സി.പി.ആർ പരിശീലനവും ബോധവത്കരണ സെമിനാറും സംഘടിപ്പിച്ചു
text_fieldsഇന്ത്യൻ സോഷ്യൽ ക്ലബ് ഒമാൻ കേരളവിഭാഗം വനിതാവേദിയുടെ നേതൃത്വത്തിൽ ഇന്ത്യൻ മെഡിക്കൽ അസോസിയേഷൻ നെടുമ്പാശ്ശേരി ചാപ്റ്ററുമായി സഹകരിച്ച് സി.പി.ആർ പരിശീലനവും ബോധവത്കരണത്തിൽനിന്ന്
മസ്കത്ത്: ഇന്ത്യൻ സോഷ്യൽ ക്ലബ് ഒമാൻ കേരളവിഭാഗം വനിതാവേദിയുടെ നേതൃത്വത്തിൽ ഇന്ത്യൻ മെഡിക്കൽ അസോസിയേഷൻ നെടുമ്പാശ്ശേരി ചാപ്റ്ററുമായി സഹകരിച്ച് അടിസ്ഥാന ജീവൻ രക്ഷാ ക്ലാസും സി.പി.ആർ പരിശീലനവും സംഘടിപ്പിച്ചു. ദാർസൈത്തിലെ ഇന്ത്യൻ സോഷ്യൽ ക്ലബ് ഹാളിൽ നടന്ന പരിശീലനത്തിൽ നൂറിലേറെപേർ പങ്കെടുത്തു. ഐ.എം.എ പ്രസിഡന്റ് ഡോക്ടർ ഹാഷിം വീരാൻകുട്ടി പരിശീലകരായെത്തിയ ഡോക്ടർമാരെ സദസ്സിന് പരിചയപ്പെടുത്തി.
ഐം.എം.എ നെടുമ്പാശ്ശേരി ചാപ്റ്ററിന്റെ ഒമാനിലെ തുടക്കം മുതൽ കഴിഞ്ഞ പതിനൊന്ന് വർഷക്കാലത്തെ സഹകരണവും കേരള വിഭാഗം പ്രവാസി സമൂഹത്തിനായി നൽകുന്ന സേവനങ്ങളും ഡോക്ടർ ആമുഖഭാഷണത്തിൽ അനുസ്മരിച്ചു. ഡോക്ടർ നൈജൽ കുര്യാക്കോസ്, ഡോക്ടർ സഞ്ജീവ് നായർ, ഡോക്ടർ സുഹൈൽ, ഡോക്ടർ ഹനീഷ് ഹരിദാസ്, ഐ.എം.എ സെക്രട്ടറി ഡോക്ടർ അഫ്താബ് മുഹമ്മദ് എന്നിവർ പരിശീലനം നൽകി.
ഇന്നത്തെ കാലഘട്ടത്തിൽ ഇത്തരം പരിശീലനങ്ങൾ ഏറെ ആവശ്യമാണെന്ന് പങ്കെടുത്തവർ അഭിപ്രായപ്പെട്ടു. കൺവീനർ അജയൻ പൊയ്യാറ അധ്യക്ഷതവഹിച്ചു. ഇന്ത്യൻ സോഷ്യൽ ക്ലബ് സാമൂഹ്യ ക്ഷേമ സെക്രട്ടറി സന്തോഷ് കുമാർ, പ്രവാസി ക്ഷേമനിധി ബോർഡ് അംഗം വിൽസൻ ജോർജ്ജ് എന്നിവർ സംസാരിച്ചു. വനിതവിഭാഗം കോഓർഡിനേറ്റർ ശ്രീജ രമേഷ് സ്വാഗതവും ചടങ്ങിൽ കോ കൺവീനർ ജഗദീഷ് നന്ദിയും പറഞ്ഞു. ഡോക്ടർമാർക്കുള്ള ഉപഹാരങ്ങൾ കേരള വിഭാഗം ഭരണസമിതി അംഗങ്ങളും മുഖ്യാതിഥികളും ചേർന്ന് നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

