‘ദം​ദം ബി​രി​യാ​ണി ഫെ​സ്റ്റ് ഗ്രാ​ൻ​ഡ് ഫി​നാ​ലെ ഇ​ന്ന്, പ്രവേശനം സൗജന്യം

മ​സ്ക​ത്ത്: ഗ​ൾ​ഫ് മാ​ധ്യ​മ​ത്തി​ന്റെ ഡി​ജി​റ്റ​ൽ പ്ലാ​റ്റ്​​ഫോ​മാ​യ ‘മീ ​ഫ്ര​ണ്ട്’ സം​ഘ​ടി​പ്പി​ക്കു​ന്ന ‘ദം​ദം ബി​രി​യാ​ണി ഫെ​സ്റ്റി’​ന്റെ ഗ്രാ​ൻ​ഡ് ഫി​നാ​ലെ വെ​ള്ളി​യാ​ഴ്ച ന​ട​ക്കും. ഒ​മാ​നി​ലെ ‘ദം ​സ്റ്റാ​ർ പ​ട്ടം’ നേ​ടാ​നു​ള്ള മ​ത്സ​രം വൈ​കീ​ട്ട് 3.30ന് ​ബൗ​ഷ​ർ ക്ല​ബി​ൽ തു​ട​ക്ക​മാ​കും. മ​ത്സ​ര​ത്തി​ൽ പാ​ലി​ക്കേ​ണ്ട മാ​ർ​ഗ​നി​ർ​ദേ​ശ​ങ്ങ​ളും നി​യ​മാ​വ​ലി​ക​ളും മ​ത്സ​രാ​ർ​ഥി​ക​ളെ അ​റി​യി​ച്ചി​ട്ടു​ണ്ടെ​ന്ന് സം​ഘാ​ട​ക​ർ പ​റ​ഞ്ഞു. ലൈ​വ് കു​ക്കി​ങ്ങാ​യി​ട്ടാ​യി​രി​ക്കും ​ഫൈ​ന​ൽ അ​ര​​ങ്ങേ​റു​ക.

എം.​പി.​സാ​ജി​ത, ന​സ്രി​ൻ റി​ൻ​ഷാ​ദ്, റം​ഷീ​ത ന​ഫ്സ​ൽ, റ​ഹ്മ​ത്ത് ഇ​ഖ്ബാ​ൽ, ഷീ​ജ അ​സീ​സ്, ഷാ​ഹി​ന മ​ർ​സൂ​ക്ക്, ബി​രു​ന്ത, ന​ഹീ​മ റാ​ഷി, റ​ജീ​ന നി​യാ​സ്, സാ​യൂ​ജ് മ​രു​വോ​ട്ടി​ൽ, റ​ജീ​ന മു​നീ​ർ, ശാ​രി​ഖ ജ​ബീ​ൻ, ഉ​മ്മീ ഉ​മ​ർ, അ​ഫ്ര സ​ർ​ഫ​റാ​സ്, സൊ​ഹാ​റ ജെ​ദ്ദ എ​ന്നി​വ​രാ​ണ് ​ഫൈ​ന​ലി​ൽ മാ​റ്റു​ര​ക്കു​ന്ന​ത്. 'ദംദം ബി​രി​യാ​ണി ഫെ​സ്റ്റി’​ൽ വി​ജ​യി​​ക​ളെ കാ​ത്തി​രി​ക്കു​ന്ന​ത് നാ​ലാ​യി​രം റി​യാ​ലി​ന്റെ സ​മ്മാ​ന​ങ്ങ​ളാ​ണ്.

പ്ര​മു​ഖ പാ​ച​ക വി​ദ​ഗ്ധ​ൻ ഷെ​ഫ് സു​രേ​ഷ് പി​ള്ള, പാ​ച​ക വി​ദ​ഗ്ധ ആ​ബി​ദ റ​ഷീ​ദ്, കു​ടും​ബ​ങ്ങ​ളു​ടെ ഇ​ഷ്ട​താ​ര​വും അ​വ​താ​ര​ക​നു​മാ​യ രാ​ജ് ക​ലേ​ഷ് തു​ട​ങ്ങി​യ​വ​ര​ട​ങ്ങു​ന്ന ജൂ​റി പാ​ന​ലാ​ണ് അ​ന്തി​മ വി​ജ​യി​ക​ളെ തി​ര​ഞ്ഞെ​ടു​ക്കു​ക. മ​സ്ക​ത്തി​ന്റെ മ​ഹാ​രു​ചി മേ​ള​യി​ൽ വി​ജ​യി​ക​ളാ​കു​ന്ന​വ​ർ​ക്ക് ‘ദം ​സ്റ്റാ​ർ’ പ​ട്ട​മാ​ണ് ന​ൽ​കു​ക. ഗ്രാ​ൻ​ഡ് ഫി​നാ​ലെ ന​ട​ക്കു​ന്ന ആ​ഘോ​ഷ രാ​വി​ന് മാ​റ്റു​കൂ​ട്ടാ​നാ​യി ഗാ​യ​ക​രാ​യ അ​ക്ബ​ർ ഖാ​ൻ, ദാ​ന റാ​സി​ക്ക് എ​ന്നി​വ​രു​ടെ സം​ഗീ​ത ബാ​ൻ​ഡു​മു​ണ്ടാ​കും.

കു​ട്ടി​ക​ൾ​ക്കും കു​ടും​ബ​ങ്ങ​ൾ​ക്കും ആ​സ്വ​ദി​ക്കാ​വു​ന്ന ഗെ​യിം ​ഷോ​ക​ൾ, മെ​ഹ​ന്തി, ഫേ​സ് പെ​യി​ന്‍റി​ങ്, കി​ഡ്സ് കോ​ർ​ണ​റു​ക​ൾ, ക​ണ്ണൂ​ർ വി​ഭ​വ​ങ്ങ​ളു​ടെ​ത​ട​ക്ക​മു​ള്ള ഫു​ഡ്സ്റ്റാ​ളു​ക​ൾ എ​ന്നി​ങ്ങ​നെ വൈ​വി​ധ്യ​ങ്ങ​ളാ​യ വി​നോ​ദ പ​രി​പാ​ടി​ക​ളും അ​ര​ങ്ങേ​റും.പ്ര​വേ​ശ​നം സൗ​ജ​ന്യ​മാ​ണ്. ഷാ​ഹി ഫു​ഡ്സ് ആ​ൻ​ഡ് സ്പൈ​സ​സ് മു​ഖ്യ പ്രാ​യോ​ജ​രാ​കു​ന്ന പ​രി​പാ​ടി​യി​ൽ സൗ​ന്ദ​ര്യ വ​ർ​ധ​ക ഉ​ൽ​പ​ന്ന​ങ്ങ​ളു​ടെ ഓ​ൺ​ലൈ​ൻ വി​ത​ര​ണ​ക്കാ​രാ​യ സൂ​ഖ് റി​മ ഡോ​ട്ട് കോം (WWW.SOUQRIMA.COM), ​ബ​ദ​ർ അ​ൽ സ​മ ഹോ​സ്പി​റ്റ​ൽ, ഫു​ഡ്‍ലാ​ൻ​ഡ്സ് റ​സ്റ്റ​റ​ന്റ്, ബി​സ്മി ജീ​ര​ക​ശാ​ല റൈ​സ് എ​ന്നി​വ​രും കൈ​കോ​ർ​ക്കു​ന്നു​ണ്ട്.