ഒമാനിൽ കോവിഡ്​ സ്​ഥിരീകരിച്ചവരിൽ ഒരു കണ്ണൂർ സ്വദേശി കൂടി

മസ്​കത്ത്​: ഒമാനിൽ ഒരു കണ്ണൂർ സ്വദേശിക്ക്​ കൂടി കോവിഡ്​ 19 സ്​ഥിരീകരിച്ചു. നേരത്തേ രോഗബാധ കണ്ടെത്തിയ തലശേരി സ്വദേശിയുടെ മസ്​കത്തിലുള്ള ബന്ധുവിനാണ്​ കഴിഞ്ഞ ദിവസം വൈറസ്​ ബാധ സ്​ഥിരീകരിച്ചത്​. ലഘുവായ രോഗലക്ഷണങ്ങളുള്ള കണ്ണൂർ സ്വദേശിയെ മസ്​കത്തിലെ ഹോട്ടലുകളിൽ ആരോഗ്യ വകുപ്പ്​ സജ്​ജീകരിച്ചിട്ടുള്ള െഎസോലേഷൻ സംവിധാനത്തിലേക് ക്​ മാറ്റി. നാട്ടിൽ നിന്ന്​ മസ്​കത്തിൽ വിമാനമിറങ്ങിയ തലശേരിക്കാരൻ ഇദ്ദേഹത്തി​​െൻറ മസ്​കത്തിലെ മുറിയിൽ ഒരു ദിവസം താമസിച്ച ശേഷമാണ്​ സലാലയിലേക്ക്​ മടങ്ങിയത്​.

കഴിഞ്ഞ 19ന്​ തലശേരി സ്വദേശിക്ക്​ രോഗം സ്​ഥിരീകരിച്ചതറിഞ്ഞത്​ മുതൽ ഇദ്ദേഹം ഏറെ ശ്രദ്ധിച്ചിരുന്നു. വീട്ടിൽ തന്നെയായിരുന്നു ഏതാണ്ട്​ മുഴുവൻ സമയവുമെന്ന്​ ഇദ്ദേഹത്തി​​െൻറ സുഹൃത്തുക്കൾ പറഞ്ഞു. വളരെ അത്യാവശ്യത്തിന്​ മാത്രം പുറത്തിറങ്ങു​േമ്പാൾ ഏറെ മുൻ കരുതൽ എടുക്കുകയും ചെയ്​തിരുന്നു. ഏതാനും ദിവസം മുമ്പ്​ പനിയും ചുമയും ഉണ്ടായപ്പോൾ ഹെൽത്ത്​ സ​െൻററിൽ പോവുകയും കാര്യങ്ങൾ പറഞ്ഞ്​ സ്വയം പരിശോധനക്ക്​ സന്നദ്ധനാവുകയുമായിരുന്നു. ഏറ്റവും പുതിയ കണക്കനുസരിച്ച്​ ഒമാനിലെ കോവിഡ്​ ബാധ സ്​ഥിരീകരിച്ചവരുടെ എണ്ണം 167 ആയി ഉയർന്നു. ഞായറാഴ്​ച 15 പേർക്ക്​ കൂടിയാണ്​ വൈറസ്​ ബാധ സ്​ഥിരീകരിച്ചത്​. ഇതുവരെയുള്ളവരിൽ 23 പേർ പൂർണമായും രോഗമുക്​തരായും അധികൃതർ അറിയിച്ചു.

മേഖല തിരിച്ചുള്ള കണക്കെടുക്കു​േമ്പാൾ മസ്​കത്താണ്​ രോഗം സ്​ഥിരീകരിച്ചവരുടെ എണ്ണത്തിൽ മുന്നിൽ. ദാഖിലിയ, വടക്കൻ ബാത്തിന, തെക്കൻ ബാത്തിന, ദോഫാർ എന്നിവയാണ്​ തൊട്ടുപിന്നിൽ. അതിനിടെ രോഗബാധ മുൻനിർത്തി പൊതുസ്​ഥലങ്ങളിൽ കൂട്ടം കൂടരുതെന്ന്​ റോയൽ ഒമാൻ പൊലീസ്​ ഒൗദ്യോഗികമായി നിർദേശം നൽകി. കൂട്ടം കൂടുന്നത്​ തടയാൻ നടപടികളെടുത്ത്​ വരുന്നതായും അധികൃതർ അറിയിച്ചു. സ്വദേശികൾക്കും വിദേശികൾക്കും ബോധവത്​കരണം നടത്തിവരുന്നുണ്ട്​. അതോടൊപ്പം പൊലീസി​​െൻറയും ആഭ്യന്തര സുരക്ഷാ വിഭാഗത്തി​​െൻറയും പരിശോധനകളും പട്രോളിങും നടത്തിവരുന്നുണ്ട്​.