കോവിഡ്​: ഒമാനിൽ വെള്ളിയാഴ്​ച രണ്ട്​ പേർ കൂടി മരിച്ചു

മസ്​കത്ത്​: ഒമാനിൽ കോവിഡ്​ ബാധിച്ച്​ ചികിത്സയിലിരുന്ന രണ്ട്​ പേർ കൂടി വെള്ളിയാഴ്​ച മരിച്ചു.  36 വയസുകാരിയായ സ്വദേശി യുവതിയും 43 വയസുകാരനായ വിദേശിയുമാണ്​ മരണപ്പെട്ടത്​.

സ്വദേശി യുവതിയുടെ മരണം വെള്ളിയാഴ്​ച രാവിലെയും വിദേശിയുടേത്​ വൈകുന്നേരവുമാണ്​ ആരോഗ്യ വകുപ്പ്​ സ്​ഥിരീകരിച്ചത്​. ഇവർ ഏത്​ രാജ്യക്കാർ ആണെന്ന വിവരം വ്യക്​തമായിട്ടില്ല. ഇതോടെ ഒമാനിലെ കോവിഡ്​ മരണം 20 ആയി. മരിച്ചവരിൽ രണ്ട്​ മലയാളികളടക്കം 13 പേർ വിദേശികളും ഏഴുപേർ സ്വദേശികളുമാണ്​.