ക്രൂ​സ്​ സീ​സ​ൺ വ​രു​ന്നൂ; ടൂ​റി​സം മേ​ഖ​ല​ക്ക്​ കു​തി​പ്പേ​കും

മ​സ്ക​ത്ത്​: രാ​ജ്യ​ത്തെ ടൂ​റി​സം രം​ഗ​ത്തി​ന്​ ഉ​ണ​ർ​വേ​കി ക്രൂ​സ്​ സീ​സ​ൺ വ​രു​ന്നു. ഒ​ക്​​ടോ​ബ​ർ അ​വ​സാ​ന​ത്തോ​ടെ​യാ​ണ്​ ലോ​ക​ത​ല​ത്തി​ൽ ക്രൂ​സ്​ സീ​സ​ണി​ന്​ തു​ട​ക്ക​മാ​കു​ന്ന​ത്. ഈ ​സ​മ​യ​ത്തു​ത​ന്നെ സു​ൽ​ത്താ​നേ​റ്റി​ലും ആ​ഡം​ബ​ര ക​പ്പ​ലു​ക​ൾ എ​ത്തി​ത്തു​ട​ങ്ങു​മെ​ന്നാ​ണ്​ ക​രു​തു​ന്ന​ത്. കോ​വി​ഡി​ന്‍റെ പി​ടി​യി​ല​മ​ർ​ന്ന​തി​നാ​ൽ ക്രൂ​സ്​ മേ​ഖ​ല​യി​ൽ വ​ർ​ഷ​ങ്ങ​ളാ​യി വേ​ണ്ട​ത്ര ഉ​ണ​ർ​വു​ണ്ടാ​യി​രു​ന്നി​ല്ല. എ​ന്നാ​ൽ, നി​യ​ന്ത്ര​ണ​ങ്ങ​ളി​ല്ലാ​ത്ത പു​തി​യ സീ​സ​ണാ​ണ്​ വ​രാ​ൻ പോ​കു​ന്ന​ത്.

അ​തു​കൊ​ണ്ടു​​​ത​ന്നെ പ്ര​തീ​ക്ഷ​യോ​ടെ​യാ​ണ്​ ടൂ​റി​സം രം​ഗ​ത്തു​ള്ള​വ​ർ ഈ ​സീ​സ​ണി​നെ കാ​ണു​ ന്ന​ത്. ആ​ദ്യ ക​പ്പ​ലാ​യ മെ​യ് ഷി​ഫ് ഈ ​മാ​സം 28ന്​ ​ഒ​മാ​നി​ലെ​ത്തും. 2,700 സ​ഞ്ചാ​രി​ക​ളാ​ണ്​ ഇ​തി​ലു​ണ്ടാ​വു​ക. 2,500 യാ​ത്ര​ക്കാ​രു​മാ​യി ന​വം​ബ​ർ മൂ​ന്നി​ന്​ ഐ​ഡ​ബെ​ല്ല​യും പ​ത്തി​ന്​ 930 യാ​ത്ര​ക്കാ​രു​മാ​യി വൈ​ക്കി​ങ്​ മാ​ർ​സും എ​ത്തും. ഒ​മാ​നി​ൽ എ​ത്തു​ന്ന ക​പ്പ​ലു​ക​ൾ സു​ൽ​ത്താ​ൻ ഖാ​ബൂ​സ്​ പോ​ർ​ട്ട്, സ​ലാ​ല, ഖ​സ​ബ് എ​ന്നീ തു​റ​മു​ഖ​ങ്ങ​ളി​ൽ ന​ങ്കൂ​ര​മി​ടും. 2019ൽ ​സു​ൽ​ത്താ​ൻ ഖാ​ബൂ​സ് തു​റ​മു​ഖ​ത്ത്​ ആ​കെ 6,60,295 വി​നോ​ദ​സ​ഞ്ചാ​രി​ക​ളു​മാ​യി 163 ക്രൂ​സ് ക​പ്പ​ലു​ക​ളാ​ണ്​ എ​ത്തി​യ​ത്. 2020ൽ ​​ഇ​വി​ടെ 66 ക്രൂ​സ്​ ക​പ്പ​ലു​ക​ളാ​ണ്​ വ​ന്ന​ത്. ഇ​തി​ലൂ​ടെ 2,63,587 സ​ഞ്ചാ​രി​ക​ൾ ല​ഭി​ക്കു​ക​യും ചെ​യ്തു.

