ഒമാനിൽ 33 പേർക്ക്​ കൂടി കോവിഡ്​; രോഗബാധിതർ 331 ആയി

മസ്​കത്ത്​: ഒമാനിൽ 33 പേർക്ക്​ കൂടി കോവിഡ്​ 19 സ്​ഥിരീകരിച്ചു. ഇതോടെ രാജ്യത്ത്​ ആകെ രോഗം സ്​ഥിരീകരിച്ചവരുടെ എണ്ണം 331 ആയി. ഇതിൽ മസ്​കത്ത്​ മേഖലയിൽ ചികിത്സയിലിരുന്ന രണ്ടുപേർ മരണപ്പെട്ടു. 61 പേർ ഇതിനകം സുഖം പ്രാപിക്കുകയും ചെയ്​തു.

ഒമാനിൽ ഒരു ദിവസം റിപ്പോർട്ട്​ ചെയ്യുന്ന ഏറ്റവും ഉയർന്ന രോഗബാധയാണ്​ തിങ്കളാഴ്​ചയിലേത്​. 33 കേസുകളിൽ 31ഉം തലസ്ഥാനമായ മസ്​കത്ത്​ ഗവർണറേറ്റിലാണ്​ എന്നതാണ്​ മറ്റൊരു ആശങ്കയുണർത്തുന്ന കാര്യം. ദാഖിലിയ, ദാഹിറ മേഖലകളിൽ ഒരോരുത്തർക്കും പുതുതായി രോഗം സ്​ഥിരീകരിച്ചു. രാജ്യത്തെ 75 ശതമാനം കോവിഡ്​ രോഗികളും മസ്​കത്ത്​ മേഖലയിലാണ്​.