22 പേർക്ക്​ കൂടി കോവിഡ്​: ഒമാനിൽ രോഗികൾ 131

മസ്​കത്ത്​: ഒമാനിൽ 22 പേർക്ക്​ കൂടി കോവിഡ്​ 19 സ്​ഥിരീകരിച്ചതായി ആരോഗ്യ മന്ത്രാലയം അറിയിച്ചു. ഇതിൽ പത്തുപേർക്ക്​ നേരത്തേ രോഗികളായവരുമായി അടുത്ത ബന്ധം പുലർത്തിയത്​ വഴിയാണ്​ വൈറസ്​ ബാധയേറ്റത്​. എട്ടു​പേർക്ക്​ യാത്രയാണ്​ കാരണം. നാല്​ കേസുകൾ അന്വേഷണത്തിലാണ്​.

ഇതോടെ ഒമാനിൽ രോഗം സ്​ഥിരീകരിച്ചവരുടെ എണ്ണം 131 ആയി. ഇതിൽ 23 പേർ രോഗ മുക്​തി നേടിയിട്ടുമുണ്ട്​. ഇതുവരെ രോഗബാധിതരായവരിൽ 90 പേരും മസ്​കത്ത്​ ഗവർണറേറ്റിൽ നിന്നുള്ളവരാണ്​.