ഗാ​ർ​ഹി​ക പീ​ഡ​നം: പ്ര​ച​രി​ക്കു​ന്ന ക​ണ​ക്കു​ക​ൾ വ്യാ​ജം -മ​ന്ത്രാ​ല​യം

മ​സ്ക​ത്ത്​: രാ​ജ്യ​ത്തെ ഗാ​ർ​ഹി​ക പീ​ഡ​ന​ങ്ങ​ളു​ടെ എ​ണ്ണ​ത്തെ കു​റി​ച്ച് പ്ര​ച​രി​ക്കു​ന്ന​ത്​ തെ​റ്റാ​യ ക​ണ​ക്കു​ക​ളാ​ണെ​ന്ന്​ സാ​മൂ​ഹി​ക വി​ക​സ​ന മ​ന്ത്രാ​ല​യം പ്ര​സ്താ​വ​ന​യി​ൽ അ​റി​യി​ച്ചു. സ്ത്രീ​ക​ൾ​ക്കെ​തി​രാ​യ ഇ​ത്ത​രം അ​ക്ര​മ​ങ്ങ​ൾ രാ​ജ്യ​ത്ത്​ അ​പൂ​ർ​വ​മാ​യാ​ണു​ണ്ടാ​കു​ന്ന​തെ​ന്നും 2022ൽ 17 ​സം​ഭ​വ​ങ്ങ​ൾ മാ​ത്ര​മാ​ണു​ണ്ടാ​യ​തെ​ന്നും പ്ര​സ്താ​വ​ന​യി​ൽ പ​റ​ഞ്ഞു. സ​മൂ​ഹ മാ​ധ്യ​മ​ങ്ങ​ളി​ലെ ക​ണ​ക്കു​ക​ൾ ശ​രി​യ​ല്ലെ​ന്നും വ്യാ​ജ​മാ​യ കാ​ര്യ​ങ്ങ​ളാ​ണ്​ ചി​ല കേ​ന്ദ്ര​ങ്ങ​ൾ പ്ര​ച​രി​പ്പി​ക്കു​ന്ന​തെ​ന്നും വ്യ​ക്​​ത​മാ​ക്കി.

രാ​ജ്യ​ത്തെ 75 ശ​ത​മാ​നം ഗാ​ർ​ഹി​ക പീ​ഡ​ന​ങ്ങ​ളും റി​പ്പോ​ർ​ട്ട്​ ചെ​യ്യ​പ്പെ​ടു​ന്നി​ല്ലെ​ന്ന പ്ര​സ്താ​വ​ന​യും തെ​റ്റാ​ണെ​ന്ന്​ മ​ന്ത്രാ​ല​യം വ്യ​ക്​​ത​മാ​ക്കി. സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​ച്ച ഇ​ത്ത​രം കാ​ര്യ​ങ്ങ​ൾ​ക്ക്​ അ​ടി​സ്ഥാ​ന​മാ​ക്കി​യ​ത്​ 2017ൽ ​മ​ന്ത്രാ​ല​യം ന​ട​ത്തി​യ സ​ർ​വേ​യാ​ണ്.

എ​ന്നാ​ൽ, സ​ർ​വേ സ​മൂ​ഹ​ത്തി​ന്‍റെ ഗാ​ർ​ഹി​ക പീ​ഡ​ന​വു​മാ​യി ബ​ന്ധ​പ്പെ​ട്ട കാ​ഴ്ച​പ്പാ​ടി​നെ അ​റി​യാ​നാ​യി സം​ഘ​ടി​പ്പി​ച്ച​താ​ണ്. വ​ള​രെ കു​റ​ച്ചു​പേ​ർ മാ​ത്രം പ​​​ങ്കെ​ടു​ത്ത പ​ഠ​ന​ത്തി​ലെ വി​വ​ര​ങ്ങ​ൾ ഉ​പ​യോ​ഗി​ച്ച്​ രാ​ജ്യ​ത്തെ സാ​ഹ​ച​ര്യം മൊ​ത്ത​ത്തി​ൽ അ​ള​ക്കാ​ൻ ക​ഴി​യി​ല്ല.

2022ൽ ​റി​പ്പോ​ർ​ട്ട്​ ചെ​യ്യ​പ്പെ​ട്ട 17 പീ​ഡ​ന സം​ഭ​വ​ങ്ങ​ളി​ലും ദാ​റു​ൽ വി​ഫാ​ഖ്​ വ​ഴി മേ​ൽ​ന​ട​പ​ടി സ്വീ​ക​രി​ച്ചി​ട്ടു​ണ്ട്. ഔ​ദ്യോ​ഗി​ക ക​ണ​ക്കു​ക​ൾ പ്ര​സി​ദ്ധീ​ക​രി​ക്കു​മ്പോ​ൾ ആ​ധി​കാ​രി​ക​ത ഉ​റ​പ്പു​വ​രു​ത്ത​ണ​മെ​ന്നും മ​ന്ത്രാ​ല​യം പ്ര​സ്താ​വ​ന​യി​ൽ ആ​വ​ശ്യ​പ്പെ​ട്ടു.