പരിസ്ഥിതി സൗഹൃദബാഗുകൾ സൗജന്യമാക്കണം -മന്ത്രാലയം

മ​സ്ക​ത്ത്: ഒ​റ്റ​ത്ത​വ​ണ ഉ​പ​യോ​ഗി​ക്കാ​വു​ന്ന പ​രി​സ്ഥി​തി സൗ​ഹൃ​ദ ബാ​ഗു​ക​ൾ ഉ​പ​ഭോ​ക്താ​ക്ക​ൾ​ക്ക് സൗ​ജ​ന്യ​മാ​യി ന​ൽ​ക​ണ​മെ​ന്ന് വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രാ​ല​യം ഷോ​പ്പി​ങ് സെ​ന്റ​റു​ക​ളോ​ടും റീ​ട്ടെ​യി​ൽ സ്റ്റോ​റു​ക​​ളോ​ടും ആ​വ​ശ്യ​പ്പെ​ട്ടു. പ​ല വാ​ണി​ജ്യ​സ്ഥാ​പ​ന​ങ്ങ​ളും കാ​ശ് ഈ​ടാ​ക്കി​യും മ​റ്റു​മാ​ണ് ഇ​ത്ത​രം ബാ​ഗു​ക​ൾ ന​ൽ​കു​ന്ന​ത്. എ​ന്നാ​ൽ, സൗ​ജ​ന്യ ബാ​ഗ് എ​ന്ന ഓ​പ്ഷ​ൻ അ​ടി​സ്ഥാ​ന സേ​വ​ന​ത്തി​ന്റെ ഭാ​ഗ​മാ​യ​തി​നാ​ൽ അ​ത് നീ​ക്കു​ക​യോ മാ​റ്റി​സ്ഥാ​പി​ക്കു​ക​യോ ചെ​യ്തി​ട്ടി​ല്ലെ​ന്ന് മ​ന്ത്രാ​ല​യം പ്ര​സ്താ​വ​ന​യി​ൽ പ​റ​ഞ്ഞു.

വാ​ണി​ജ്യ പ്ര​വ​ർ​ത്ത​ന​ങ്ങ​ൾ നി​യ​ന്ത്രി​ക്കു​ന്ന​തി​നും ഉ​പ​ഭോ​ക്തൃ സം​ര​ക്ഷ​ണം ഉ​റ​പ്പു​ന​ൽ​കു​ന്ന മാ​ന​ദ​ണ്ഡ​ങ്ങ​ൾ സ്ഥാ​പ​ന​ങ്ങ​ൾ പാ​ലി​ക്കു​ന്നു​ണ്ടെ​ന്ന് ഉ​റ​പ്പാ​ക്കു​ന്ന​തി​ന്റെ ഭാ​ഗ​മാ​യാ​ണ് ഈ ​നി​ർ​ദേ​ശ​മെ​ന്ന് വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രാ​ല​യ​വും ഉ​പ​ഭോ​ക്തൃ സം​ര​ക്ഷ​ണ അ​തോ​റി​റ്റി​യും പ​റ​ഞ്ഞു.

ഉ​ചി​ത​മാ​യ ഗു​ണ​നി​ല​വാ​ര​മു​ള്ള സാ​ധ​ന-​സേ​വ​ന വി​ത​ര​ണം ഉ​റ​പ്പാ​ക്കു​ന്ന​തി​ൽ അ​ധി​കാ​രി​ക​ളു​ടെ പ​ങ്കി​നെ അ​ടി​സ്ഥാ​ന​മാ​ക്കി​യാ​ണ് ഈ ​തീ​രു​മാ​നം. ഒ​റ്റ​ത്ത​വ​ണ ഉ​പ​യോ​ഗി​ക്കാ​വു​ന്ന പ്ലാ​സ്റ്റി​ക് സ​ഞ്ചി​ക​ൾ നി​രോ​ധി​ക്കാ​നു​ള്ള ദേ​ശീ​യ തീ​രു​മാ​ന​ത്തി​ന്റെ മൂ​ന്നാം ഘ​ട്ടം രാ​ജ്യ​ത്ത് ജൂ​ലൈ ഒ​ന്ന് മു​ത​ൽ പ്രാ​ബ​ല്യ​ത്തി​ൽ വ​ന്നി​ട്ടു​ണ്ട്. ഭ​ക്ഷ​ണ​ശാ​ല​ക​ൾ, പ​ച്ച​ക്ക​റി​ക​ൾ, പ​ഴ​ങ്ങ​ൾ, പാ​ക്കേ​ജി​ങ്​ എ​ന്നി​വ വി​ൽ​ക്കു​ന്ന സ്റ്റോ​റു​ക​ൾ, സ​മ്മാ​ന ക​ട​ക​ൾ, ബ്രെ​ഡ്, പേ​സ്ട്രി​ക​ൾ, മ​ധു​ര​പ​ല​ഹാ​ര​ങ്ങ​ൾ എ​ന്നി​വ വി​ൽ​ക്കു​ന്ന ബേ​ക്ക​റി​ക​ട​ക​ൾ, മി​ഠാ​യി ഫാ​ക്ട​റി​ക​ൾ, ക​ട​ക​ൾ എ​ന്നി​വ​യി​ലാ​ണ് ജൂ​ലൈ ഒ​ന്ന്​ മു​ത​ൽ പ്ലാ​സ്റ്റി​ക് സ​ഞ്ചി​ക​ൾ​ക്ക് നി​രോ​ധ​നം വ​ന്ന​ത്. ഇ​വി​ട​ങ്ങ​ളി​ൽ പ്ലാ​സ്റ്റി​ക് സ​ഞ്ചി​ക​ൾ​ക്കു​പ​ക​രം തു​ണി ബാ​ഗു​ക​ൾ, പേ​പ്പ​ർ ബാ​ഗു​ക​ൾ പോ​ലു​ള്ള പ​രി​സ്ഥി​തി​സൗ​ഹൃ​ദ ബ​ദ​ലു​ക​ളി​ലേ​ക്ക് മാ​റ​ണം. മൂ​ന്നാം​ഘ​ട്ട നി​രോ​ധ​ന​ത്തി​ന് മു​ന്നോ​ടി​യാ​യി മ​സ്‌​ക​ത്തി​ൽ പ​രി​സ്ഥി​തി അ​തോ​റി​റ്റി ബോ​ധ​വ​ത്ക​ര​ണ കാ​മ്പ​യി​ൻ ന​ട​ത്തി​യി​രു​ന്നു.

പ്ലാ​സ്റ്റി​ക് മാ​ലി​ന്യം കു​റ​ക്കു​ക​യും പ​രി​സ്ഥി​തി​സം​ര​ക്ഷ​ണ​വു​മാ​ണ് നി​രോ​ധ​ന​ത്തി​ലൂ​ടെ ല​ക്ഷ്യ​മി​ടു​ന്ന​ത്. ഈ ​മാ​റ്റ​ത്തെ പി​ന്തു​ണ​ക്കാ​ൻ പ്ലാ​സ്റ്റി​ക് ബാ​ഗു​ക​ൾ​ക്ക് പ​ക​ര​മു​ള്ള​വ ഉ​പ​യോ​ഗി​ച്ചു​തു​ട​ങ്ങാ​ൻ താ​മ​സ​ക്കാ​രോ​ടും ബി​സി​ന​സ് ഉ​ട​മ​ക​ളോ​ടും പ​രി​സ്ഥി​തി അ​തോ​റി​റ്റി ആ​വ​ശ്യ​പ്പെ​ട്ടു. രാ​ജ്യ​ത്ത്​ 2027ഓ​ടെ പ്ലാ​സ്റ്റി​ക് സ​ഞ്ചി​ക​ൾ പൂ​ർ​ണ​മാ​യും ഒ​ഴി​വാ​ക്ക​ൽ ല​ക്ഷ്യ​മി​ട്ടാ​ണ് പ്ര​വ​ർ​ത്ത​നം. ഇ​തി​ന്റെ ഭാ​ഗ​മാ​യാ​ണ് മൂ​ന്നാം​ഘ​ട്ട നി​രോ​ധ​നം വ​രു​ന്ന​ത്. പ്ലാ​സ്റ്റി​ക് സ​ഞ്ചി​ക​ളു​ടെ ആ​ദ്യ​ഘ​ട്ട നി​രോ​ധ​നം​ ആ​രോ​ഗ്യ​സ്ഥാ​പ​ന​ങ്ങ​ളി​ൽ 2024 ജൂ​ലൈ ഒ​ന്ന്​ മു​ത​ൽ പ്രാ​ബ​ല്യ​ത്തി​ൽ വ​ന്നി​രു​ന്നു. ഫാ​ർ​മ​സി​ക​ൾ, ആ​ശു​പ​ത്രി​ക​ൾ, ക്ലി​നി​ക്കു​ക​ൾ എ​ന്നി​വ​യി​ലാ​ണ്​ പ്ലാ​സ്റ്റി​ക് ബാ​ഗു​ക​ൾ ​നി​രോ​ധി​ച്ചി​ട്ടു​ള്ള​ത്.

ര​ണ്ടാം ഘ​ട്ട​ത്തി​ന്റെ ഭാ​ഗ​മാ​യി ഈ ​വ​ർ​ഷം ജ​നു​വ​രി ഒ​ന്ന് മു​ത​ൽ തു​ണി​ത്ത​ര​ങ്ങ​ൾ, ​ടെ​ക്സ്​​റ്റൈ​ൽ​സ്​ വ​സ്ത്ര​ങ്ങ​ൾ, ഇ​വ​യു​ടെ മ​റ്റ്​ സ്റ്റോ​റു​ക​ൾ, ത​യ്യ​ൽ​ക​ട​ക​ൾ, ക​ണ്ണ​ട ക​ട​ക​ൾ, മൊ​ബൈ​ൽ ഫോ​ൺ വി​ൽ​പ​ന-​അ​റ്റ​കു​റ്റ​പ്പ​ണി​ക്കു​ള്ള സ്റ്റോ​റു​ക​ൾ, വാ​ച്ചു​ക​ൾ വി​ൽ​ക്കു​ക​യും പ​രി​പാ​ലി​ക്കു​ക​യും ചെ​യ്യു​ന്ന ക​ട​ക​ൾ, ഫ​ർ​ണി​ച്ച​ർ, വീ​ട്ടു​പ​ക​ര​ണ​ങ്ങ​ൾ എ​ന്നി​വ വി​ൽ​ക്കു​ന്ന സ്റ്റോ​റു​ക​ൾ തു​ട​ങ്ങി​യ​വ​യി​ലും പ്ലാ​സ്റ്റി​ക് സ​ഞ്ചി​ക​ൾ​ക്ക് നി​രോ​ധ​നം വ​ന്നി​ട്ടു​ണ്ട്. ​

നി​യ​മം ലം​ഘി​ച്ചാ​ൽ 50 മു​ത​ൽ 1000 റി​യാ​ൽ​വ​രെ പി​ഴ ഈ​ടാ​ക്കും. ആ​വ​ർ​ത്തി​ച്ചാ​ൽ ഇ​ര​ട്ടി​യാ​യി ചു​മ​ത്തും. നി​ശ്ചി​ത സ​മ​യ​പ​രി​ധി​ക്കു​ള്ളി​ൽ എ​ല്ലാ​ത്ത​രം പ്ലാ​സ്റ്റി​ക് ഷോ​പ്പി​ങ്​ ബാ​ഗു​ക​ളും നി​രോ​ധി​ക്കാ​നാ​ണ്​ ല​ക്ഷ്യ​മി​ടു​ന്ന​ത്.114/2001, 106/2020 എ​ന്നീ രാ​ജ​കീ​യ ഉ​ത്ത​ര​വു​ക​ൾ പ്ര​കാ​രം പ​രി​സ്ഥി​തി സം​ര​ക്ഷ​ണ, മ​ലി​നീ​ക​ര​ണ നി​യ​ന്ത്ര​ണ നി​യ​മ​ത്തി​ന്‍റെ​യും ഒ​റ്റ​ത്ത​വ​ണ ഉ​പ​യോ​ഗി​ക്കാ​വു​ന്ന പ്ലാ​സ്റ്റി​ക് സ​ഞ്ചി​ക​ൾ നി​രോ​ധി​ക്കു​ന്ന​തു​മാ​യി ബ​ന്ധ​പ്പെ​ട്ട 2020/23 മ​ന്ത്രി​ത​ല തീ​രു​മാ​ന​ത്തി​ന്‍റെ​യും അ​ടി​സ്ഥാ​ന​ത്തി​ലാ​ണ്​ പ്ലാ​സ്റ്റി​ക് സ​ഞ്ചി​ക​ളു​ടെ ഉ​പ​യോ​ഗം ഘ​ട്ടം​ഘ​ട്ട​മാ​യി ഇ​ല്ലാ​താ​ക്കാ​നു​ള്ള പ​രി​സ്ഥി​തി അ​തോ​റി​റ്റി​യു​ടെ തീ​രു​മാ​നം.

50 മൈ​ക്രോ​മീ​റ്റ​റി​ൽ താ​ഴെ ഭാ​ര​മു​ള്ള ഒ​റ്റ​ത്ത​വ​ണ ഉ​പ​യോ​ഗി​ക്കാ​വു​ന്ന പ്ലാ​സ്റ്റി​ക്​ സ​ഞ്ചി​ക​ൾ ക​മ്പ​നി​ക​ൾ, സ്ഥാ​പ​ന​ങ്ങ​ൾ, വ്യ​ക്തി​ക​ൾ എ​ന്നി​വ ഉ​പ​യോ​ഗി​ക്കാ​ൻ പാ​ടി​ല്ലെ​ന്ന്​ ഉ​ത്ത​ര​വി​ൽ പ​റ​യു​ന്നു. ഓ​രോ വി​ഭാ​ഗ​ത്തി​ലും പ്ലാ​സ്റ്റി​ക്​ സ​ഞ്ചി​ക​ളു​ടെ ഉ​​​പ​യോ​ഗം വി​വി​ധ ഘ​ട്ട​ങ്ങ​ളി​ലൂ​ടെ​യാ​ണ്​ നി​രോ​ധി​ക്കു​ക. ഇ​തി​നു​ശേ​ഷ​മു​ള്ള ഇ​വ​യു​ടെ ഉ​പ​യോ​ഗ​ത്തി​ന് പി​ഴ ചു​മ​ത്തും.

ന​ട​പ്പാ​ക്ക​ൽ​ ഉ​റ​പ്പു​വ​രു​ത്താ​ൻ വ​രും​ദി​വ​സ​ങ്ങ​ളി​ൽ അ​ധി​കൃ​ത​ർ പ​രി​ശോ​ധ​ന ന​ട​ത്തും. നാ​ലാം​ഘ​ട്ട നി​രോ​ധ​നം അ​ടു​ത്ത​വ​ർ​ഷം ജ​നു​വ​രി ഒ​ന്ന്​ മു​ത​ൽ നി​ല​വി​ൽ വ​രും.

കെ​ട്ടി​ട നി​ർ​മാ​ണ സാ​മ​ഗ്രി​ക​ളു​ടെ സ്റ്റോ​റു​ക​ൾ, പാ​ത്ര ക​ട​ക​ൾ, തീ​റ്റ, ധാ​ന്യ​ങ്ങ​ൾ, കാ​ർ​ഷി​ക വ​സ്തു​ക്ക​ൾ, കീ​ട​നാ​ശി​നി​ക​ൾ എ​ന്നി​വ​യു​ടെ വി​ൽ​പ​ന​യു​ള്ള സ്ഥാ​പ​ന​ങ്ങ​ൾ, ഐ​സ്ക്രീം, ചോ​ളം, മ​ധു​ര​പ​ല​ഹാ​ര​ങ്ങ​ൾ, പ​രി​പ്പ് എ​ന്നി​വ​യു​ടെ വി​ൽ​പ​ന, ജ്യൂ​സു​ക​ളു​ടെ വ​ൽ​പ​ന, മി​ഷ്കാ​ക്കി​ന്‍റെ വി​ൽ​പ​ന, മി​ല്ലു​ക​ൾ, തേ​ൻ, ഈ​ത്ത​പ്പ​ഴം വി​ൽ​പ​ന, വാ​ട്ട​ർ ഫി​ൽ​ട്ട​റു​ക​ൾ വി​ൽ​ക്കു​ന്ന​തും ന​ന്നാ​ക്കു​ന്ന​തും, വാ​ട്ട​ർ പ​മ്പു​ക​ൾ വി​ൽ​ക്കു​ക​യും പ​രി​പാ​ലി​ക്കു​ക​യും ചെ​യ്യു​ന്ന ക​ട​ക​ൾ, കാ​ർ പ​മ്പു​ക​ൾ വി​ൽ​ക്കു​ക​യും പ​രി​പാ​ലി​ക്കു​ക​യും ചെ​യ്യു​ന്ന ക​ട​ക​ൾ, ആ​ധു​നി​ക ജ​ല​സേ​ച​ന സം​വി​ധാ​ന​ങ്ങ​ൾ വി​ൽ​ക്കു​ന്ന സ്റ്റോ​റു​ക​ൾ, പ​ക്ഷി​ക​ൾ, മ​ത്സ്യം, വ​ള​ർ​ത്തു​മൃ​ഗ​ങ്ങ​ൾ എ​ന്നി​വ വി​ൽ​ക്കു​ന്ന ക​ട​ക​ൾ, അ​നു​ബ​ന്ധ ഭ​ക്ഷ​ണ​ങ്ങ​ൾ, ന​ഴ്സ​റി​ക​ളും കാ​ർ​ഷി​ക സാ​ധ​ന​ങ്ങ​ളു​ടെ വി​ൽ​പ​ന തു​ട​ങ്ങി​വ​യി​ലാ​ണ് ഈ ​ഘ​ട്ട​ത്തി​ലെ നി​രോ​ധ​നം.