ഭ​ക്തി​സാ​ന്ദ്ര​മാ​ണ് ഉ​മ്മ​മാ​രു​ടെ പ്രാ​ർ​ഥ​ന​ക​ൾ

‘ച​ന്ദ്ര​തു​ണ്ടി​ൽ പൊ​ൻ​പി​റ ക​ണ്ടൊ​രു

റ​മ​ദാ​ൻ നോ​മ്പ് മു​ത​ൽ

ശ​വ്വാ​ലി​ൻ പി​റ കാ​ണും വ​രെ​യും

താ​റാ​വീ​ഹ് ന​മ​സ്കാ​രം’...

ബി​ച്ചു തി​രു​മ​ല​യു​ടെ ഈ ​പാ​ട്ടി​ന്റെ വ​രി​ക​ളി​ലു​ള്ള റ​മ​ദാ​ൻ നോ​മ്പും, ശ​വ്വാ​ൽ നി​ലാ​വും, ത​റാ​വീ​ഹ് ന​മ​സ്‌​കാ​ര​വു​മെ​ല്ലാം ക​ണ്ടും, കേ​ട്ടും വ​ള​ർ​ന്ന ഒ​രു മ​ല​പ്പു​റം​കാ​ര​നാ​യ എ​ന്റെ നോ​മ്പോ​ർ​മ​ക​ൾ​ക്ക് എ​ന്റെ പ്രാ​യ​ത്തോ​ളം ത​ന്നെ പ​ഴ​ക്ക​മു​ണ്ട്. മ​ത​മൈ​ത്രി​ക്ക് പേ​ര് കേ​ട്ട ജി​ല്ല​ക്കാ​ര​നാ​യ​തി​ൽ അ​ങ്ങ​നെ എ​ടു​ത്ത് പ​റ​യാ​ൻ ത​ന്നെ തെ​ല്ലൊ​രു അ​ഭി​മാ​ന​വു​മു​ണ്ട്. ഞ​ങ്ങ​ൾ അ​ങ്ങ​നെ​യാ​ണ് അ​വി​ടെ ക​ഴി​യു​ന്ന​ത്. അ​യ​ൽ​വീ​ട്ടി​ലെ ത​ന്ത​ക്കു​ട്ടി​ക്കാ​യു​ടെ വീ​ടും ഞ​ങ്ങ​ളും അ​ങ്ങ​നെ​യാ​യി​രു​ന്നു. അ​വി​ടെ​നി​ന്നാ​ണ് എ​ന്റെ നോ​മ്പ് അ​റി​വു​ക​ളു​ടെ തു​ട​ക്കം. റ​മ​ദാ​നി​ൽ ഖു​ർ​ആ​ൻ ഓ​ത്തും, അ​ല്ലാ​ഹു​വി​നോ​ട് ഭ​ക്തി നി​റ​ഞ്ഞ പ്രാ​ർ​ഥ​ന​ക​ളു​മാ​യി ക​ഴി​യു​ന്ന അ​വി​ടു​ത്തെ ഉ​മ്മ​യാ​ണ് മ​ന​സ്സി​ൽ തെ​ളി​യു​ന്ന ആ​ദ്യ​ത്തെ റ​മ​ദാ​ൻ ച​ന്ദ്രി​ക. പ​രി​ശു​ദ്ധ മാ​സ​ത്തി​ൽ മ​ന​സ്സും ശ​രീ​ര​വും സം​ശു​ദ്ധി വ​രു​ത്തി ദാ​ന ധ​ർ​മ​ങ്ങ​ൾ​ക്ക് കൂ​ടു​ത​ൽ മു​ൻ​ഗ​ണ​ന ന​ൽ​കി ജീ​വി​ക്കു​ന്ന എ​ന്റെ കൂ​ട്ടു​കാ​ര​ൻ ബ​ഷീ​റി​ന്റെ ഉ​മ്മ​യാ​ണ​ത്. ഇ​സ്‌​ലാം വി​ശ്വാ​സ​ത്തി​ന്റെ ജീ​വി​ത പാ​ഠ​ശാ​ല​യാ​യി​രു​ന്നു ആ ​കു​ടും​ബം.

