ക്രി​ക്ക​റ്റ് ലോ​ക​ക​പ്പ് യോ​ഗ്യ​ത ; ഒ​മാ​ന്​ ഇ​ന്ന്​ നി​ർ​ണാ​യ​കം

മ​സ്ക​ത്ത്​: ഏ​ക​ദി​ന ക്രി​ക്ക​റ്റ് ലോ​ക​ക​പ്പ് യോ​ഗ്യ​ത​ക്കു​ള്ള സൂ​പ്പ​ര്‍ സി​ക്‌​സ് റൗ​ണ്ടി​ലെ നി​ർ​ണാ​യ​ക മ​ത്സ​ര​ത്തി​ന്​ ഒ​മാ​ൻ തി​ങ്ക​ളാ​ഴ്​​ച ഇ​റ​ങ്ങും. സിം​ബാ​ബ് വേ​യി​ലെ ഹ​രാ​രെ സ്‌​പോ​ര്‍ട്‌​സ് ക്ല​ബി​ല്‍ ന​ട​ക്കു​ന്ന മ​ത്സ​ര​ത്തി​ൽ നെ​ത​ര്‍ല​ൻ​ഡാ​ണ് എ​തി​രാ​ളി​ക​ൾ. ഇ​ന്ന്​ വി​ജ​യി​ച്ചാ​ൽ മാ​ത്ര​മെ മു​ന്നോ​ട്ടു​ള്ള പോ​ക്ക്​ സാ​ധ്യ​മാ​കൂ. ഒ​മാ​ൻ സ​മ​യം രാ​വി​ലെ 11നാ​ണ് മ​ത്സ​രം. സൂ​പ്പ​ർ സി​ക്സി​ലെ ആ​ദ്യ മ​ത്സ​ര​ത്തി​​ൽ ആ​തി​ഥേ​യ​രാ​യ സിം​ബാ​ബ് വേ​യോ​ട്​ ഒ​മാ​ൻ പൊ​രു​തി തോ​റ്റി​രു​ന്നു. അ​വ​സാ​ന ഓ​വ​ർ​വ​രെ പൊ​രു​തി​യ ഒ​മാ​ൻ 14 റ​ണ്‍സി​നാ​​ണ്​ പ​രാ​ജ​യ​പ്പെ​ട്ട​ത്​.

ക​​ശ്യ​​പ്​ പ്ര​​ജാ​​പ​​തി (97 ബാ​​ളി​​ൽ 103 റ​​ൺ​​സ്), അ​​യാ​​ൻ ഖാ​​ൻ (43 ബാ​​ളി​​ൽ 47 റ​​ൺ​​സ്), ആ​​ഖി​​ബ്​ ഇ​​ല്യാ​​സ്​ (61 ബാ​​ളി​​ൽ 45 റ​​ൺ​​സ്) എ​​ന്നി​​വ​ർ ​ മി​​ക​​ച്ച പ്ര​​ക​​ട​​നം ന​​ട​​ത്തി​​യി​രു​ന്നു​വെ​ങ്കി​ലും ഇ​​ട​​ക്കും ത​​ല​​ക്കു​​മാ​​യി വി​​ക്ക​​റ്റു​​ക​​ൾ വീ​​ണ​​തും വ​​ലി​​യ കൂ​​ട്ടു​​കെ​​ട്ടു​​ക​​ൾ ഇ​​ല്ലാ​​തെ പോ​​യ​​തു​​മാ​​ണ്​ റെ​​ഡ്​ വാ​​രി​​യേ​​ഴ്​​​സി​​ന്​ തി​​രി​​ച്ച​​ടി​​യാ​​യ​​ത്. ഒ​പ്പം ബൗ​ള​ർ​മാ​ർ റ​ൺ വി​ട്ടു​കൊ​ടു​ക്കു​ന്ന​തി​ൽ ധാ​രാ​ളി​ത്ത​വും കാ​ണി​ച്ച​ത്​ വി​ന​യാ​യി.

എ​ന്നാ​ൽ, ക​ഴി​ഞ്ഞ ക​ളി​യി​ലെ പോ​രാ​യ്മ​ക​ൾ പ​രി​ഹ​രി​ച്ചാ​യി​രി​ക്കും കോ​ച്ച് ദു​ലീ​പ് മെ​ന്‍ഡി​സ് ടീ​മി​നെ ഇ​റ​ക്കു​ക. ബൗ​ളി​ങ്ങ്​ ഡി​പ്പാ​ർ​ട്മെ​ന്‍റി​ൽ ചി​ല മാ​റ്റ​ങ്ങ​ൾ വ​രു​ത്താ​ൻ സാ​ധ്യ​ത​യു​ണ്ട്. ഒ​മാ​ന്‍റെ അ​ടു​ത്ത മ​ത്സ​രം അ​​ഞ്ചി​​ന് വെ​​സ്റ്റി​​ൻ​​ഡീ​​സി​​നെ​​തി​രെ​യാ​ണ്. സൂ​​പ്പ​​ർ സി​​ക്സി​​ൽ​​നി​​ന്ന്​ നാ​​ലു ടീ​​മു​​ക​​ള്‍ പ്ലേ ​​ഓ​​ഫ് യോ​​ഗ്യ​​ത നേ​​ടും. പ്ലേ ​​ഓ​​ഫി​​ലെ വി​​ജ​​യി​​ക​​ള്‍ ജൂ​​ലൈ ഒ​​മ്പ​​തി​​ന് ന​​ട​​ക്കു​​ന്ന ക​​ലാ​​ശ​​ക്ക​​ളി​​യി​​ൽ ഏ​​റ്റു​​മു​​ട്ടും.