Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightOmanchevron_rightഒമാനിൽ കോവിഡ്​ മരണം...

ഒമാനിൽ കോവിഡ്​ മരണം 750 കടന്നു

text_fields
bookmark_border
ഒമാനിൽ കോവിഡ്​ മരണം 750 കടന്നു
cancel

മസ്​കത്ത്​: ഒമാനിൽ കോവിഡ്​ ബാധിച്ച്​ ചികിത്സയിലിരുന്ന ഒമ്പത്​ പേർ കൂടി മരിച്ചു. മരണപ്പെട്ടവരുടെ എണ്ണം ഇതോടെ 751 ആയി. 349 പേരാണ്​ പുതുതായി രോഗബാധിതരായത്​. ഇതോടെ കോവിഡ്​ സ്​ഥിരീകരിച്ചവരുടെ ആകെ എണ്ണം 87939 ആയി. 142 പേർക്ക്​ കൂടി രോഗം ഭേദമായി. 83115 പേരാണ്​ ഇതുവരെ രോഗമുക്​തരായത്​. 54 പേരെ കൂടി ആശുപത്രിയിൽ പ്രവേശിപ്പിച്ചു. 462 പേരാണ്​ ആശുപത്രികളിൽ ചികിൽസയിലുള്ളത്​. ഇതിൽ 167 പേർ തീവ്ര പരിചരണ വിഭാഗത്തിലാണ്​ ഉള്ളത്​. പുതിയ രോഗികൾ കൂടുതലും മസ്​കത്ത്​ ഗവർണറേറ്റിലാണ്​. 143 പേർക്കാണ്​ ഇവിടെ വൈറസ്​ ബാധ സ്​ഥിരീകരിച്ചത്​. ബോഷർ-39, മത്ര-38, സീബ്​-33, മസ്​കത്ത്​-29, അമിറാത്ത്​-നാല്​ എന്നിങ്ങനെയാണ്​ വിലായത്ത്​ തലത്തിലെ രോഗബാധയുടെ കണക്കുകൾ. വടക്കൻ ബാത്തിനയിലെ 66 ​പുതിയ രോഗികളിൽ 47 പേരും സുഹാറിലാണ്​. സുവൈഖ്​, ലിവ എന്നിവിടങ്ങളിൽ ഏഴുപേർക്ക്​ വീതവും രോഗബാധ സ്​ഥിരീകരിച്ചിട്ടുണ്ട്​. ദോഫാറിലെ 35 പുതിയ രോഗികളിൽ 32 പേരും സലാലയിലാണ്​. ദാഖിലിയ-31, തെക്കൻ ബാത്തിന-28, തെക്കൻ ശർഖിയ-26, ദാഹിറ-എട്ട്​, വടക്കൻ ശർഖിയ-ഏഴ്​, ബുറൈമി-നാല്​, അൽ വുസ്​ത-ഒന്ന്​ എന്നിങ്ങനെയാണ്​ മറ്റ്​ ഗവർണറേറ്റുകളിലെ പുതിയ രോഗികളുടെ എണ്ണം.


Show Full Article
TAGS:omannewsoman
Next Story