ജീ​വി​ത​ത്തി​ലാ​ദ്യ​മാ​യി ത​രി​ക്ക​ഞ്ഞി​യു​ടെ​യും, നൈ​സ് പ​ത്തി​രി​യും, കോ​ഴി​ക്ക​റി​യും തു​ട​ങ്ങി​യ നോ​മ്പു​തു​റ വി​ഭ​വ​ങ്ങ​ളു​ടെ​യും രു​ചി അ​റി​ഞ്ഞു തു​ട​ങ്ങി​യ​തും അ​വ​രു​ടെ വീ​ട്ടി​ൽ​നി​ന്ന് ത​ന്നെ​യാ​ണ്. കു​റ​ച്ചു വ​ർ​ഷ​ങ്ങ​ൾ​ക്കു​ശേ​ഷം അ​വ​ർ അ​വി​ടെ​നി​ന്ന് പാ​ല​ക്കാ​ട്‌ ജി​ല്ല​യി​ലേ​ക്ക് താ​മ​സം മാ​റി. അ​ധി​കം വൈ​കാ​തെ ഞ​ങ്ങ​ളും താ​മ​സം മാ​റി. അ​വി​ടെ​യും അ​ടു​ത്ത വീ​ടും മു​സ്‌​ലിം കൂ​ട്ടു​കു​ടും​ബ​മാ​യി​രു​ന്നു ഒ​രു വ​ല്ല്യു​മ്മ​യും മ​ക്ക​ളും അ​വ​രു​ടെ മ​ക്ക​ളു​മാ​യി ക​ഴി​ഞ്ഞ കാ​ലം ഒ​രു​പാ​ട് ന​ല്ല ഓ​ർ​മ​ക​ൾ സ​മ്മാ​നി​ച്ച നാ​ളു​ക​ളാ​യി​രു​ന്നു. നോ​മ്പ് കാ​ല​ത്ത് അ​വി​ടെ ഉ​ണ്ടാ​ക്കു​ന്ന എ​ല്ലാം ഞ​ങ്ങ​ളു​ടെ വീ​ട്ടി​ലെ​ത്തും. അ​ത് കൂ​ടാ​തെ​യു​ള്ള വി​ശേ​ഷ ദി​വ​സ​ങ്ങ​ളി​ൽ ഞ​ങ്ങ​ൾ​ക്കെ​ല്ലാം ഭ​ക്ഷ​ണം അ​വി​ടെ​യാ​യി​രി​ക്കും

നാ​ട്ടി​ൽ ജോ​ലി ചെ​യ്യു​ന്ന സ​മ​യ​ത്ത് സ്ഥാ​പ​ന​ത്തി​ന്റെ പി​റ​കി​ലെ വീ​ട്ടി​ലും ഒ​രു വ​ല്ല്യു​മ്മ ഉ​ണ്ടാ​യി​രു​ന്നു. അ​വി​ടെ​നി​ന്നും നോ​മ്പി​ന്റെ പ​ല​ഹാ​ര​ങ്ങ​ളും പാ​നീ​യ​ങ്ങ​ളും ത​രു​മാ​യി​രു​ന്നു. എ​ല്ലാ​യി​ട​ത്തും നോ​മ്പ് സ്നേ​ഹം വെ​ച്ച് വി​ള​മ്പു​ന്ന ഒ​രു പ്രാ​ർ​ഥ​ന ത​ന്നെ​യാ​യി​രു​ന്നു. എ​ന്റെ അ​ടു​ത്ത സു​ഹൃ​ത്താ​യ ഇ​ബ്രാ​ഹി​മും കൂ​ട്ടു​കാ​രെ​യെ​ല്ലാം വീ​ട്ടി​ലേ​ക്ക് നോ​മ്പ് തു​റ​ക്കാ​ൻ മു​ട​ങ്ങാ​തെ വി​ളി​ക്കു​മാ​യി​രു​ന്നു. അ​ങ്ങ​നെ നാ​ട്ടി​ലെ നോ​മ്പോ​ർ​മ​ക​ൾ പ​റ​ഞ്ഞാ​ൽ തീ​രി​ല്ല.

