ദാ​ഖി​ലി​യ ഫി​ലിം ഫെ​സ്റ്റി​​വ​ലി​ന്​ ഇ​ന്നു​ തു​ട​ക്കം

മ​സ്ക​ത്ത്​: ദാ​ഖി​ലി​യ ഫി​ലിം ഫെ​സ്റ്റി​​വ​ൽ ജൂ​ൺ 19 മു​ത​ൽ 22 വ​രെ നി​സ്​​വ​യി​ൽ ന​ട​ക്കും. ദാ​ഖി​ലി​യ ഗ​വ​ർ​ണ​റു​ടെ ഓ​ഫി​സു​മാ​യി സ​ഹ​ക​രി​ച്ച് ഒ​മാ​ൻ ഫി​ലിം ആ​ൻ​ഡ്​ തി​യ​റ്റ​ർ സൊ​സൈ​റ്റി​യാ​ണ് പ​രി​പാ​ടി സം​ഘ​ടി​പ്പി​ക്കു​ന്ന​ത്. ഒ​മാ​ൻ ഫി​ലിം ആ​ൻ​ഡ് തി​യ​റ്റ​ർ സൊ​സൈ​റ്റി പ്ര​സി​ഡ​ന്റ് ഡോ. ​ഹ​മീ​ദ് ബി​ൻ സ​ഈ​ദ്​ അ​ൽ അ​മ്രി, ന​റ​ൽ സൂ​പ്പ​ർ​വൈ​സ​ർ ആ​ൻ​ഡ്​ ഡ​യ​ർ മു​ഹ​മ്മ​ദ് ബി​ൻ സു​ലൈ​മാ​ൻ അ​ൽ കി​ന്ദി എ​ന്നി​വ​രു​ടെ സാ​ന്നി​ധ്യ​ത്തി​ൽ സം​ഘാ​ട​ക സ​മി​തി യോ​ഗം ചേ​ർ​ന്നു. ര​ണ്ടു​ വ​ർ​ഷ​മാ​യി രാ​ജ്യ​ത്തെ വി​വി​ധ ഗ​വ​ർ​ണ​​റേ​റ്റു​ക​ളി​ൽ ന​ട​ന്നു​കൊ​ണ്ടി​രി​ക്കു​ന്ന ഫെ​സ്​​റ്റി​വ​ലി​ന്‍റെ ഭാ​ഗ​മാ​യാ​ണി​തെ​ന്ന്​ ഡോ. ​അ​ൽ അ​മ്രി പ​റ​ഞ്ഞു. ദോ​ഫാ​ർ, വ​ട​ക്ക​ൻ ബാ​ത്തി​ന, ദാ​ഹി​റ എ​ന്നീ ഗ​വ​ർ​ണ​റേ​റ്റു​ക​ളി​ലും ഈ ​വ​ർ​ഷം ഫി​ലിം ഫെ​സ്റ്റി​വ​ൽ ന​ട​ത്തും. 2023ൽ ​തെ​ക്ക​ൻ ശ​ർ​ഖി​യ​യി​ലും മു​സ​ന്ദ​ത്തും സ​മാ​ന​മാ​യ പ​രി​പാ​ടി സം​ഘ​ടി​പ്പി​ക്കു​മെ​ന്നും അ​ദ്ദേ​ഹം പ​റ​ഞ്ഞു. നി​സ്​​വ ക​ൾ​ച്ച​റ​ൽ സെ​ന്‍റ​റി​ൽ അ​ന്താ​രാ​ഷ്‌​ട്ര സം​വി​ധാ​യ​ക​ൻ ദാ​വൂ​ദ് ഔ​ലാ​ദ് അ​ൽ സാ​യ​ദി​ന്‍റെ 'സി​റ്റീ​സ് ഓ​ഫ് ഡ​സ്റ്റ് ബി​റ്റി​വീ​ൻ ഒ​മാ​ൻ ആ​ൻ​ഡ്​ ​മൊ​റോ​ക്കോ' എ​ന്ന സി​നി​മ​യു​ടെ പ്ര​ദ​ർ​ശ​ന​ത്തോ​ടെ​യാ​കും മേ​ള​ക്ക്​ തു​ട​ക്ക​മാ​വു​ക​യെ​ന്ന്​ ഫെ​സ്റ്റി​വ​ലി​ന്റെ ഡ​യ​റ​ക്ട​ർ മു​ഹ​മ്മ​ദ് ബി​ൻ സു​ലൈ​മാ​ൻ അ​ൽ കി​ന്ദി പ​റ​ഞ്ഞു.

