ഒമാനിൽ 12 പേർക്ക്​ കൂടി കോവിഡ്​; 29 പേർ രോഗമുക്​തി നേടി

മസ്​കത്ത്​: ഒമാനിൽ 12 പേർക്ക്​ കൂടി കോവിഡ്​ 19 സ്​ഥിരീകരിച്ചു. ഇതോടെ മൊത്തം രോഗികളുടെ എണ്ണം 179 ആയി ഉയർന്നു. കോവിഡ്​ ബാധിതരിൽ 29 പേർ രോഗമുക്​തി നേടിയതായി ആരോഗ്യമന്ത്രി അഹമ്മദ്​ ബിൻ മുഹമ്മദ്​ അൽ സഇൗദി കഴിഞ്ഞ ദിവസം അറിയിച്ചിരുന്നു.

23 പേർ ആശുപത്രികളിലെ ​െഎസോലേഷൻ സംവിധാനങ്ങളിലാണ്​ ഉള്ളത്​. ഇതിൽ മൂന്ന്​ പേർ തീവ്രപരിചരണ വിഭാഗത്തിലാണ്. ബാക്കിയുള്ളവർക്ക്​ വീടുകളിലും ഹോട്ടലുകളിലുമായി ഒരുക്കിയിട്ടുള്ള ​െഎസോലേഷൻ സംവിധാനമാണ്​ ലഭ്യമാക്കിയിട്ടുള്ളത്​.

രോഗബാധ തടയാനുള്ള ഏറ്റവും നല്ല വഴി സാമൂഹിക അകലം പാലിക്കലാണെന്ന്​ ആരോഗ്യമന്ത്രി പറഞ്ഞു. ആരോഗ്യ സ്​ഥിതി മോശമായ പ്രായമായ ആളുകൾ കർക്കശമായും വീടുകളിൽ തന്നെ തുടരണം. ഇവർക്കാണ്​ അപകട സാധ്യത കൂടുതലും.

ഒമാനിൽ രോഗബാധിതരിൽ കൂടുതലും 16നും 59നുമിടയിൽ പ്രായമുള്ളവരാണ്​. എന്നിരുന്നാലും എല്ലാ പ്രായക്കാരും ജാഗ്രത പുലർത്തണം. ശ്വാസകോശ രോഗങ്ങളുള്ളവർ നിർബന്ധമായും സ്വയം ​െഎസോലേഷനിൽ കഴിയണമെന്ന്​ മന്ത്രി പറഞ്ഞു.