പ്ര​വാ​സം തു​ട​ങ്ങി​യി​ട്ട് 28 വ​ർ​ഷ​ത്തോ​ള​മാ​യി, മു​സ​ന്ദം ഗ​വ​ർ​ണ​റേ​റ്റി​ലെ ഖ​സ​ബെ​ന്ന ശാ​ന്ത​സു​ന്ദ​ര​മാ​യി ഈ ​പ്ര​ദേ​ശ​ത്ത് ഒ​ട്ടേ​റെ നോ​മ്പ് തു​റ​ക​ളി​ൽ പ​ങ്കെ​ടു​ക്കാ​നും, സം​ഘ​ട​ന​ക​ളു​ടെ ഭാ​ഗ​മാ​യി​രു​ന്ന സ​മ​യ​ത്തെ​ല്ലാം ഇ​ഫ്താ​റു​ക​ൾ സം​ഘ​ടി​പ്പി​ക്കാ​നും സാ​ധി​ച്ച​തി​ൽ അ​തി​യാ​യ സ​ന്തോ​ഷ​മു​ണ്ട്. ഏ​റ്റ​വും അ​ടു​ത്ത സു​ഹൃ​ത്തു​ക്ക​ൾ​ക്കാ​യി ഞ​ങ്ങ​ളു​ടെ വി​ല്ല​യി​ൽ ഇ​ഫ്താ​ർ ന​ട​ത്താ​നും, അ​വ​രോ​ടൊ​പ്പം ചേ​ർ​ന്ന് നോ​മ്പെ​ടു​ക്കാ​നും, അ​വ​രു​ടെ കൂ​ടെ നോ​മ്പ് തു​റ​ക്കാ​നും ക​ഴി​ഞ്ഞ​ത് ജീ​വി​ത​ത്തി​ലെ പു​ണ്യ​വും, ഭാ​ഗ്യ​വു​മാ​യി ഞാ​ൻ മ​ന​സ്സി​ലാ​ക്കു​ന്നു.

യ​ഥാ​ർ​ഥ മ​ത വി​ശ്വാ​സി എ​ല്ലാ​വ​രെ​യും സ്നേ​ഹി​ക്കാ​നും സ​ഹോ​ദ​ര തു​ല്യ​രാ​യി കാ​ണാ​നും ക​ഴി​യു​ന്ന​വ​രാ​യി​രി​ക്ക​ണം. റ​മ​ദാ​നി​ൽ അ​ടു​ത്ത ഒ​മാ​നി വീ​ടു​ക​ളി​ൽ​നി​ന്ന് ഭ​ക്ഷ​ണ​പാ​നീ​യ​ങ്ങ​ൾ കൊ​ണ്ടു​ത​രാ​റു​ണ്ട്. ദൈ​വ​ത്തോ​ടൊ​പ്പ​മാ​യി​രി​ക്കാ​ൻ ഉ​പ​വ​സി​ക്കു​ന്ന​വ​ർ മ​നു​ഷ്യ​ബ​ന്ധ​ങ്ങ​ൾ​ക്ക് കൂ​ടു​ത​ൽ ക​രു​ത​ലും, സ്നേ​ഹ​വും ന​ൽ​കു​ന്നു. അ​തോ​ടെ, പ​രി​പാ​വ​ന​വും പ​രി​ശു​ദ്ധ​വു​മാ​യ ഈ ​പു​ണ്യ​മാ​സം നോ​മ്പും, നോ​മ്പ് തു​റ​യും മാ​ത്ര​മാ​യി അ​വ​സാ​നി​ക്കാ​ത്ത​ത് അ​തു​കൊ​ണ്ടാ​ണ്. ഊ​ഷ്‌​മ​ള​മാ​യ സ്നേ​ഹ​ബ​ന്ധ​ങ്ങ​ൾ ഉ​പ​വാ​സ​ത്തി​ലൂ​ടെ ത​ളി​ർ​ക്ക​ട്ടെ.