കോവിഡ്​: ഒമാനിൽ ഒരു പ്രവാസി കൂടി മരിച്ചു

മസ്​കത്ത്​: കോവിഡ്​ ബാധിച്ച്​ ചികിത്സയിലിരുന്ന ഒരു പ്രവാസി കൂടി മരിച്ചതായി ഒമാൻ ആരോഗ്യ മന്ത്രാലയം അറിയിച്ചു. സലാലയിൽ വ​െൻറിലേറ്ററിലായിരുന്ന  63 വയസുകാരനായ പാക്കിസ്​ഥാൻ സ്വദേശിയാണ് മരണപ്പെട്ടത്​. ​ ബുധനാഴ്​ച റിപ്പോർട്ട്​ ചെയ്യപ്പെടുന്ന മൂന്നാമത്തെ മരണമാണിത്​. 70ഉം 66ഉം വയസ്​ പ്രായമുള്ള സ്വദേശികളും ബുധനാഴ്​ച മരണപ്പെട്ടിരുന്നു. ഇതോടെ രാജ്യത്തെ കോവിഡ്​ മരണം 30 ആയി. ഇതിൽ രണ്ട്​ മലയാളികൾ അടക്കം 20 പേർ പ്രവാസികളും പത്ത്​ പേർ സ്വദേശികളുമാണ്​​.