ഡി​ജി​റ്റ​ൽ ഇ​ക്കോ​ണ​മി: ജി20 ​മ​ന്ത്രി​ത​ല യോ​ഗ​ത്തി​ൽ ഒ​മാ​ൻ പ​​ങ്കെ​ടു​ത്തു

മ​സ്ക​ത്ത്​: ബം​ഗ​ളൂ​രു​വി​ൽ ന​ട​ക്കു​ന്ന ജി20 ​രാ​ജ്യ​ങ്ങ​ളി​ലെ ഡി​ജി​റ്റ​ൽ ഇ​ക്കോ​ണ​മി സം​ബ​ന്ധി​ച്ച മ​ന്ത്രി​ത​ല ച​ർ​ച്ച​യി​ൽ ഒ​മാ​നെ പ്ര​തി​നി​ധാ​നം ചെ​യ്ത് ഗ​താ​ഗ​ത, വാ​ർ​ത്ത​വി​നി​മ​യ, ഇ​ൻ​ഫ​ർ​മേ​ഷ​ൻ ടെ​ക്നോ​ള​ജി മ​ന്ത്രാ​ല​യം പ​​ങ്കെ​ടു​ത്തു.ഇ​ന്ത്യ ആ​തി​ഥ്യ​മ​രു​ളു​ന്ന ജി20 ​ഉ​ച്ച​കോ​ടി​ക്കു​ മു​മ്പാ​യി സം​ഘ​ടി​പ്പി​ക്കു​ന്ന സം​വാ​ദ പ​ര​മ്പ​ര​യു​ടെ ഭാ​ഗ​മാ​യാ​ണ്​ യോ​ഗം ചേ​ർ​ന്ന​ത്.

സു​ര​ക്ഷി​ത ഡി​ജി​റ്റ​ൽ സ​മ്പ​ദ്‌​വ്യ​വ​സ്ഥ കെ​ട്ടി​പ്പ​ടു​ക്കു​ന്ന​തി​ന്റെ​യും ക​ഴി​വു​ക​ൾ വി​ക​സി​പ്പി​ക്കു​ന്ന​തി​ന്റെ​യും പ്രാ​ധാ​ന്യം വി​വി​ധ രാ​ഷ്ട്ര പ്ര​തി​നി​ധി​ക​ൾ യോ​ഗ​ത്തി​ൽ ചൂ​ണ്ടി​ക്കാ​ട്ടി. ഡി​ജി​റ്റ​ൽ അ​ടി​സ്ഥാ​ന സൗ​ക​ര്യ​ങ്ങ​ളു​ടെ വി​ക​സ​നം, വി​ന്യാ​സം, ഭ​ര​ണം എ​ന്നി​വ​ക്കാ​യി പൊ​തു ച​ട്ട​ക്കൂ​ട് രൂ​പ​പ്പെ​ടു​ത്താ​ൻ യോ​ഗ​ത്തി​ൽ പ​ങ്കെ​ടു​ത്ത​വ​ർ ധാ​ര​ണ​യാ​യി. യോ​ഗ​ത്തി​ൽ ഇ​ൻ​ഫ​ർ​മേ​ഷ​ൻ ടെ​ക്നോ​ള​ജി ഫോ​ർ ക​മ്യൂ​ണി​ക്കേ​ഷ​ൻ​സ് ആ​ൻ​ഡ് ഇ​ൻ​ഫ​ർ​മേ​ഷ​ൻ ടെ​ക്നോ​ള​ജി മ​ന്ത്രാ​ല​യം അ​ണ്ട​ർ സെ​ക്ര​ട്ട​റി ഡോ. ​അ​ലി ബി​ൻ അ​മീ​ർ അ​ൽ ശൈ​താ​നി ഒ​മാ​നെ പ്ര​തി​നി​ധാ​നം ചെ​യ്ത് ​സം​സാ​രി​ച്ചു.

ആ​ധു​നി​ക ഡി​ജി​റ്റ​ൽ ഇ​ൻ​ഫ്രാ​സ്ട്ര​ക്ച​ർ വി​ക​സി​പ്പി​ക്കേ​ണ്ട​തി​ന്റെ പ്രാ​ധാ​ന്യം വ​ള​രെ വ​ലു​താ​ണെ​ന്ന്​ വ്യ​ക്​​ത​മാ​ക്കി​യ അ​ദ്ദേ​ഹം വ്യ​ക്തി​ഗ​ത ഡേ​റ്റ പ​രി​ര​ക്ഷി​ക്കു​ക​യും സ്വ​കാ​ര്യ​ത ഉ​റ​പ്പു​ന​ൽ​കു​ക​യും വേ​ണ​മെ​ന്ന്​ അ​ഭി​പ്രാ​യ​പ്പെ​ട്ടു. സു​സ്ഥി​ര ഡി​ജി​റ്റ​ൽ സ​മ്പ​ദ്‌​വ്യ​വ​സ്ഥ​യി​ൽ അ​ന്താ​രാ​ഷ്ട്ര സ​ഹ​ക​ര​ണം വ​ർ​ധി​പ്പി​ക്കാ​നും ഡി​ജി​റ്റ​ൽ സ​മ്പ​ദ്‌​വ്യ​വ​സ്ഥ​യി​ൽ പ​ങ്കെ​ടു​ക്കു​ന്ന രാ​ജ്യ​ങ്ങ​ളു​ടെ അ​നു​ഭ​വ​ങ്ങ​ളി​ൽ​നി​ന്ന് പ്ര​യോ​ജ​നം നേ​ടാ​നും വി​ക​സ്വ​ര മേ​ഖ​ല​യി​ൽ സ​ഹ​ക​ര​ണ​വും പ​ങ്കാ​ളി​ത്ത ബ​ന്ധ​ങ്ങ​ളും കെ​ട്ടി​പ്പ​ടു​ക്കാ​നു​മാ​ണ്​ ഒ​മാ​ൻ ല​ക്ഷ്യ​മി​ട്ട​ത്.