ഈ ​റോ​ഡ്​ മു​റി​ച്ചു​​ക​ട​ക്ക​ൽ അ​പ​ക​ട​ത്തി​ലേ​ക്ക്​

മ​സ്ക​ത്ത്: വാ​ദി​ക​ബീ​ർ ഇ​ന്ത്യ​ൻ സ്കൂ​ൾ എ​ട്ടാം ക്ലാ​സ് വി​ദ്യാ​ർ​ഥി​യു​ടെ ദാ​രു​ണ​മാ​യ അ​ന്ത്യം മ​ന​സ്സ് ഞെ​ട്ടി​പ്പി​ക്കു​ന്ന​തി​നോ​ടൊ​പ്പം കു​റെ ചോ​ദ്യ​ങ്ങ​ളും ഉ​യ​ർ​ത്തു​ന്നു​ണ്ട്. സ്കൂ​ളി​ന് സ​മീ​പ​മു​ള്ള പ്ര​ധാ​ന ഹൈ​വേ മു​റി​ച്ചു​ക​ട​ക്കാ​ൻ ശ്ര​മി​ക്കു​ന്ന​തി​നി​ട​യി​ലാ​ണ് 14 വ​യ​സ്സു​കാ​രി അ​പ​ക​ട​ത്തി​ൽ​പ്പെ​ട്ട​ത്. കൂ​ടെ​യു​ണ്ടാ​യി​രു​ന്ന മാ​താ​വി​ന് ജീ​വ​ൻ തി​രി​ച്ചു​കി​ട്ടി​യെ​ങ്കി​ലും ഇ​രു കാ​ലു​ക​ളും ന​ഷ്ട​മാ​യി.

ഇ​ത് ഒ​മാ​നി​ലെ ആ​ദ്യ​ത്തെ സം​ഭ​വ​മ​ല്ല. മ​ണി​ക്കൂ​റി​ൽ 120 കി​ലോ​മീ​റ്റ​ർ സ്പീ​ഡി​ൽ വാ​ഹ​ന​മോ​ടി​ക്കാ​ൻ അ​നു​വാ​ദ​മു​ള്ള റോ​ഡു​ക​ൾ മു​റി​ച്ചു​ക​ട​ക്കാ​ൻ ഒ​രു​ങ്ങി ജീ​വ​ൻ കു​രു​തി​കൊ​ടു​ത്ത​വ​ർ നി​ര​വ​ധി​യാ​ണ്. ഇ​തി​ൽ അ​വ​സാ​ന​ത്തെ ക​ണ്ണി മാ​ത്ര​മാ​ണ് വാ​ദി ക​ബീ​ർ ഇ​ന്ത്യ​ൻ സ്കൂ​ളി​ലെ കൊ​ച്ചു​ബാ​ലി​ക.

എ​പ്പോ​ഴും വാ​ഹ​ന​ങ്ങ​ൾ ചീ​റി​പ്പാ​യു​ന്ന സു​ൽ​ത്താ​ൻ ഖാ​ബൂ​സ് ഹൈ​വേ​യി​ൽ കൂ​ടി സ​ഞ്ച​രി​ക്കു​ന്ന​വ​ർ പ​ല​പ്പോ​ഴും കാ​ണു​ന്ന ഒ​രു കാ​ഴ്ച​യു​ണ്ട്; റോ​ഡി​ന്റെ ഇ​രു വ​ശ​ങ്ങ​ളി​ലും റോ​ഡ് മ​ധ്യ​ത്തി​ലു​ള്ള മ​തി​ലു​ക​ളി​ലു​മൊ​ക്കെ​യാ​യി റോ​ഡ് മു​റി​ച്ചു ക​ട​ക്കാ​ൻ കാ​ത്തി​രി​ക്കു​ന്ന നി​ര​വ​ധി പേ​രെ.

ഇ​ര​പി​ടി​ക്കാ​ൻ വ​ന്യ​ജീ​വി​ക​ൾ കാ​ത്തി​രി​ക്കു​ന്ന​തു പോ​ലെ​യാ​ണ് ഇ​വ​ർ വാ​ഹ​നം ഒ​ഴി​യാ​ൻ നി​ൽ​ക്കു​ന്ന​ത്. ഇ​ട​ക്ക് ചെ​റി​യ ആ​ശ്വാ​സം കി​ട്ടു​മ്പോ​ൾ ഇ​വ​ർ റോ​ഡി​ൽ ചാ​ടു​ക​യും മ​റു​ക​ര പ​റ്റു​ക​യു​മാ​ണ് ചെ​യ്യു​ന്ന​ത്. ഇ​ത്ത​രം ഓ​രോ മു​റി​ച്ചു​ക​ട​ക്ക​ലി​ലും ഭാ​ഗ്യം​കൊ​ണ്ട് മാ​ത്ര​മാ​ണ് ജീ​വി​ത​ത്തി​ലേ​ക്ക് തി​രി​ച്ചു​ക​യ​റു​ന്ന​ത്.

