മാ​യ സൗ​ക​ര്യ​ങ്ങ​ളാ​ണ്​ ഒ​രു​ക്കി​യി​ട്ടു​ള്ള​ത്.

മസ്കത്ത് ഗവർണറേറ്റ് സീബ് വിലായത്തിലെ സയ്യിദ ഫാത്തിമ ബിൻത് അലി മസ്ജിദിലാണ് സുൽത്താൻ ഹൈതം ബിൻ താരിഖ് പെരുന്നാൾ നമസ്കാരം നിർവഹിക്കുക. വി​വി​ധ മ​ല​യാ​ളി കൂ​ട്ടാ​യ്മ​യു​ടെ ആ​ഭി​മു​ഖ്യ​ത്തി​ൽ ന​ട​ക്കു​ന്ന ഈ​ദു​ഗാ​ഹു​ക​ൾ​ക്ക്​ നാ​ട്ടി​ൽ നി​ന്നെ​ത്തി​യ പ​ണ്ഡി​ത​ന്മാ​രാ​ണ്​ പ​ല​യി​ട​ത്തും നേ​തൃ​ത്വം ന​ൽ​കു​ന്ന​ത്. പെ​രു​ന്നാ​ൾ ന​മ​സ്കാ​ര​ത്തി​നു ശേ​ഷം ആ​ശം​സ​ക​ൾ കൈ​മാ​റി​യും സ്​​​നേ​ഹ ബ​ന്ധ​ങ്ങ​ൾ ഊ​ട്ടി​യു​റ​പ്പി​ച്ചു​മാ​യി​രി​ക്കും വീ​ടു​ക​ളി​ലേ​ക്ക്​ മ​ട​ങ്ങു​ക.

പെ​രു​ന്നാ​ൾ ഒ​രു​ക്ക​ത്തി​ന്‍റെ ഭാ​ഗ​മാ​യി ദി​വ​സ​ങ്ങ​ൾ​ക്ക്​ മു​മ്പു​ത​ന്നെ ഷോ​പ്പി​ങ്​ മാ​ളു​ക​ർ, സൂ​ഖു​ക​ൾ, ഹൈ​പ്പ​ർ​മാ​ർ​ക്ക​റ്റു​ക​ൾ ​​എ​ന്നി​വി​ട​ങ്ങ​ളി​ൽ തി​ര​ക്ക്​ അ​നു​ഭ​വ​പ്പെ​ട്ട്​ തു​ട​ങ്ങി​യി​രു​ന്നു. പെ​രു​ന്നാ​ളി​ന്​ മു​ന്നോ​ടി​യാ​യു​ള്ള അ​വ​ധി​കൂ​ടി ക​ഴി​ഞ്ഞ ദി​വ​സം ആ​രം​ഭി​ച്ച​​തോ​ടെ തി​ര​ക്ക് പ​തി​ൻ​മ​ട​ങ്ങ്​ വ​ർ​ധി​ച്ച​താ​യി ക​ച്ച​വ​ട​ക്കാ​രും മ​റ്റും പ​റ​യു​ന്നു.

പു​ത്ത​ൻ വ​സ്ത്ര​ങ്ങ​ൾ വാ​ങ്ങാ​നും ത​ങ്ങ​ളു​ടെ പ്രി​യ​പ്പെ​ട്ട​വ​ർ​ക്ക്​ സ​മ്മാ​ന​ങ്ങ​ൾ വാ​ങ്ങാ​നു​മൊ​ക്കെ​യാ​ണ്​ ആ​ളു​ക​ൾ സൂ​ഖി​ലും ഹൈ​പ്പ​ർ മാ​ർ​ക്ക​റ്റു​ക​ളി​ലും മ​റ്റും സ​ന്ദ​ർ​ശി​ക്കു​ന്ന​ത്. ഉ​പ​​ഭോ​ക്താ​ക്ക​​ളെ ആ​ക​ർ​ഷി​ക്കാ​നാ​യി നി​ര​വ​ധി ഓ​ഫ​റു​ക​ളും മ​റ്റ്​ ആ​നൂ​കൂ​ല്യ​ങ്ങ​ളും പ്ര​ഖ്യാ​പി​ച്ചി​ട്ടു​ണ്ട്. ഈ​ദു​ൽ ഫി​ത്​​ർ വേ​ള​യി​ൽ ട്രാ​ഫി​ക് നി​യ​മ​ങ്ങ​ളും ച​ട്ട​ങ്ങ​ളും പാ​ലി​ക്കാ​ൻ എ​ല്ലാ​വ​രും ത​യാ​റാ​ക​ണ​മെ​ന്ന്​ റോ​യ​ൽ ഒ​മാ​ൻ പൊ​ലീ​സ് ആ​വ​ശ്യ​പ്പെ​ട്ടി​ട്ടു​ണ്ട്.