കോവിഡ്​: ഒമാനിൽ രണ്ട്​ മലയാളികൾ കൂടി മരിച്ചു

മസ്​കത്ത്/സൂർ​: കോവിഡ്​ ബാധിച്ച്​ ഒമാനിൽ രണ്ട്​ മലയാളികൾ കൂടി മരിച്ചു. ആലപ്പുഴ ചേർത്തല സ്വദേശി ചിറയിൽ വീട്ടിൽ വെങ്കിടേശ്വര പിള്ളയുടെ മകൻ സുരേഷ് കുമാർ (54) സൂർ സർക്കാർ ആശുപത്രിയിലാണ്​ മരണപ്പെട്ടത്​. സൂറിലെ ഹോട്ടലിൽ കഴിഞ്ഞ പത്തു വർഷത്തോളമായി കുക്കായി ജോലി ചെയ്യുന്ന സുരേഷ് കുമാർ കോവിഡ് ബാധിച്ച്​ കഴിഞ്ഞ ഒരു മാസത്തോളമായി സൂറിൽ ആശുപത്രിയിൽ ചികിത്സയിലായിരുന്നു. ന്യുമോണിയയാണ്​ മരണകാരണമായത്​. നടപടിക്രമങ്ങൾക്ക് ശേഷം മൃതദേഹം സുഹാറിൽ സംസ്​കരിക്കും. രാജമ്മ മാതാവും ലത ഭാര്യയുമാണ്​. മക്കൾ: അഖിൽ, നന്ദന.

മലപ്പുറം കോട്ടക്കൽ ഒതുക്കുങ്ങൽ പറച്ചികോടൻ സുനീർ മസ്കത്തിലെ അൽ നഹ്ദ ആശുപത്രിയിലാണ്​ മരണപ്പെട്ടത്​. ബർക്കയിലാണ് ജോലി ചെയ്​തിരുന്നത്​. ഭാര്യ: കൊളമ്പിൽ സെലീന. മക്കൾ: സിനാൻ, ഫാത്തിമ സന, ഫാത്തിമ സെൻഹ, ഫാത്തിമ സിൻഹ.