കോവിഡ്​ സർട്ടിഫിക്കറ്റ്​ ഒമാനിൽ നിന്നുള്ള ചാർ​േട്ടഡ്​ യാത്രക്കാർക്കും നിർബന്ധം

മസ്​കത്ത്​: ഒമാനിൽ നിന്ന്​ കേരളത്തിലേക്ക്​ ചാർ​േട്ടഡ്​ വിമാനങ്ങളിൽ പോകുന്നവർക്കും കോവിഡ്​ പരിശോധന നിർബന്ധമാക്കി. ഇൗ മാസം 20 മുതലാണ്​ നിബന്ധന പ്രാബല്ല്യത്തിൽ വരുക. കേരള സർക്കാരി​​​െൻറ ആവശ്യം പരിഗണിച്ചാണ്​ പരിശോധന നിർബന്ധമാക്കിയതെന്ന്​ മസ്​കത്ത്​ ഇന്ത്യൻ എംബസിയുമായി ബന്ധപ്പെട്ടവർ അറിയിച്ചു. കേരള സർക്കാർ ഇത്​ സംബന്ധിച്ച്​ കത്ത്​ നൽകിയിട്ടുണ്ട്​. അതേസമയം വന്ദേഭാരത്​ വിമാനങ്ങളിൽ യാത്ര ചെയ്യുന്നവർക്ക്​ ഇൗ നിബന്ധന ബാധകമായിരിക്കില്ല.

യാത്രക്കാർക്ക്​ സ്വകാര്യ ആശുപത്രികളിൽ പരിശോധന നടത്താം. ചാർ​േട്ടഡ്​ വിമാന സർവീസുകൾ നടത്തുന്ന സാമൂഹിക സംഘടനകളും മറ്റും യാത്രക്കാർക്ക്​ ഇത്​ സംബന്ധിച്ച് നിർദേശങ്ങൾ നൽകാവുന്നതാണ്​. അടുത്ത ശനിയാഴ്​ച മുതൽ കോവിഡ്​ നെഗറ്റീവ്​ സർട്ടിഫിക്കറ്റ്​ ഉള്ളവർക്ക്​ മാത്രമായിരിക്കും യാത്രാനുമതി നൽകുകയെന്നും എംബസിയുമായി ബന്ധപ്പെട്ടവർ അറിയിച്ചു.

ചാർ​േട്ടഡ്​ വിമാനങ്ങളിൽ നാടണയാമെന്ന്​ കരുതിയിരിക്കുന്ന ആയിരകണക്കിന്​ പ്രവാസികൾക്ക്​ ഇൗ തീരുമാനം തിരിച്ചടിയാകും. സർക്കാർ തീരുമാനത്തിൽ നിന്ന്​ പിൻമാറാത്ത പക്ഷം ബുക്ക്​ ചെയ്​ത വിമാനങ്ങൾ സംഘടനകൾക്ക്​ റദ്ദാക്കേണ്ടി വരും. ഇത്​ വലിയ സാമ്പത്തിക നഷ്​ടമാണ്​ സാമൂഹിക സംഘടനകൾക്ക്​ ഉണ്ടാക്കുക.

രണ്ടാഴ്​ച മുമ്പാണ്​ ചാർ​േട്ടഡ്​ വിമാന സർവീസുകൾ തുടങ്ങിയത്​. മൂവായിരം പേരാണ്​ ചാർ​േട്ടഡ്​ വിമാനങ്ങളിൽ ഇതുവരെ മടങ്ങിയത്​. ഇതിൽ നല്ല ശതമാനം മലയാളികളാണ്​. വന്ദേഭാരത്​ വിമാനങ്ങളിൽ ആറായിരം പേരും മടങ്ങി. പതിനായിരങ്ങളാണ്​ നാട്ടിലേക്ക്​ മടങ്ങാൻ അവസരം ലഭിക്കാതെ കണ്ണീരും കൈയുമായി കാത്തിരിക്കുന്നത്​.

LATEST VIDEO: