മയക്കുമരുന്നുമായി മൂന്ന് വിദേശികൾ പിടിയിൽ

മസ്കത്ത്: മയക്കുമരുന്നുമായി ഒമാനിലേക്ക് അനധികൃതമായി കടക്കാൻ ശ്രമിച്ച മൂന്ന് ഏഷ്യൻ സ്വദേശികളെ റോയൽ ഒമാൻ പോലീസ് കോസ്റ്റ് ഗാർഡ് കമാൻഡ് ഖുറിയാത്ത് തീരത്തുനിന്ന് അറസ്റ്റ് ചെയ്തു. 66 കിലോയിലധികം ക്രിസ്റ്റൽ മെത്താംഫെറ്റാമൈൻ ലഹരിവസ്തുക്കൾ ഇവരിൽ നിന്ന് പിടിച്ചെടുത്തിട്ടുണ്ട്. മയക്കുമരുന്ന് വിൽപനക്കായുള്ള ലക്ഷ്യത്തോടെയാണ് ഇവർ ഒമാനിലേക്ക് എത്തിയതെന്ന് അധികൃതർ വ്യക്തമാക്കി. പ്രതികൾക്കെതിരെയുള്ള നിയമനടപടികൾ പുരോഗമിക്കുകയാണെന്ന് ആർ.ഒ.പി അറിയിച്ചു.