കോവിഡ്​: കൊല്ലം സ്വദേശി ഒമാനിൽ മരിച്ചു

മസ്​കത്ത്​: കോവിഡ്​ ബാധിച്ച്​ ചികിൽസയിലിരുന്ന കൊല്ലം സ്വദേശി ഒമാനില്‍ മരിച്ചു. ഓച്ചിറ കൃഷ്ണപുരം സ്വദേശി ഹാരിസ് അബൂബക്കര്‍ കുഞ്ഞ് (50) ആണ് നിസ്‌വ ആശുപത്രിയിൽ മരണപ്പെട്ടത്​.

ഒരു മാസത്തോളമായി ചികിത്സയില്‍ ആയിരുന്നു. നേരത്തെ സൗദിയില്‍ ജോലി ചെയ്തിരുന്ന അബൂബക്കര്‍ കുഞ്ഞ് അടുത്തിടെയാണ് നിസ്​വയിലെ സ്വകാര്യ കമ്പനിയില്‍ ജോലിയില്‍ പ്രവേശിച്ചത്. കോവിഡ്​ ബാധിച്ച്​ ഒമാനിൽ മരിക്കുന്ന 37ാമത്തെ മലയാളിയാണ്​ ഇദ്ദേഹം.