2019ൽ 1,36,984 ​വി​നോ​ദ​സ​ഞ്ചാ​രി​ക​ളു​ള്ള 70 ക്രൂ​സ് ക​പ്പ​ലു​ക​ൾ ഖ​സ​ബ് തു​റ​മു​ഖ​ത്തി​ന് ല​ഭി​ച്ചു. 2020ൽ 31 ​ക്രൂ​സ് ക​പ്പ​ലു​ക​ളാ​ണ്​ വ​ന്ന​ത്. 1,25,110 വി​നോ​ദ​സ​ഞ്ചാ​രി​ക​ൾ എ​ത്തു​ക​യും ചെ​യ്തു. 2020ൽ ​നാ​ല് ക്രൂ​സ് ക​പ്പ​ലു​ക​ൾ മാ​ത്ര​മാ​ണ്​ സ​ലാ​ല തു​റ​മു​ഖ​ത്ത്​ എ​ത്തി​യ​ത്.

എ​ന്നാ​ൽ, 69,060 വി​നോ​ദ​സ​ഞ്ചാ​രി​ക​ളു​മാ​യി 45 ക്രൂ​സ് ക​പ്പ​ലു​ക​ളാ​ണ്​ 2019ൽ ​എ​ത്തി​യ​ത്. കോ​വി​ഡി​ന്​ മു​മ്പു​ള്ള ത​ല​ത്തി​ലേ​ക്ക്​ ക്രൂ​സ്​ മേ​ഖ​ല ഈ ​വ​ർ​ഷ​മെ​ത്തു​മെ​ന്ന്​ ഏ​റ്റ​വും വ​ലി​യ ക്രൂ​സ് ഇ​ൻ​ഡ​സ്ട്രി ട്രേ​ഡ് അ​സോ​സി​യേ​ഷ​നാ​യ ക്രൂ​സ് ലൈ​ൻ ഇ​ന്റ​ർ​നാ​ഷ​ന​ൽ അ​സോ​സി​യേ​ഷ​ന്റെ റി​പ്പോ​ർ​ട്ട് പ​റ​യു​ന്നു.

ലോ​ക​മെ​മ്പാ​ടു​മു​ള്ള 100ല​ധി​കം മാ​ർ​ക്ക​റ്റു​ക​ൾ ആ​ഡം​ബ​ര ക​പ്പ​ലു​ക​ൾ​ക്കാ​യി വീ​ണ്ടും തു​റ​ന്നി​ട്ടു​ണ്ടെ​ന്നും മി​ക്ക ക്രൂ​സ് ക​പ്പ​ലു​ക​ളും സ​ർ​വി​സ് ആ​രം​ഭി​ച്ച​താ​യും റി​പ്പോ​ർ​ട്ടി​ൽ ചൂ​ണ്ടി​ക്കാ​ണി​ക്കു​ന്നു. അ​ടു​ത്ത​വ​ർ​ഷ​ത്തോ​ടെ കോ​വി​ഡി​ന്​ മു​മ്പു​ള്ള ത​ല​ത്തി​ലേ​ക്ക്​ ക്രൂ​സ്​ മേ​ഖ​ല തി​രി​ച്ചെ​ത്തു​മെ​ന്നാ​ണ്​ ക​രു​തു​ന്ന​ത്. നി​ര​വ​ധി സ​ഞ്ചാ​രി​ക​ൾ യാ​ത്ര ചെ​യ്യാ​ൻ ത​യാ​റാ​യി വ​രു​ന്ന​ത്​ പ്ര​തീ​ക്ഷ ന​ൽ​കു​ന്ന​താ​ണ്. ക​ഴി​ഞ്ഞ ദി​വ​സം വി​നോ​ദ​സ​ഞ്ചാ​രി​ക​ളു​മാ​യി ക്രൂ​സ്​ ക​പ്പ​ൽ സ​ലാ​ല തു​റ​മു​ഖ​ത്തെ​ത്തി​യി​രു​ന്നു. ഈ​ജി​പ്തി​ലെ തു​റ​മു​ഖ​മാ​യ സ​ഫാ​ഗ​യി​ൽ​നി​ന്നു​ള്ള​ ക്യൂ​ൻ എ​ലി​സ​ബ​ത്ത് ആ​ഡം​ബ​ര ക​പ്പ​ലി​ൽ 1,651 വി​നോ​ദ​സ​ഞ്ചാ​രി​ക​ളാ​ണു​ണ്ടാ​യി​രു​ന്ന​ത്​.