ബെ​ൽ​ജി​യം, യു​നൈ​റ്റ​ഡ് കി​ങ്​​ഡം, ഒ​മാ​ൻ, ഇ​റാ​ൻ തു​ട​ങ്ങി വി​വി​ധ രാ​ജ്യ​ങ്ങ​ളി​ൽ​നി​ന്നാ​യി 150 ചി​ത്ര​ങ്ങ​ളാ​ണ്​ ല​ഭി​ച്ച​ത്. വി​ല​യി​രു​ത്ത​ലി​നു​ ശേ​ഷം ഇ​തി​ൽ​നി​ന്ന്​ 66 ചി​ത്ര​ങ്ങ​ളാ​ണ്​ തി​ര​ഞ്ഞെ​ടു​ത്ത​ത്. ഇ​വ​ നി​സ്​​വ ക​ൾ​ച്ച​റ​ൽ സെ​ന്റ​ർ, നി​സ്​​വ യൂ​നി​വേ​ഴ്സി​റ്റി, നി​സ്​​വ പ​ബ്ലി​ക് ലൈ​ബ്ര​റി എ​ന്നി​വി​ട​ങ്ങ​ളി​ലൂ​ടെ പ്ര​ദ​ർ​ശി​പ്പി​ക്കു​മെ​ന്നും അ​ദ്ദേ​ഹം പ​റ​ഞ്ഞു. ഡോ​ക്യു​മെ​ന്റ​റി​ക​ൾ, ഫീ​ച്ച​റു​ക​ൾ, ആ​നി​മേ​ഷ​ൻ എ​ന്നി​ങ്ങ​നെ വി​ഭാ​ഗ​ത്തി​ലാ​ണ്​ ചി​ത്ര​ങ്ങ​ൾ പ്ര​ദ​ർ​ശി​പ്പി​ക്കു​ക. ഓ​രോ വി​ഭാ​ഗ​ത്തി​ലും സ്വ​​ത​ന്ത്ര ജൂ​റി​യും രൂ​പ​വ​ത്​​ക​രി​ച്ചി​ട്ടു​ണ്ട്. ഡോ. ​സ​ലിം അ​ൽ മ​മാ​രി, സി​റി​യ​യി​ൽ നി​ന്നു​ള്ള ഡോ. ​നൂ​റു​ദ്ദീ​ൻ ഹാ​ഷ്മി, ഒ​മാ​നി​ൽ​നി​ന്നു​ള്ള ഹൈ​തം സു​ലൈ​മാ​ൻ, തു​നീ​ഷ്യ​യി​ൽ​നി​ന്നു​ള്ള ഡോ. ​മൗ​നി ഹോ​ജീ​ജ്, അ​മ്മാ​ർ അ​ൽ ഇ​ബ്രാ​ഹിം, സു​ൽ​ത്താ​നേ​റ്റി​ലെ അ​ബ്ദു​ൽ അ​സീ​സ് അ​ൽ ഹ​ബ്സി എ​ന്നി​വ​രാ​ണ്​ ഫീ​ച്ച​ർ ഫി​ലി​മു​ക​ളു​ടെ​യും ആ​നി​മേ​ഷ​ൻ ചി​ത്ര​ങ്ങ​ളു​ടെ​യും ജൂ​റി​യി​ൽ അം​ഗ​മാ​യി​ട്ടു​ള്ള​ത്.

ഡോ​ക്യു​മെ​ന്റ​റി ചി​ത്ര​ങ്ങ​ളു​ടെ ജൂ​റി​യി​ൽ ഡോ. ​റാ​ഷി​ദ് അ​ൽ യാ​ഫെ​യ്, ഇ​റാ​നി​ൽ​നി​ന്നു​ള്ള ജ​ലാ​ൽ അ​ൽ ദി​ൻ, വാ​ലി​ദ് അ​ൽ ഖ​റൂ​സി, തു​നീ​ഷ്യ​യി​ൽ നി​ന്നു​ള്ള ഹു​സൈ​ൻ അ​ൽ താ​ബെ​ത്തി, ഹു​സൈ​ൻ അ​ൽ ബ​ലൂ​ഷി എ​ന്നി​വ​രാ​ണു​ള്ള​ത്.