മു​റി​ച്ചു​ക​ട​ക്കു​ന്ന​വ​രു​ടെ ഓ​ട്ട​ത്തി​ന്റെ ക​ണ​ക്ക് ഒ​രി​ഞ്ച് പി​ഴ​ച്ചാ​ലോ കാ​ലൊ​ന്ന് വ​ഴു​തി​യാ​ലോ മ​ര​ണം ഉ​റ​പ്പാ​ണ്. ഇ​ത്ത​രം അ​പ​ക​ട​ങ്ങ​ൾ ഉ​ണ്ടാ​കു​മ്പോ​ൾ മു​റി​ച്ചു​ക​ട​ക്കു​ന്ന​വ​ർ​ക്ക്​ മാ​ത്ര​മ​ല്ല അ​തി​വേ​ഗ​ത്തി​ൽ കു​തി​ച്ചെ​ത്തു​ന്ന വാ​ഹ​ന​ങ്ങ​ളി​ലു​ള്ള​വ​ർ​ക്കും ഭീ​ഷ​ണി​യാ​ണ്.

റൂ​വി അ​ട​ക്ക​മു​ള്ള ന​ഗ​ര​ങ്ങ​ളോ​ട് ചേ​ർ​ന്ന നാ​ഷ​ന​ൽ ഹൈ​വേ​യി​ൽ റോ​ഡ് മു​റി​ച്ചു​ക​ട​ക്കാ​ൻ ഊ​ഴം കാ​ത്തി​രി​ക്കു​ന്ന നി​ര​വ​ധി പേ​രെ എ​പ്പോ​ഴും കാ​ണാ​ൻ ക​ഴി​യും. അ​പ​ക​ട​ക​ര​മാ​യ ഈ ​റോ​ഡ് മു​റി​ച്ചു ക​ട​ക്കാ​ൻ അ​ൽ​പം അ​ക​ലെ​യാ​യി സീ​ബ്ര ലൈ​ൻ അ​ട​ക്ക​മു​ള്ള സൗ​ക​ര്യ​ങ്ങ​ളു​ണ്ടെ​ങ്കി​ൽ​പോ​ലും ഏ​താ​നും മി​നി​റ്റു​ക​ളു​ടെ ന​ട​ത്തം ഒ​ഴി​വാ​ക്കാ​ൻ ജീ​വ​ൻ പ​ണ​യം​വെ​ച്ച് പ​ല​രും റോ​ഡ് മു​റി​ച്ച് ക​ട​ക്കു​ക​യാ​ണ്.

നി​ര​വ​ധി ട്രാ​ക്കു​ക​ളി​ലാ​യി അ​തി​ശീ​ഘ്രം പാ​യു​ന്ന വാ​ഹ​ന​ങ്ങ​ൾ ഇ​വ​രു​ടെ ജീ​വ​ന് ഭീ​ഷ​ണി​യാ​ണെ​ങ്കി​ലും അ​പ​ക​ടം നേ​രി​ൽ​ക്ക​ണ്ടാ​ലും പ​ല​രും പ​ഠി​ക്കു​ന്നി​ല്ല. റോ​ഡി​ന്റെ പ​ല ഭാ​ഗ​ങ്ങ​ളി​ലും നി​ര​വ​ധി കാ​ൽ​ന​ട മേ​ൽ​പാ​ല​ങ്ങ​ളും ഭൂ​ഗ​ർ​ഭ പാ​ത​ക​ളു​മു​ണ്ട്. പ​ക്ഷേ ഇ​വ​യൊ​ന്നും പ​ല​രും ഉ​പ​യോ​ഗ​പ്പെ​ടു​ത്താ​തെ ജീ​വ​ൻ​വെ​ച്ച് ക​ളി​ക്കു​ക​യാ​ണ് ചെ​യ്യു​ന്ന​ത്.

റോ​ഡു​ക​ൾ മു​റി​ച്ചു​ക​ട​ക്കു​മ്പോ​ഴു​ണ്ടാ​കു​ന്ന അ​പ​ക​ട​ങ്ങ​ൾ ഒ​ഴി​വാ​ക്കാ​ൻ ന​ട​പ​ടി​ക​ൾ ആ​വ​ശ്യ​മാ​ണെ​ന്നാ​ണ് സാ​മൂ​ഹി​ക പ്ര​വ​ർ​ത്ത​ക​ർ പ​റ​യു​ന്ന​ത്. ഇ​ത്ത​രം റോ​ഡ് മു​റി​ച്ചു​ക​ട​ക്ക​ൽ മൂ​ല​മു​ണ്ടാ​വു​ന്ന ദു​ര​ന്ത​ങ്ങ​ളെ കു​റി​ച്ചു​ള്ള വ്യാ​പ​ക​മാ​യ ബോ​ധ​വ​ത്​​ക​ര​ണം ആ​വ​ശ്യ​മാ​ണ്.